ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 7 : PALI ROMAN Vinaya Pitaka Vol 7 : Vinaya. Culla (2)

     [383]  Athakho  devadatto  yena  kokaliko  katamorakatissako 3-
khandadeviyaputto      samuddadatto      tenupasankami      upasankamitva
kokalikam     katamorakatissakam     3-     khandadeviyaputtam    samuddadattam
etadavoca   etha  mayam  avuso  samanassa  gotamassa  sanghabhedam  karissama
cakkabhedanti    .   evam   vutte   kokaliko   devadattam   etadavoca
samano   kho   avuso   gotamo   mahiddhiko   mahanubhavo   katham   mayam
samanassa gotamassa sanghabhedam karissama cakkabhedanti.
     {383.1}  Etha  mayam  avuso  samanam  gotamam  upasankamitva  panca
vatthuni    yacissama    bhagava    bhante   anekapariyayena   appicchassa
santutthassa   sallekhassa   dhutassa   pasadikassa   apacayassa  viriyarambhassa
vannavadi   imani   bhante   panca  vatthuni  anekapariyayena  appicchataya
santutthataya   4-   sallekhaya   dhutaya   5-   pasadikataya  apacayaya
viriyarambhaya   samvattanti   sadhu  bhante  bhikkhu  yavajivam  arannaka  6-
assu  yo  gamantam  osareyya  vajjam  nam  phuseyya  yavajivam  pindapatika
assu    yo    nimantanam    sadiyeyya   vajjam   nam   phuseyya   yavajivam
@Footnote: 1 Ma. Yu. ayam patho na dissati. 2 Ma. Yu. kulanuddayaya. 3 Ma. katamodakatissako.
@4 Ma. Yu. santutthiya. 5 Ma. Yu. dhutataya. 6 Ma. arannika.
Pamsukulika   assu   yo   gahapaticivaram   sadiyeyya   vajjam   nam   phuseyya
yavajivam    rukkhamulika    assu   yo   channam   upagaccheyya   vajjam   nam
phuseyya   yavajivam   macchamamsam   na   khadeyyum   yo   macchamamsam  khadeyya
vajjam   nam   phuseyyati   imani   panca   vatthuni   1-  samano  gotamo
nanujanissati    te   ca   2-   mayam   imehi   pancahi   vatthuhi   janam
sannapessamati   .   sakka   kho   avuso   imehi  pancahi  vatthuhi
samanassa   gotamassa   sanghabhedo   katum   cakkabhedo   lukhappasanna   hi
avuso manussati.
     [384]   Athakho   devadatto  sapariso  yena  bhagava  tenupasankami
upasankamitva   bhagavantam   abhivadetva   ekamantam   nisidi  .  ekamantam
nisinno    kho    devadatto    bhagavantam   etadavoca   bhagava   bhante
anekapariyayena     appicchassa     santutthassa     sallekhassa    dhutassa
pasadikassa    apacayassa    viriyarambhassa    vannavadi   imani   bhante
panca   vatthuni   anekapariyayena   appicchataya   santutthataya  sallekhaya
dhutaya    pasadikataya    apacayaya    viriyarambhaya   samvattanti   sadhu
bhante   bhikkhu   yavajivam   arannaka   assu   yo  gamantam  osareyya
vajjam    nam    phuseyya   yavajivam   pindapatika   assu   yo   nimantanam
sadiyeyya    vajjam    nam   phuseyya   yavajivam   pamsukulika   assu   yo
@Footnote: 1 Yu. idam pathadvayam na dissati. 2 Ma. Yu. casaddo na dissati.
Gahapaticivaram    sadiyeyya    vajjam   nam   phuseyya   yavajivam   rukkhamulika
assu    yo    channam    upagaccheyya    vajjam   nam   phuseyya   yavajivam
macchamamsam    na    khadeyyum    yo    macchamamsam    khadeyya   vajjam   nam
phuseyyati   .   alam   devadatta   yo   icchati  arannako  hotu  yo
icchati    gamante    viharatu    yo    icchati    pindapatiko    hotu
yo    icchati    nimantanam    sadiyatu   yo   icchati   pamsukuliko   hotu
yo   icchati   gahapaticivaram   sadiyatu  attha  mase  kho  maya  devadatta
rukkhamulasenasanam     anunnatam     tikotiparisuddham     macchamamsam     adittham
assutam   aparisankitanti   .   athakho   devadatto   na   bhagava   imani
panca   vatthuni   anujanatiti   hattho   udaggo   sapariso  utthayasana
bhagavantam abhivadetva padakkhinam katva pakkami.
     [385]   Athakho   devadatto  sapariso  rajagaham  pavisitva  pancahi
vatthuhi   janam   sannapesi   mayam   avuso   samanam  gotamam  upasankamitva
panca     vatthuni     yacimha     bhagava    bhante    anekapariyayena
appicchassa     .pe.    viriyarambhassa    vannavadi    imani    bhante
panca    vatthuni   anekapariyayena   appicchataya   .pe.   viriyarambhaya
samvattanti   sadhu  bhante  bhikkhu  yavajivam  arannaka  assu  yo  gamantam
osareyya   vajjam   nam  phuseyya  .pe.  yavajivam  macchamamsam  na  khadeyyum
yo    macchamamsam    khadeyya    vajjam   nam   phuseyyati   imani   panca
vatthuni   samano   gotamo   nanujanati   te   ca  mayam  imehi  pancahi
Vatthuhi samadaya vattamati.
     [386]  Tattha  ye  te  manussa  assaddha  appasanna dubbuddhino
te  evamahamsu  ime  kho  samana  sakyaputtiya  dhuta 1- sallekhavuttino
samano  pana  gotamo  bahulliko  bahullaya  cetetiti  .  ye  pana te
manussa    saddha    pasanna   pandita   buddhimanto   te   ujjhayanti
khiyanti   vipacenti   katham   hi   nama   devadatto   2-   sanghabhedaya
parakkamissati   cakkabhedayati   .   assosum  kho  bhikkhu  tesam  manussanam
ujjhayantanam   khiyantanam   vipacentanam   .  ye  te  bhikkhu  appiccha
.pe.   te   ujjhayanti  khiyanti  vipacenti  katham  hi  nama  devadatto
sanghabhedaya parakkamissati cakkabhedayati.
     {386.1}  Athakho te bhikkhu bhagavato etamattham arocesum .pe. Saccam
kira   tvam   devadatta   sanghabhedaya  parakkamasi  cakkabhedayati  .  saccam
bhagavati  .  alam  devadatta  ma  te rucci sanghabhedo garuko kho devadatta
sanghabhedo   yo  kho  devadatta  samaggam  bhindati  kappatthitikam  3-  kibbisam
pasavati  kappam  nirayamhi  paccati  yo  ca  kho  devadatta  bhinnam sangham samaggam
karoti   brahmapunnam   pasavati  kappam  saggamhi  modati  alam  devadatta  ma
te rucci sanghabhedo garuko kho devadatta sanghabhedoti.
     [387]   Athakho   ayasma   anando  pubbanhasamayam  nivasetva
pattacivaramadaya   rajagaham  pindaya  pavisi  .  addasa  kho  devadatto
@Footnote: 1 Ma. Yu. dhuta. 2 Ma. Yu. bhagavato. 3 Ma. Yu. kappatthikam.
Ayasmantam   anandam   rajagahe   pindaya  carantam  disvana  yenayasma
anando     tenupasankami     upasankamitva     ayasmantam     anandam
etadavoca   ajjataggedanaham   avuso   ananda   annatreva  bhagavata
annatreva   bhikkhusangha   uposatham   karissami   sanghakammam  karissamiti .
Athakho   ayasma   anando   rajagahe   pindaya  caritva  pacchabhattam
pindapatapatikkanto     yena     bhagava    tenupasankami    upasankamitva
bhagavantam abhivadetva ekamantam nisidi.
     {387.1}   Ekamantam  nisinno  kho  ayasma  anando  bhagavantam
etadavoca   idhaham   bhante   pubbanhasamayam  nivasetva  pattacivaramadaya
rajagaham  pindaya  pavisim  addasa  kho  mam  bhante  devadatto  rajagahe
pindaya   carantam   disvana   yenaham   tenupasankami   upasankamitva   mam
etadavoca   ajjataggedanaham   avuso   ananda   annatreva  bhagavata
annatreva    bhikkhusangha    uposatham   karissami   sanghakammam   karissamiti
ajja   1-   bhante   devadatto   sangham  bhindissatiti  .  athakho  bhagava
etamattham viditva tayam velayam imam udanam udanesi
     [388] Sukaram sadhuna sadhu       sadhu papena dukkaram.
           Papam papena sukaram            papamariyehi dukkaranti.
                   Dutiyabhanavaram nitthitam.



             The Pali Tipitaka in Roman Character Volume 7 page 191-195. https://84000.org/tipitaka/read/roman_read.php?B=7&A=3835&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=7&A=3835&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=7&item=383&items=6              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=7&siri=52              Study Atthakatha :- https://84000.org/tipitaka/attha/attha.php?b=7&i=383              Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]