AtthaPali Vol.11

Saccavadi adhimutto yam disva na nivaraye adhimuttassa sucinnena saccavadissa bhikkhuno. Sabbeva abhayam patta sotthim gacchantu natayoti. Evam te corehi vissajjita gantva adhimuttam ahamsu:- "tava tata sucinnena saccavadissa bhikkhuno sabbeva abhayam patta sotthipaccagamamhase"ti. ^1- Te ^2- pancasata cora pasadam apajjitva adhimuttassa samanerassa santike pabbajimsu. So te adaya upajjhayassa santikam gantva pathamam attana upasampanno paccha te pancasate attano antevasike katva upasampadesi. Te adhimuttattherassa ovade thita sabbe aggaphalam arahattam papunimsu. Imamattham gahetva devata "satam saddhammamannaya, natimajjhe virocati"ti aha. Satatanti satatam sukham va ciram sukham va ^3- titthantiti vadati. Sabbasam voti sabbasam tumhakam. Pariyayenati karanena. Sabbadukkha pamuccatiti na kevalam seyyova hoti, na ca kevalam pannam labhati, sokamajjhe na socati, natimajjhe virocati, sugatiyam nibbattati, ciram sukham titthati, sakalasma pana vattadukkhapi pamuccatiti. Pathamam.

The Pali Atthakatha in Roman Book 11 page 57. http://84000.org/tipitaka/atthapali/read_rm.php?B=11&A=1492&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=1492&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=78 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=480 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=424 The Pali Tipitaka in Roman Character :- http://84000.org/tipitaka/read/roman_read.php?B=15&A=424 Contents of The Tipitaka Volume 15 http://84000.org/tipitaka/read/?index_15