AtthaPali Vol.11

3. Jatasuttavannana [23] Tatiye antojatati gathaya jatati tanhaya jaliniya adhivacanam. Sa hi rupadisu arammanesu hetthuppariyavasena punappunam uppajjanato samsibbanatthena velugumbadinam sakhajalasankhata jata viyati jata. Sa panesa sakaparikkharaparaparikkharesu sakaattabhavaparaattabhavesu ajjhattikayatanabahirayatanesu ca uppajjanato antojata bahijatati vuccati. Taya evam uppajjamanaya jataya jatita paja. Yatha nama velujatadihi veluadayo, evam taya tanhajataya sabbapi ayam sattanikayasankhata paja jatita vinaddha, samsibbitati attho. Yasma ca evam jatita, tam tam gotama pucchamiti tasma tam pucchamiti. Gotamati bhagavantam gottena alapati. Ko imam vijataye jatanti imam evam tedhatukam jatetva thitajatam ko vijateyya, vijatetum ko samatthoti pucchati. Athassa bhagava tamattham vissajjento sile patitthayatiadimaha. Tattha sile patitthayati catuparisuddhisile thatva. Ettha ca bhagava jatavijatanam pucchito silam arabhanto na "annam puttho annam katheti"ti veditabbo. Jatavijatakassa hi patitthadassanatthamettha ^2- silam kathitam. Naroti satto. Sapannoti kammajatihetukapatisandhipannaya pannava. Cittam pannanca bhavayanti samadhinceva vipassananca bhavayamano. Cittasisena hettha @Footnote: ¹ cha.Ma. karoto kariyati, Si. karako kayirati ² Si. patitthatthenapettha Attha samapattiyo kathita, pannanamena vipassana. Atapiti viriyava. Viriyam hi kilesanam atapanaparitapanatthena "atapo"ti vuccati, tadassa atthiti atapi. Nipakoti nepakam vuccati panna, taya samannagatoti attho. Imina padena parihariyapannam dasseti. Parihariyapanna nama "ayam kalo uddesassa, ayam kalo paripucchaya"tiadina nayena sabbattha karapita ^1- pariharitabbapanna. Imasmim hi panhabyakarane tikkhattum panna agata. Tattha pathama sajatipanna, dutiya vipassanapanna, tatiya sabbakiccaparinayika parihariyapanna. So imam vijataye jatanti so imehi siladihi samannagato bhikkhu. Yatha nama puriso pathaviyam patitthaya sunisitam sattham ukkhipitva mahantam velugumbam vijateyya, evameva sile patitthaya samadhisilaya sunisitam vipassanapannasattham viriyabalapaggahitena parihariyapannahatthena ukkhipitva sabbampi tam attano santanapatitam ^2- tanhajatam vijateyya sanchindeyya sampadaleyyati. Ettavata sekkhabhumim kathetva idani jatam vijatetva thitam mahakhinasavam dassento yesantiadimaha. Evam jatam vijatetva thitam khinasavam dassetva puna jataya vijatitokasam ^3- dassento yattha namancatiadimaha. Tattha namanti cattaro arupino khandha. Patigharupasanna cati ettha patighasannavasena kamabhavo gahito, rupasannavasena rupabhavo. Tesu dvisu gahitesu arupabhavo gahitova hoti bhavasankhepenati. Etthesa chijjate jatati ettha tebhumikavattassa pariyadiyanatthane esa jata chijjati, nibbanam agamma chijjati nirujjhatiti ayamattho dassito hotiti. Tatiyam.

The Pali Atthakatha in Roman Book 11 page 49-50. http://84000.org/tipitaka/atthapali/read_rm.php?B=11&A=1293&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=1293&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=60 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=392 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=341 The Pali Tipitaka in Roman Character :- http://84000.org/tipitaka/read/roman_read.php?B=15&A=341 Contents of The Tipitaka Volume 15 http://84000.org/tipitaka/read/?index_15