Atthakatha Book 32 : PALI ROMAN
Thera.A.1 (paramatthadi.1)

Samavayena abhiradhito sadhito adhigato. Kanakacchapopamasuttamettha 1- udaharitabbam.
Saggakayamagamam sakim sakinti saggagatisankhatam kamavacaradevakayam sakim sakim kadaci
kadaci upapajjanavasena agacchim. Rupadhatusuti puthujjanabhavaggapariyosanesu rupabhavesu.
Arupadhatusuti arupabhavesu. Nevasannisu asannisutthitanti ruparupadhatusu ca na kevalam
sannisueva, atha kho nevasanninasannisu asannisu ca uppajjim thitam 2- mayati
anetva yojetabbam. Nevasanniggahanena hettha nevasanninasannibhavo gahito.
Yadipime dve bhava ruparupadhatuggahaneneva gayhanti, ye pana ito bahiraka tattha
niccasannino bhavavimokkhasannino ca, tesam tassa sannaya micchabhavadassanattham
visum gahitati datthabbam.
      Evam dvihi gathahi bhavamulassa anupacchinnatta anadimati samsare attano
vattadukkhanubhavam dassetva idani tadupacchedena vivattasukhanubhavam dassento
"sambhava"tiadina tatiyam gathamaha. Tattha sambhavati bhava. Kamabhavadayoeva hi
hetupaccayasamavayena bhavantiti idha sambhavati vutta. Suviditati vipassanapannasahitaya
maggapannaya sutthu vidita. Asarakatiadi tesam viditakaradassanam. Tattha asarakati
niccasaradisararahita. Sankhatati samecca sambhuyya 3- paccayehi kata. Pacalitati
sankhatattaeva uppadajaradihi pakarato calita anavatthita. Saderitati sada
sabbakalam bhangena erita, ittara bhangagamino pabhangurati 4- attho. Tam viditva
mahamattasambhavanti tam yathavuttam sankhatasabhavam attasambhavam attani sambhutam attayattam
issaradivasena aparayattam parinnabhisamayavasena aham viditva tappatipakkhabhutam santimeva
nibbanameva maggapannasatiya satima hutva samajjhagam adhigacchim ariyamaggabhavanaya
anuppattoti. Evam thero natakanam dhammadesanamukhena annam byakasi.
                    Gotamattheragathavannana nitthita.
@Footnote: 1 Ma.upari. 14/252/220 balapanditasutta, sam.maha. 19/1117/396 pathamachiggalayugasutta
@2 cha.Ma. upapajja thitam  3 Si.,i.,Ma. sambhuya   4 cha.Ma. pabhangunoti


             The Pali Atthakatha in Roman Book 32 page 579.
http://84000.org/tipitaka/atthapali/read_rm.php?B=32&A=12993&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=32&A=12993&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=26&i=320
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=6159
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=6275
             The Pali Tipitaka in Roman Character :-
http://84000.org/tipitaka/read/roman_read.php?B=26&A=6275
             Contents of The Tipitaka Volume 26
http://84000.org/tipitaka/read/?index_26