ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 7 : PALI ROMAN Vinaya Pitaka Vol 7 : Vinaya. Culla (2)

     [426]   Tena  kho  pana  samayena  pindacarika  bhikkhu  dunnivattha
dupparuta    anakappasampanna    pindaya    caranti    asallakkhetvapi
nivesanam    pavisanti   asallakkhetvapi   nikkhamanti   atisahasapi   pavisanti
atisahasapi    nikkhamanti    atidurepi   titthanti   accasannepi   titthanti
aticirampi   titthanti   atilahukampi  nivattanti  .  annataro  1-  pindacariko
bhikkhu   asallakkhetva   nivesanam   pavisi   .   so   ca   2-  dvaram
mannamano   annataram   ovarakam   pavisi   .   tasmimpi   3-  ovarake
itthi   nagga   uttana   nipanna  hoti  .  addasa  kho  so  bhikkhu
tam   itthim   naggam   uttanam   nipannam   disvana   nayidam  dvaram  ovarakam
@Footnote: 1 Ma. Yu. annataropi. 2 Yu. casaddo natthi. 3 Yu. pisaddo natthi.
Idanti    tamha    ovarakamha   nikkhami   .   addasa   kho   tassa
itthiya   samiko   tam   itthim   naggam  uttanam  nipannam  disvana  imina
me   bhikkhuna   pajapati   dusitati   tam  bhikkhum  gahetva  akoteti .
Athakho   sa   itthi   tena  saddena  patibujjhitva  tam  purisam  etadavoca
kissa   tvam   ayya   imam  bhikkhum  akotesiti  .  iminasi  tvam  bhikkhuna
dusitati   .   naham   ayya   imina   bhikkhuna   dusita  akarako  so
bhikkhuti   tam   bhikkhum  muncapesi  .  athakho  so  bhikkhu  aramam  gantva
bhikkhunam etamattham arocesi.
     {426.1}  Ye  te  bhikkhu  appiccha  .pe. Te ujjhayanti khiyanti
vipacenti   katham   hi   nama  pindacarika  bhikkhu  dunnivattha  dupparuta
anakappasampanna    pindaya    carissanti    asallakkhetvapi    nivesanam
pavisissanti    asallakkhetvapi    nikkhamissanti    atisahasapi   pavisissanti
atisahasapi     nikkhamissanti     atidurepi    titthissanti    accasannepi
titthissanti   aticirampi   titthissanti   atilahukampi   nivattissantiti  .
Athakho  te  bhikkhu  bhagavato  etamattham  arocesum .pe. Saccam kira bhikkhave
.pe.   saccam   bhagavati   .pe.   vigarahitva  dhammim  katham  katva  bhikkhu
amantesi     tenahi     bhikkhave     pindacarikanam    bhikkhunam    vattam
pannapessami yatha pindacarikehi bhikkhuhi samma vattitabbam.
     [427]    Pindacarikena    bhikkhave    bhikkhuna    idani   gamam
pavisissamiti     timandalam    paticchadentena    parimandalam    nivasetva
Kayabandhanam   bandhitva   sagunam   katva   sanghatiyo   parupitva  ganthikam
patimuncitva   dhovitva   pattam   gahetva   sadhukam  ataramanena  gamo
pavisitabbo
     {427.1}    supaticchannena    antaraghare    gantabbam    susamvutena
antaraghare    gantabbam    okkhittacakkhuna    antaraghare    gantabbam   na
ukkhittakaya    antaraghare    gantabbam    na    ujjagghikaya   antaraghare
gantabbam    appasaddena    antaraghare    gantabbam    na    kayappacalakam
antaraghare    gantabbam    na   bahuppacalakam   antaraghare   gantabbam   na
sisappacalakam    antaraghare    gantabbam    na    khambhakatena    antaraghare
gantabbam    na    ogunthitena    antaraghare   gantabbam   na   ukkutikaya
antaraghare gantabbam
     {427.2}     nivesanam     pavisantena    sallakkhetabbam    imina
pavisissami      imina      nikkhamissamiti     natisahasa     pavisitabbam
natisahasa      nikkhamitabbam     natidure     thatabbam     naccasanne
thatabbam     naticiram     thatabbam    natilahukam    nivattitabbam    thitakena
sallakkhetabbam    bhikkham    datukama   va   adatukama   vati   sace
kammam   va   nikkhipati   asana   va   vutthati  katacchum  va  paramasati
bhajanam   va   paramasati   thapeti   va   datukamiyati   1-   thatabbam
bhikkhaya    diyamanaya    vamena    hatthena    sanghatim   uccaretva
dakkhinena    hatthena    pattam    panametva   ubhohi   hatthehi   pattam
pariggahetva    bhikkha    patiggahetabba    na    ca    bhikkhadayikaya
@Footnote: 1 Ma. datukamassati. Yu. datukama viyati.
Mukham  oloketabbam  1-  sallakkhetabbam  supam  datukama  va  adatukama
vati   sace  katacchum  va  paramasati  bhajanam  va  paramasati  thapeti  va
datukamiyati     thatabbam    bhikkhaya    dinnaya    sanghatiya    pattam
paticchadetva sadhukam ataramanena nivattitabbam
     {427.3}    supaticchannena    antaraghare    gantabbam    susamvutena
antaraghare    gantabbam    okkhittacakkhuna    antaraghare    gantabbam   na
ukkhittakaya    antaraghare    gantabbam    na    ujjagghikaya   antaraghare
gantabbam    appasaddena    antaraghare    gantabbam    na    kayappacalakam
antaraghare    gantabbam    na   bahuppacalakam   antaraghare   gantabbam   na
sisappacalakam    antaraghare    gantabbam    na    khambhakatena    antaraghare
gantabbam    na    ogunthitena    antaraghare   gantabbam   na   ukkutikaya
antaraghare gantabbam
     {427.4}   yo  pathamam  gamato  pindaya  patikkamati  tena  asanam
pannapetabbam     padodakam     padapitham     padakathalikam    upanikkhipitabbam
avakkarapatim    dhovitva    upatthapetabbam   2-   paniyam   paribhojaniyam
upatthapetabbam   yo   paccha   gamato  pindaya  patikkamati  sace  hoti
bhuttavaseso   sace  akankhati  bhunjitabbam  no  ce  akankhati  apaharite
va    chaddetabbam    appanake   va   udake   opilapetabbam   tena
asanam    uddharitabbam    padodakam   padapitham   padakathalikam   patisametabbam
avakkarapatim     dhovitva     patisametabbam     paniyam     paribhojaniyam
@Footnote: 1 Yu. Ma. ulloketabbam. 2 Ma. avakkarapati ...tabba.
Patisametabbam    bhattaggam   sammajjitabbam   yo   passati   paniyaghatam   va
paribhojaniyaghatam   va   vaccaghatam   va   rittam  tuccham  tena  upatthapetabbam
sacassa  hoti  avisayham  hatthavikarena  dutiyam  amantetva  hatthavilanghakena
upatthapetabbam na ca tappaccaya vaca bhinditabba
     {427.5}   idam  kho  bhikkhave  pindacarikanam  bhikkhunam  vattam  yatha
pindacarikehi bhikkhuhi samma vattitabbanti.



             The Pali Tipitaka in Roman Character Volume 7 page 229-233. https://84000.org/tipitaka/read/roman_read.php?B=7&A=4596&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=7&A=4596&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=7&item=426&items=2              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=7&siri=63              Study Atthakatha :- https://84000.org/tipitaka/attha/attha.php?b=7&i=426              Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]