PaliRoman Vol.7

[169] Tena kho pana samayena chabbaggiya bhikkhu gihinivattham nivasenti hatthisondikam ^2- macchavalakam catukkannakam talavantakam satavallikam . manussa ujjhayanti khiyanti vipacenti .pe. Seyyathapi gihi kamabhoginoti .pe. bhagavato etamattham arocesum .pe. na bhikkhave gihinivattham nivasetabbam hatthisondikam ^2- macchavalakam catukkannakam talavantakam satavallikam yo nivaseyya apatti dukkatassati. [170] Tena kho pana samayena chabbaggiya bhikkhu gihiparutam parupanti . manussa ujjhayanti khiyanti vipacenti .pe. Seyyathapi gihi kamabhoginoti .pe. bhagavato etamattham arocesum .pe. na bhikkhave gihiparutam parupitabbam yo parupeyya apatti dukkatassati. [171] Tena kho samayena chabbaggiya bhikkhu samvelliyam nivasenti . manussa ujjhayanti khiyanti vipacenti .pe. @Footnote: ¹ Ma. koco ² Ma. Yu. hatthisondakam. Seyyathapi ranno mundavattiti .pe. bhagavato etamattham arocesum .pe. na bhikkhave samvelliyam nivasetabbam yo nivaseyya apatti dukkatassati. [172] Tena kho pana samayena chabbaggiya bhikkhu ubhatokajam haranti . manussa ujjhayanti khiyanti vipacenti .pe. seyyathapi ranno mundavattiti .pe. bhagavato etamattham arocesum .pe. Na bhikkhave ubhatokajam haritabbam yo hareyya apatti dukkatassa anujanami bhikkhave ekatokajam antarakajam sisabharam khandhabharam katibharam olambakanti.

The Pali Tipitaka in Roman Character Volume 7 page 66-67. https://84000.org/tipitaka/read/roman_read.php?B=7&A=1306&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=7&A=1306&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=7&item=169&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=7&siri=18 Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7