ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 7 : PALI ROMAN Vinaya Pitaka Vol 7 : Vinaya. Culla (2)

     [573]  Tena  kho  pana  samayena upasampannayo dissanti animittapi
nimittamattapi   alohitapi   dhuvalohitapi  dhuvacolapi  paggharantipi  sikharinipi
itthipandakapi   2-   vepurisikapi   sambhinnapi   ubhatobyanjanakapi   3-
.pe.    bhagavato    etamattham   arocesum   .   anujanami   bhikkhave
upasampadentiya   catuvisati   antarayike   dhamme   pucchitum  .  evanca
@Footnote: 1 Yu. nipphatati. 2 Ma. Yu. itthipandikapi. 3 Ma. Yu. ubhatobyanjanapi.
Pana    bhikkhave    pucchitabba    nasi    animitta    nasi   nimittamatta
nasi    alohita   nasi   dhuvalohita   nasi   dhuvacola   nasi   paggharanti
nasi    sikharini   nasi   itthipandaka   nasi   vepurisika   nasi   sambhinna
nasi   ubhatobyanjanaka   santi   te   evarupa  abadha  kuttham  gando
kilaso    soso   apamaro   manussasi   itthisi   bhujissasi   ananasi
nasi    rajabhati    anunnatasi    matapituhi   samikena   paripunnavisati-
vassasi    paripunnante    pattacivaram    kinnamasi    kanama    te
pavattiniti.
     [574]   Tena   kho   pana  samayena  bhikkhu  bhikkhuninam  antarayike
dhamme   pucchanti   .   upasampadapekkhayo   vitthayanti   manku  honti
na   sakkonti   vissajjetum   .   bhagavato   etamattham   arocesum  .
Anujanami    bhikkhave    ekatoupasampannaya    bhikkhunisanghe   visuddhaya
bhikkhusanghe upasampadetunti 1-.
     [575]   Tena   kho   pana   samayena   bhikkhuniyo   ananusitthayo
upasampadapekkhayo  antarayike  dhamme  pucchanti . Upasampadapekkhayo
vitthayanti   manku   honti   na   sakkonti   vissajjetum   .   bhagavato
etamattham   arocesum   .   anujanami   bhikkhave   pathamam   anusasitva
paccha    antarayike    dhamme   pucchitunti   .   tattheva   sanghamajjhe
anusasanti    .    upasampadapekkhayo    tatheva    vitthayanti   manku
@Footnote: 1 Yu. upasampadanti.
Honti   na  sakkonti  vissajjetum  .  bhagavato  etamattham  arocesum .
Anujanami   bhikkhave   ekamantam   anusasitva   sanghamajjhe  antarayike
dhamme   pucchitum   .   evanca   pana   bhikkhave  anusasitabba  .  pathamam
upajjham   gahapetabba   upajjham   gahapetva   pattacivaram  acikkhitabbam
ayante   patto   ayam   sanghati  ayam  uttarasango  ayam  antaravasako
idam   sankacchikam  ayam  udakasatika  gaccha  amumhi  okase  titthahiti .
Bala   abyatta   anusasanti  .  duranusittha  1-  upasampadapekkhayo
vitthayanti  manku  honti  na  sakkonti  vissajjetum  .  bhagavato etamattham
arocesum.
     {575.1}   Na   bhikkhave  balaya  abyattaya  anusasitabba  ya
anusaseyya    apatti    dukkatassa    anujanami   bhikkhave   byattaya
bhikkhuniya    patibalaya    anusasitunti   .   asammata   anusasanti  .
Bhagavato  etamattham  arocesum  .  na  bhikkhave  asammataya  anusasitabba
ya   anusaseyya   apatti   dukkatassa   anujanami  bhikkhave  sammataya
anusasitum   .   evanca   pana   bhikkhave  sammannitabba  .  attana  va
attanam sammannitabbam paraya va para sammannitabba.
     [576]  Kathanca  attana  va  2-  attanam sammannitabbam. Byattaya
bhikkhuniya    patibalaya    sangho    napetabbo   sunatu   me   ayye
sangho    itthannama   itthannamaya   ayyaya   upasampadapekkha  .
Yadi   sanghassa   pattakallam   aham   itthannamam   anusaseyyanti  .  evam
@Footnote: 1 Yu. anusittha. 2 Yu. va.
Attana va 1- attanam sammannitabbam.
     [577]   Kathanca   paraya  para  2-  sammannitabba  .  byattaya
bhikkhuniya    patibalaya    sangho    napetabbo   sunatu   me   ayye
sangho    itthannama   itthannamaya   ayyaya   upasampadapekkha  .
Yadi   sanghassa   pattakallam   itthannama   itthannamam  anusaseyyati .
Evam paraya para sammannitabba.
     [578]  Taya sammataya bhikkhuniya upasampadapekkha 3- upasankamitva
evamassa   vacaniya   sunasi   itthanname  ayante  saccakalo  bhutakalo
yam  jatam  tam  sanghamajjhe  pucchante  santam  atthiti  vattabbam  asantam natthiti
vattabbam  ma  kho  vitthasi  ma  kho  manku  ahosi  evantam  pucchissanti
nasi   animitta   nasi  nimittamatta  nasi  alohita  nasi  dhuvalohita  nasi
dhuvacola  nasi  paggharanti  nasi  sikharini  nasi  itthipandaka  nasi  vepurisika
nasi   sambhinna   nasi   ubhatobyanjanaka  santi  te  evarupa  abadha
kuttham   gando   kilaso   soso  apamaro  manussasi  itthisi  bhujissasi
ananasi     nasi     rajabhati    anunnatasi    matapituhi    samikena
paripunnavisativassasi       paripunnante       pattacivaram       kinnamasi
kanama te pavattiniti.
     {578.1}  Ekato  agacchanti  .pe.  na  ekato  agantabbam.
Anusasikaya      pathamataram      agantva      sangho     napetabbo
sunatu         me        ayye        sangho        itthannama
@Footnote: 1 Yu. va. 2 Yu. paraya va para. 3 Ma. upasampadapekkham.
Itthannamaya      ayyaya     upasampadapekkha     anusittha     sa
maya   .   yadi   sanghassa   pattakallam   itthannama  agaccheyyati .
Agacchahiti vattabba.
     {578.2}   Ekamsam   uttarasangam   karapetva  bhikkhuninam  pade
vandapetva     ukkutikam    nisidapetva    anjalim    pagganhapetva
upasampadam  yacapetabba  sangham  ayye  upasampadam  yacami  ullumpatu  mam
ayye   sangho   anukampam   upadaya   dutiyampi  ayye  sangham  upasampadam
yacami   ullumpatu   mam   ayye   sangho   anukampam  upadaya  tatiyampi
ayye    sangham   upasampadam   yacami   ullumpatu   mam   ayye   sangho
anukampam     upadayati     .     byattaya    bhikkhuniya    patibalaya
sangho napetabbo
     {578.3}  sunatu  me  ayye sangho ayam itthannama itthannamaya
ayyaya   upasampadapekkha   yadi   sanghassa   pattakallam  aham  itthannamam
antarayike  dhamme  puccheyyanti  .  sunasi itthanname ayante saccakalo
bhutakalo   yam  jatam  tam  pucchami  santam  atthiti  vattabbam  asantam  natthiti
vattabbam   nasi  animitta  nasi  nimittamatta  .pe.  kinnamasi  kanama
te pavattiniti. Byattaya bhikkhuniya patibalaya sangho napetabbo
     {578.4}  sunatu  me  ayye sangho ayam itthannama itthannamaya
ayyaya  upasampadapekkha  parisuddha  antarayikehi dhammehi. Paripunnassa
pattacivaram   .   itthannama   sangham   upasampadam   yacati   itthannamaya
ayyaya   pavattiniya   .   yadi   sanghassa  pattakallam  sangho  itthannamam
Upasampadeyya itthannamaya ayyaya pavattiniya. Esa natti.
     {578.5}  Sunatu  me  ayye sangho ayam itthannama itthannamaya
ayyaya  upasampadapekkha  parisuddha  antarayikehi dhammehi. Paripunnassa
pattacivaram   .   itthannama   sangham   upasampadam   yacati   itthannamaya
ayyaya   pavattiniya  .  sangho  itthannamam  upasampadeti  itthannamaya
ayyaya  pavattiniya  .  yassa  ayyaya  khamati  itthannamaya  upasampada
itthannamaya   ayyaya   pavattiniya  sa  tunhassa  yassa  nakkhamati  sa
bhaseyya.
     {578.6}   Dutiyampi  etamattham  vadami  .pe.  tatiyampi  etamattham
vadami   .  sunatu  me  ayye  sangho  ayam  itthannama  itthannamaya
ayyaya    upasampadapekkha    parisuddha   antarayikehi   dhammehi  .
Paripunnassa    pattacivaram   .   itthannama   sangham   upasampadam   yacati
itthannamaya   ayyaya  pavattiniya  .  sangho  itthannamam  upasampadeti
itthannamaya  ayyaya  pavattiniya  .  yassa  ayyaya khamati itthannamaya
upasampada   itthannamaya   ayyaya   pavattiniya   sa  tunhassa  yassa
nakkhamati sa bhaseyya.
     {578.7}    Upasampanna   sanghena   itthannama   itthannamaya
ayyaya   pavattiniya   .   khamati   sanghassa  tasma  tunhi  .  evametam
dharayamiti.
     [579]  Tavadeva  tam  1-  adaya  bhikkhusangham upasankamitva ekamsam
uttarasangam    karapetva   bhikkhunam   pade   vandapetva   ukkutikam
@Footnote: 1 Yu. ayam saddo natthi.
Nisidapetva    anjalim    pagganhapetva    upasampadam   yacapetabba
aham   ayya   itthannama   itthannamaya   ayyaya   upasampadapekkha
ekatoupasampanna    bhikkhunisanghe   visuddha   sangham   ayya   upasampadam
yacami    ullumpatu    mam   ayya   sangho   anukampam   upadaya  .
Aham   ayya   itthannama   itthannamaya   ayyaya   upasampadapekkha
ekatoupasampanna    bhikkhunisanghe    visuddha   dutiyampi   ayya   sangham
upasampadam    yacami    ullumpatu    mam    ayya    sangho    anukampam
upadaya    .    aham   ayya   itthannama   itthannamaya   ayyaya
upasampadapekkha      ekatoupasampanna      bhikkhunisanghe     visuddha
tatiyampi   ayya   sangham   upasampadam   yacami   ullumpatu   mam   ayya
sangho anukampam upadayati.
     [580] Byattena bhikkhuna patibalena sangho napetabbo
     {580.1}  sunatu  me  bhante sangho ayam itthannama itthannamaya
upasampadapekkha   ekatoupasampanna  bhikkhunisanghe  visuddha  itthannama
sangham   upasampadam   yacati   itthannamaya   pavattiniya  .  yadi  sanghassa
pattakallam  sangho  itthannamam  upasampadeyya  itthannamaya  pavattiniya.
Esa natti.
     {580.2}    Sunatu   me   bhante   sangho   ayam   itthannama
itthannamaya           upasampadapekkha          ekatoupasampanna
bhikkhunisanghe     visuddha    itthannama    sangham    upasampadam    yacati
itthannamaya    pavattiniya    .    sangho   itthannamam   upasampadeti
Itthannamaya    pavattiniya    .   yassayasmato   khamati   itthannamaya
upasampada     itthannamaya     pavattiniya    so    tunhassa    yassa
nakkhamati so bhaseyya.
     {580.3}   Dutiyampi  etamattham  vadami  .pe.  tatiyampi  etamattham
vadami   .  sunatu  me  bhante  sangho  ayam  itthannama  itthannamaya
upasampadapekkha      ekatoupasampanna      bhikkhunisanghe     visuddha
itthannama   sangham   upasampadam   yacati   itthannamaya   pavattiniya .
Sangho    itthannamam    upasampadeti    itthannamaya   pavattiniya  .
Yassayasmato     khamati     itthannamaya    upasampada    itthannamaya
pavattiniya so tunhassa yassa nakkhamati so bhaseyya.
     {580.4}    Upasampanna   sanghena   itthannama   itthannamaya
pavattiniya. Khamati sanghassa tasma tunhi. Evametam dharayamiti.



             The Pali Tipitaka in Roman Character Volume 7 page 353-360. https://84000.org/tipitaka/read/roman_read.php?B=7&A=7104&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=7&A=7104&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=7&item=573&items=8              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=7&siri=90              Study Atthakatha :- https://84000.org/tipitaka/attha/attha.php?b=7&i=573              Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]