PaliRoman Vol.7

[366] Athakho devadatto yena ajatasattu kumaro tenupasankami upasankamitva ajatasattum kumaram etadavoca pubbe kho kumara manussa dighayuka etarahi appayuka thanam kho panetam vijjati yam tvam kumaro va samano kalam kareyyasi tenahi tvam kumara pitaram hantva raja hohi aham bhagavantam hantva buddho bhavissamiti . athakho ajatasattu kumaro ayyo kho devadatto mahiddhiko mahanubhavo janeyyapi ^1- ayyo devadattoti uruya potthanikam bandhitva diva divassa bhito ubbiggo ussanki utrasto sahasa antepuram pavisi. {366.1} Addasamsu kho antepurapalaka ^2- mahamatta ajatasattum kumaram diva divassa bhitam ubbiggam ussankim utrastam sahasa antepuram pavisantam disvana aggahesum . te vicinanta uruya potthanikam baddham disva ajatasattum kumaram etadavocum kim tvam kumara kattukamositi . pitaram ^3- hantukamomhiti. Kenasi ussahitoti. Ayyena devadattenati. {366.2} Ekacce mahamatta evam matim akamsu kumaro ca hantabbo devadatto ca sabbe ca bhikkhu hantabbati . ekacce mahamatta evam matim akamsu na bhikkhu hantabba na bhikkhu kinci aparajjhanti kumaro ca hantabbo devadatto cati . ekacce mahamatta evam matim akamsu na kumaro hantabbo na devadatto na @Footnote: ¹ Ma. janeyyasi. ² Ma. Yu. addasasum kho antepure upacaraka. ³ Ma. Yu. hi. Bhikkhu hantabba ranno arocetabbam yatha raja vakkhati tatha karissamati. [367] Athakho te mahamatta ajatasattum kumaram adaya yena raja magadho seniyo bimbisaro tenupasankamimsu upasankamitva ranno magadhassa seniyassa bimbisarassa etamattham arocesum . Katham bhane mahamattehi mati katati . ekacce deva mahamatta evam matim akamsu kumaro ca hantabbo devadatto ca sabbe ca bhikkhu hantabbati ekacce mahamatta evam matim akamsu na bhikkhu hantabba na bhikkhu kinci aparajjhanti kumaro ca hantabbo devadatto cati ekacce mahamatta evam matim akamsu na kumaro hantabbo na devadatto na bhikkhu hantabba ranno arocetabbam yatha raja vakkhati tatha karissamati. {367.1} Kim bhane karissati buddho va dhammo va sangho va nanu bhagavata patikacceva devadatto rajagahe pakasapito pubbe devadattassa anna pakati ahosi idani anna pakati yam devadatto kareyya kayena vacaya na tena buddho va dhammo va sangho va datthabbo devadatto va tena datthabboti . Tattha ye te mahamatta evam matim akamsu kumaro ca hantabbo devadatto ca sabbe ca bhikkhu hantabbati te atthane ^1- akasi. @Footnote: ¹ Yu. abhabbe. Ye te mahamatta evam matim akamsu na bhikkhu hantabba na bhikkhu kinci aparajjhanti kumaro ca hantabbo devadatto cati te nice thane thapesi . ye te mahamatta evam matim akamsu na kumaro hantabbo na devadatto na bhikkhu hantabba ranno arocetabbam yatha raja vakkhati tatha karissamati te ucce thane thapesi . athakho raja magadho seniyo bimbisaro ajatasattum kumaram etadavoca kissa mam tvam kumara hantukamositi . rajjenamhi deva atthikoti . sace kho tvam kumara rajjena atthiko etam te rajjanti ajatasattussa kumarassa rajjam niyyadesi. [368] Athakho devadatto yena ajatasattu kumaro tenupasankami upasankamitva ajatasattum kumaram etadavoca purise maharaja anapehi ye samanam gotamam jivita voropessantiti . Athakho ajatasattu kumaro manusse anapesi yatha bhane ayyo devadatto aha tatha karothati ^1- . athakho devadatto ekam purisam anapesi gacchavuso amukasmim okase samano gotamo viharati tam jivita voropetva imina maggena agacchati tasmim magge dve purise thapesi yo imina maggena eko puriso agacchati tam jivita voropetva imina maggena agacchathati tasmim magge cattaro purise thapesi ye imina @Footnote: ¹ Ma. kareyyathati. Maggena dve purisa agacchanti te jivita voropetva imina maggena agacchathati tasmim magge attha purise thapesi ye imina maggena cattaro purisa agacchanti te jivita voropetva imina maggena agacchathati tasmim magge solasa purise thapesi ye imina maggena attha purisa agacchanti te jivita voropetva agacchathati. [369] Athakho so eko puriso asicammam gahetva dhanukalapam sannayhitva yena bhagava tenupasankami upasankamitva bhagavato avidure bhito ubbiggo ussanki utrasto patthaddhena kayena atthasi . addasa kho bhagava tam purisam bhitam ubbiggam ussankim utrastam patthaddhena kayena thitam disvana tam purisam etadavoca ehavuso ma bhayiti . athakho so puriso asicammam ekamantam karitva dhanukalapam nikkhipitva yena bhagava tenupasankami upasankamitva bhagavato padesu sirasa nipatitva bhagavantam etadavoca accayo mam bhante accagama yathabalam yathamulham yathaakusalam yvaham dutthacitto vadhakacitto idhupasankanto tassa me bhante bhagava accayam accayato patigganhatu ayatim samvarayati. {369.1} Ingha ^1- tvam avuso accayo accagama yathabalam yathamulham yathaakusalam yam tvam dutthacitto vadhakacitto idhupasankanto yato ca kho tvam @Footnote: ¹ Ma. Yu. taggha. Avuso accayam accayato disva yathadhammam patikarosi tante mayam patigganhama vuddhi hesa avuso ariyassa vinaye yo accayam accayato disva yathadhammam patikaroti ayatim samvaram apajjatiti. {369.2} Athakho bhagava tassa purisassa anupubbikatham kathesi seyyathidam danakatham silakatham saggakatham kamanam adinavam okaram sankilesam nekkhamme anisamsam pakasesi . yada tam bhagava annasi kallacittam muducittam vinivaranacittam udaggacittam pasannacittam atha ya buddhanam samukkamsika dhammadesana tam pakasesi dukkham samudayam nirodham maggam . seyyathapi nama suddham vattham apagatakalakam sammadeva rajanam patigganheyya evameva tassa purisassa tasmimyeva asane virajam vitamalam dhammacakkhum udapadi yankinci samudayadhammam sabbantam nirodhadhammanti. {369.3} Athakho so puriso ditthadhammo pattadhammo viditadhammo pariyogalhadhammo tinnavicikiccho vigatakathamkatho vesarajjappatto aparappaccayo satthusasane bhagavantam etadavoca abhikkantam bhante abhikkantam bhante seyyathapi bhante nikkujjitam va ukkujjeyya paticchannam va vivareyya mulhassa va maggam acikkheyya andhakare va telappajjotam dhareyya cakkhumanto rupani dakkhantiti evamevam bhagavata anekapariyayena dhammo pakasito esaham bhante bhagavantam saranam gacchami dhammanca bhikkhusanghanca upasakam mam bhagava dharetu ajjatagge panupetam Saranam gatanti . athakho bhagava tam purisam etadavoca ma kho tvam avuso imina maggena gaccha imina maggena gacchahiti annena maggena uyyojesi. [370] Athakho te dve purisa kim nu kho so eko puriso cirena agacchatiti patipatham gacchanta addasamsu bhagavantam annatarasmim rukkhamule nisinnam disvana yena bhagava tenupasankamimsu upasankamitva bhagavantam abhivadetva ekamantam nisidimsu . tesam bhagava anupubbikatham kathesi .pe. aparappaccaya satthusasane bhagavantam etadavocum abhikkantam bhante abhikkantam bhante .pe. upasake no bhagava dharetu ajjatagge panupete saranam gateti . athakho bhagava te purise etadavoca ma kho tumhe avuso imina maggena gacchatha imina maggena gacchathati annena maggena uyyojesi. [371] Athakho te cattaro purisa .pe. athakho te attha purisa .pe. athakho te solasa purisa kim nu kho te attha purisa cirena agacchantiti patipatham gacchanta addasamsu bhagavantam annatarasmim rukkhamule nisinnam disvana yena bhagava tenupasankamimsu upasankamitva bhagavantam abhivadetva ekamantam nisidimsu . tesam bhagava anupubbikatham kathesi seyyathidam danakatham silakatham .pe. Aparappaccaya satthusasane bhagavantam etadavocum abhikkantam bhante Abhikkantam bhante .pe. upasake no bhagava dharetu ajjatagge panupete saranam gateti ^1- . athakho so eko puriso yena devadatto tenupasankami upasankamitva devadattam etadavoca naham bhante sakkomi tam bhagavantam jivita voropetum mahiddhiko so bhagava mahanubhavoti . alam avuso ma tvam samanam gotamam jivita voropesi ahameva samanam gotamam jivita voropessamiti. [372] Tena kho pana samayena bhagava gijjhakutassa pabbatassa chayayam ^2- cankamati . athakho devadatto gijjhakutam pabbatam abhiruyhitva ^3- mahatim silam pavijjhi imaya samanam gotamam jivita voropessamiti . dve pabbatakuta samagantva tam silam sampaticchimsu. Tato papatika uppatitva bhagavato pade ruhiram uppadesi . Athakho bhagava uddham ulloketva devadattam etadavoca bahum taya moghapurisa apunnam pasutam yam tvam dutthacitto vadhakacitto tathagatassa ruhiram uppadesiti. {372.1} Athakho bhagava bhikkhu amantesi idam bhikkhave devadattena pathamam anantarikakammam upacitam yam dutthacittena vadhakacittena tathagatassa ruhiram uppaditanti . assosum kho bhikkhu devadattena kira bhagavato vadho payuttoti . te ca ^4- bhikkhu bhagavato viharassa parito parito cankamanti uccasadda mahasadda @Footnote: ¹ Ma. panupetam saranam gateti. ² Ma. chayaya. Yu. pacchayayam. @³ Ma. aruhitva. Yu. abhiruhitva. ⁴ Yu. tedha. Sajjhayam karonta bhagavato rakkhavaranaguttiya. {372.2} Assosi kho bhagava uccasaddam mahasaddam sajjhayasaddam sutvana ayasmantam anandam amantesi kinnu kho so ananda uccasaddo mahasaddo sajjhayasaddoti . assosum kho bhante bhikkhu devadattena kira bhagavato vadho payuttoti te ca bhante bhikkhu bhagavato viharassa parito parito cankamanti uccasadda mahasadda sajjhayam karonta bhagavato rakkhavaranaguttiya so eso bhagava uccasaddo mahasaddo sajjhayasaddoti . tenahananda mama vacanena te bhikkhu amantehi sattha ayasmante amantetiti. {372.3} Evam bhanteti kho ayasma anando bhagavato patissutva yena te bhikkhu tenupasankami upasankamitva te bhikkhu etadavoca sattha ayasmante amantetiti . evamavusoti kho te bhikkhu ayasmato anandassa patissutva yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinne kho te bhikkhu bhagava etadavoca atthanametam bhikkhave anavakaso yo parupakkamena tathagatam jivita voropeyya na parupakkamena bhikkhave tathagata parinibbayanti ^1-. {372.4} Pancime bhikkhave sattharo santo samvijjamana lokasmim katame panca idha bhikkhave ekacco sattha aparisuddhasilo samano parisuddhasilomhiti patijanati @Footnote: ¹ Ma. Yu. Ra. anupakkamena bhikkhave tathagata parinibbayanti. Parisuddham me silam pariyodatam asankilitthanti ca . tamenam savaka evam jananti ayam kho bhavam sattha aparisuddhasilo samano parisuddhasilomhiti patijanati parisuddham me silam pariyodatam asankilitthanti ca mayanceva kho pana gihinam aroceyyama nassassa manapam yam kho panassa amanapam kathantam mayantena samudacareyyama sammannati kho pana civarapindapatasenasanagilana- paccayabhesajjaparikkharena yam tumo karissati tumo va tena pannayissatiti . evarupam kho bhikkhave sattharam savaka silato rakkhanti . evarupo ca pana sattha savakehi silato rakkham paccasimsati. [373] Puna caparam bhikkhave idhekacco sattha aparisuddhajivo samano parisuddhajivomhiti patijanati .pe. evarupam kho bhikkhave sattharam savaka ajivato rakkhanti . evarupo ca pana sattha savakehi ajivato rakkham paccasimsati. [374] Puna caparam bhikkhave idhekacco sattha aparisuddhadhammadesano samano parisuddhadhammadesanomhiti patijanati .pe. evarupam kho bhikkhave sattharam savaka dhammadesanato rakkhanti . evarupo ca pana sattha savakehi dhammadesanato rakkham paccasimsati. [375] Puna caparam bhikkhave idhekacco sattha aparisuddha- veyyakarano samano parisuddhaveyyakaranomhiti patijanati .pe. Evarupam kho bhikkhave sattharam savaka veyyakaranato rakkhanti . evarupo ca pana sattha savakehi veyyakaranato rakkham paccasimsati. [376] Puna caparam bhikkhave idhekacco sattha aparisuddhananadassano samano parisuddhananadassanomhiti patijanati parisuddham me nanadassanam pariyodatam asankilitthanti ca . tamenam savaka evam jananti ayam kho bhavam sattha aparisuddhananadassano parisuddhananadassanomhiti patijanati parisuddham me nanadassanam pariyodatam asankilitthanti ca mayanceva kho pana gihinam aroceyyama nassassa manapam yam kho panassa amanapam kathantam mayantena samudacareyyama sammannati kho pana civarapindapatasenasanagilanapaccayabhesajjaparikkharena yam tumo karissati tumo va tena pannayissatiti . evarupam kho bhikkhave sattharam savaka nanadassanato rakkhanti . evarupo ca pana sattha savakehi nanadassanato rakkham paccasimsati. {376.1} Ime kho bhikkhave panca sattharo santo samvijjamana lokasmim . aham kho pana bhikkhave parisuddhasilo samano parisuddhasilomhiti patijanami parisuddham me silam pariyodatam asankilitthanti ca . na ca mam savaka silato rakkhanti . na caham savakehi silato rakkham paccasimsami . aham kho pana bhikkhave parisuddhajivo samano .pe. Parisuddhadhammadesano samano .pe. parisuddhaveyyakarano .pe. parisuddhananadassano samano parisuddhananadassanomhiti patijanami parisuddham me nanadassanam pariyodatam asankilitthanti ca . na ca mam savaka nanadassanato rakkhanti . na caham savakehi nanadassanato rakkham paccasimsami . atthanametam bhikkhave anavakaso yo parupakkamena tathagatam jivita voropeyya na parupakkamena bhikkhave tathagata parinibbayanti . gacchatha tumhe bhikkhave yathaviharam arakkhiya bhikkhave tathagatati.

The Pali Tipitaka in Roman Character Volume 7 page 177-187. https://84000.org/tipitaka/read/roman_read.php?B=7&A=3545&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=7&A=3545&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=7&item=366&items=11 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=7&siri=50 Study Atthakatha :- https://84000.org/tipitaka/attha/attha.php?b=7&i=366 Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7