AtthaPali Vol.38

mittavindukajatakam kyaham devanamakaranti idam sattha jetavane viharanto ekam dubbacabhikkhum arabbha kathesi. Vatthu mahamittavindukajatake avibhavissati. Ayam pana mittavinduko samudde khitto atriccho hutva purato gantva Nerayikasattanam pacanatthanam ussudanirayam ^1- disva ekam nagaranti sannaya pavisitva khuracakkam asadeti. Tada bodhisatto devaputto hutva ussudanirayacarikam carati. So tam disva pucchanto pathamam gathamaha kyaham devanamakaram kim papam pakatam maya yam me sirasmim ohacca cakkam bhamati matthaketi. Tattha kyaham devanamakaranti sami devaputta kinnama aham devanam akarim kim mam deva badhenti. Kim papam pakatam mayati dukkhamahantataya vedanapatto attana katapapam asallakkhento evamaha. Yam meti yena papena mama sirasmim ohacca ohanitva idam khuracakkam mama matthake bhamati tam kinnamati. Tam sutva bodhisatto dutiyam gathamaha atikkamma ramanakam sadamattanca dubbakam ^2- brahmataranca pasadam kenatthena idhagatoti. Tattha ramanakanti phalikapasadam. Dubbakanti manipasadam. Sadamattanti rajatapasadam. Brahmataranca pasadanti suvannapasadanca. Kenatthenati tvam etesu ramanakadisu catasso attha solasa dvattimsati eta devadhitaro pahaya te pasade atikkamitva kena karanena idha agatoti. Tato mittavinduko tatiyam gathamaha @Footnote: ¹ ussadanirayam. ² dubhakam. Ito bahutara bhoga atra manne bhavissare iti etaya sannaya passa mam byasanam gatanti. Tattha ito bahutarati imesu catusu pasadesu bhogehi atirekatara bhavissanti. Tato bodhisatto sesagatha abhasi catubbhi atthajjhagama atthakabhi ca solasa solasabhi ca dvattimsa atriccham cakkamasado icchahatassa posassa cakkam bhamati matthake upari visala duppura icchavisadagamini ye ca tam anugijjhanti te honti cakkadharinoti. Tattha upari visalati mittavinduka tanha namesa aseviyamana upari visala honti patthana ^1- tanha nama mahasamuddo viya duppura rupadisu tam tam arammanam icchamanaya icchaya patthanaya visadagamini tasma ye purisa tam evarupam tanham anugijjhanti punappunam giddha hutva ganhanti te honti cakkadharinoti te etam khuracakkam dharentiti vadati. Mittavindukam pana kathentameva nippiliyamanam tampi cakkam bhassi. Tena so puna kathetum nasakkhi. Devaputto attano devatthanameva gato. Sattha imam dhammadesanam aharitva jatakam samodhanesi tada @Footnote: ^1. patthata. Mittavinduko dubbacabhikkhu ahosi devaputto pana ahamevati. Mittavindukajatakam navamam ----------

The Pali Atthakatha in Roman Book 38 page 488-491. http://84000.org/tipitaka/atthapali/read_rm.php?B=38&A=10148&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=10148&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=793 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3680 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3644 The Pali Tipitaka in Roman Character :- http://84000.org/tipitaka/read/roman_read.php?B=27&A=3644 Contents of The Tipitaka Volume 27 http://84000.org/tipitaka/read/?index_27