AtthaPali Vol.16

Aparisuddhakayavacisamacaratam amanasikatva yam so kalena kalam dhammassavanam nissaya cetaso vivarappasadasankhatam pitipamojjam labhati, tam manasikatva cittuppadanibbapanam veditabbam. Abadhikoti iriyapathabhanjanakena visabhagabadhena abadhiko. Puratopissati puratopi bhaveyya. Anayabyasananti avuddhim vinasam. Evameva khoti ettha so anathagilano viya sabbakanhadhammasamannagato puggalo, addhanamaggo viya anamataggasamsaro, purato ca pacchato ca gamanam durabhavo viya nibbanassa durabhavo, sappayabhojananam alabho viya samannaphalabhojananam alabho, sappayabhesajjanam alabho viya samathavipassananam abhavo, patirupaupatthakanam alabho viya ovadanusasanihi kilesatikicchakanam abhavo, gamantanayakassa alabho viya nibbanasampapakassa tathagatassa va tathagatasavakassa va aladdhabhavo, annatarassa purisassa disva karunnupatthanam viya tasmim puggale mettaviharikassa karunnam uppadetva cittanibbapanam veditabbam. Acchodakati pasannodaka. Satodakati madhurodaka. Sitodakati tanusitasalila. Setakati umibhijjanatthanesu setavanna. Supatitthati samatittha. Evameva khoti ettha ghammabhitatto puriso viya mettavihari datthabbo, sa pokkharani viya parisuddhasabba- dvarapuriso, nhatva pivitva paccuttaritva rukkhacchayaya nipajjitva yathakamam gamanam viya tesu dvaresu yam icchati, tam arammanam katva cittanibbapanam veditabbam. Tatiyacatutthani hettha vuttanayaneva.

The Pali Atthakatha in Roman Book 16 page 63. http://84000.org/tipitaka/atthapali/read_rm.php?B=16&A=1399&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=1399&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=162 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=4342 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=4365 The Pali Tipitaka in Roman Character :- http://84000.org/tipitaka/read/roman_read.php?B=22&A=4365 Contents of The Tipitaka Volume 22 http://84000.org/tipitaka/read/?index_22