ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 6 : PALI ROMAN Vinaya Pitaka Vol 6 : Vinaya. Culla (1)

     [471]   Tena   kho   pana  samayena  annataro  bhikkhu  parivasanto
vibbhami   .   so   puna   paccagantva  bhikkhu  upasampadam  yaci  .  te
Bhikkhu bhagavato etamattham arocesum.
     [472]   Idha   pana   bhikkhave   bhikkhu   parivasanto   vibbhamati .
Vibbhantakassa  bhikkhave  parivaso  na  ruhati  .  so  ce  puna upasampajjati
tassa    tadeva    purimam   parivasadanam    .   yo   parivaso   dinno
sudinno. Yo parivuttho suparivuttho. Avaseso parivasitabbo.
     [473]  Idha  pana  bhikkhave  bhikkhu  parivasanto  samanero  hoti.
Samanerassa  bhikkhave  parivaso  na  ruhati  .  so  ce  puna upasampajjati
tassa    tadeva    purimam    parivasadanam   .   yo   parivaso   dinno
sudinno. Yo parivuttho suparivuttho. Avaseso parivasitabbo.
     [474]    Idha   pana   bhikkhave   bhikkhu   parivasanto   ummattako
hoti   .   ummattakassa   bhikkhave   parivaso   na  ruhati  .  so  ce
puna   anummattako   hoti   tassa   tadeva   purimam  parivasadanam  .  yo
parivaso    dinno    sudinno   .   yo   parivuttho   suparivuttho  .
Avaseso parivasitabbo.
     [475]    Idha   pana   bhikkhave   bhikkhu   parivasanto   khittacitto
hoti   .   khittacittassa   bhikkhave   parivaso   na  ruhati  .  so  ce
puna   akhittacitto   hoti   tassa   tadeva   purimam  parivasadanam  .  yo
parivaso    dinno    sudinno   .   yo   parivuttho   suparivuttho  .
Avaseso parivasitabbo.
     [476]  Idha  pana  bhikkhave  bhikkhu parivasanto vedanatto 1- hoti.
@Footnote: 1 Ma. vedanatto. ito param sabbattha eseva nayo.
Vedanattassa  bhikkhave  parivaso  na  ruhati  .  so  ce  puna avedanatto
hoti   tassa   tadeva   purimam   parivasadanam   .  yo  parivaso  dinno
sudinno. Yo parivuttho suparivuttho. Avaseso parivasitabbo.
     [477]  Idha  pana  bhikkhave  bhikkhu  parivasanto  apattiya adassane
ukkhipiyati   .   ukkhittakassa   bhikkhave   parivaso   na   ruhati  .  so
ce   puna   osariyati   tassa   tadeva   purimam   parivasadanam   .  yo
parivaso    dinno    sudinno   .   yo   parivuttho   suparivuttho  .
Avaseso parivasitabbo.
     [478]  Idha  pana  bhikkhave  bhikkhu parivasanto apattiya appatikamme
ukkhipiyati    .    ukkhittakassa    bhikkhave   parivaso   na   ruhati  .
So   ce   puna   osariyati   tassa   tadeva   purimam   parivasadanam .
Yo   parivaso   dinno   sudinno   .   yo  parivuttho  suparivuttho .
Avaseso parivasitabbo.
     [479]   Idha  pana  bhikkhave  bhikkhu  parivasanto  papikaya  ditthiya
appatinissagge   ukkhipiyati   .   ukkhittakassa   bhikkhave   parivaso   na
ruhati  .  so  ce  puna  osariyati  tassa  tadeva  purimam  parivasadanam.
Yo   parivaso   dinno   sudinno   .   yo  parivuttho  suparivuttho .
Avaseso parivasitabbo.
     [480]  Idha  pana  bhikkhave  bhikkhu  mulaya patikassanaraho vibbhamati.
Vibbhantakassa   bhikkhave   mulaya   patikassana   na   ruhati   .  so  ce
Puna    upasampajjati    tassa    tadeva   purimam   parivasadanam   .   yo
parivaso    dinno    sudinno   .   yo   parivuttho   suparivuttho  .
So bhikkhu mulaya patikassitabbo.
     [481]    Idha   pana   bhikkhave   bhikkhu   mulaya   patikassanaraho
samanero    hoti    .pe.   ummattako   hoti   .pe.   khittacitto
hoti    .pe.    vedanatto    hoti   .pe.   apattiya   adassane
ukkhipiyati    .pe.    apattiya    appatikamme    ukkhipiyati    .pe.
Papikaya    ditthiya    appatinissagge    ukkhipiyati    .   ukkhittakassa
bhikkhave   mulaya   patikassana   na  ruhati  .  so  ce  puna  osariyati
tassa  tadeva  purimam  parivasadanam  .  yo  parivaso  dinno  sudinno .
Yo parivuttho suparivuttho. So bhikkhu mulaya patikassitabbo.



             The Pali Tipitaka in Roman Character Volume 6 page 249-252. https://84000.org/tipitaka/read/roman_read.php?B=6&A=5089&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=6&A=5089&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=6&item=471&items=11              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=6&siri=36              Contents of The Tipitaka Volume 6 https://84000.org/tipitaka/read/?index_6 https://84000.org/tipitaka/english/?index_6

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]