AtthaPali Vol.34

436. 7. Selatherigathavannana natthi nissaranam loketiadika selaya theriya gatha. Ayampi purimabuddhesu katadhikara tattha tattha bhave vivattupanissayam kusalam upacinanti hamsavatinagare kulagehe nibbattitva vinnutam patta matapituhi samana- jatikassa kulaputtassa dinna tena saddhim bahuni vassasatani sukhasamvasam vasitva tasmim kalankate sayampi addhagata vayoanuppatta samvegajata kim kusalagavesini kalena kalam aramena aramam viharena viharam anuvicarati "samanabrahmananam santike dhammam sossami"ti. Sa ekadivasam satthu bodhirukkham upasankamitva "yadi buddho bhagava asamo asamasamo appatipuggalo, dassetu me ayam bodhi patihariyan"ti nisidi. Tassa tatha cittuppadasamanantarameva bodhi pajjali, sabbasovannamaya sakha upatthahimsu, sabba disa virocimsu. Sa tam patihariyam disva pasannamanasa garucittikaram upatthapetva sirasi anjalim paggayha sattarattindivam tattheva nisidi. Sattame divase ularam pujasakkaram akasi. Sa tena punnakammena devamanussesu Samsaranti imasmim buddhuppade alavikassa ranno dhita hutva nibbatti, selatissa namam ahosi. Alavikassa pana ranno dhitati katva alavikatipi nam voharanti. Sa vinnutam patta satthari alavakam dametva tassa hatthe pattacivaram datva tena saddhim alavinagaram upagate darika hutva ranna saddhim satthu santikam upagantva dhammam sutva patiladdhasaddha upasika ahosi. Sa aparabhage sanjatasamvega bhikkhunisu pabbajitva katapubbakicca vipassanam patthapetva sankhare sammasanti upanissayasampannatta paripakkanana nacirasseva arahattam papuni. Tena vuttam apadane 1-:- "nagare hamsavatiya cariki ^2- asaham tada arameneva ^3- aramam carami kusalatthika. Kalapakkhamhi divase addasam bodhimuttamam tattha cittam pasadetva bodhimule nisidaham. Garucittam upatthetva sire katvana anjalim somanassam pavedetva evam cintesi tavade. Yadi buddho amitaguno asamappatipuggalo dassetu patihiram me bodhi obhasatu ayam. Saha avajjite mayham bodhi pajjali tavade sabbasonnamaya ^4- asi disa sabba virocati. Sattarattindivam tattha bodhimule nisidaham sattame divase patte dipapujam akasaham. @Footnote: ¹ khu.apa. 33/61/305 ² carini (sya) ³ cha.Ma. aramena ca ⁴ sabbasovannamaya (sya) Asanam parivaretva pancadipani pajjalum yava udeti suriyo dipa me pajjalum tada. Tena kammena sukatena cetanapanidhihi ca jahitva manusam deham tavatimsam aganchaham. Tattha me sukatam byamham pancadipati vuccati ^1- satayojanamubbedham satthiyojanavitthatam. ^1- Asankhyeyyani dipani parivare jalanti ^2- me yavata devabhavanam dipalokena jotati. Puratthabhimukha santi ^3- yadi icchami passitum uddham adho ca tiriyam sabbam passami cakkhuna. Yavata abhikankhami datthum sukatadukkatam ^4- tattha avaranam natthi rukkhesu pabbatesu va. Asitidevarajunam mahesittamakarayim satanam cakkavattinam mahesittamakarayim. Yam yam yonupapajjami devattam atha manusam dipasatasahassani parivare jalanti me. Devaloka cavitvana uppajjim matukucchiyam matu kucchigata santi ^5- akkhi me na nimilati. Dipasatasahassani punnakammasamangino ^6- sutighareva jalanti ^7- pancadipanidam phalam. @Footnote: ^1-1 cha.Ma. satthiyojanamubbedham timsayojanavitthatam ² cha.Ma. jalimsu ³ cha.Ma. parammukha @nisiditva ⁴ cha.Ma. sugataduggate ⁵ kucchagatam santam (sya) @⁶ cha.Ma. punnakammasamangita ⁷ cha.Ma. jalanti sutikagehe Pacchime bhave sampatte ^1- manasam vinivattayim ajaramaram ^2- sitibhavam nibbanam phassayim aham. Jatiya sattavassaham arahattam apapunim upasampadayi buddho gunamannaya gotamo. Mandape rukkhamule va pasadesu guhasu va ^3- ^4- sunnagare pajjhayanta pancadipa jalanti me. ^4- Dibbacakkhu visuddham me samadhikusala aham abhinnaparamippatta pancadipanidam phalam. Sabbavositavosana katakicca anasava pancadipa mahavira pade vandami cakkhuma. Satasahassito kappe yam dipamadadim tada duggatim nabhijanami pancadipanidam phalam. Kilesa jhapita mayham bhava sabbe samuhata nagiva bandhanam chetva viharami anasava. Svagatam vata me asi buddhasetthassa santike tisso vijja anuppatta katam buddhassa sasanam. Patisambhida catasso vimokkhapi ca atthime chalabhinna sacchikata katam buddhassa sasanan"ti. @Footnote: ¹ bhavasampatte (sya) ² cha.Ma. ajaramatam, i. ajaramaranam @³ cha.Ma. sunnagare vasantiya ^4-4 cha.Ma. sada pajjalate dipam pancadipanidam phalam Arahattam pana patva theri savatthiyam viharanti ekadivasam pacchabhattam savatthito nikkhamitva divaviharatthaya andhavanam pavisitva annatarasmim rukkhamule nisidi. Atha nam maro vivekato vicchedetukamo ^1- annatakarupena upagantva:- [57] "natthi nissaranam loke kim vivekena kahasi bhunjahi ^2- kamaratiyo mahu pacchanutapini"ti gathamaha. Tassattho:- imasmim loke sabbasamayesupi upaparikkhiyamanesu nissaranam nibbanam nama natthi tesam tesam samanabrahmananam chandaso patinnayamanam voharamattamevetam, ^3- tasma kim vivekena kahasi evarupe sampannapathamavaye thita imina kayavivekena kim karissasi. Athakho bhunjahi kamaratiyo vatthukamakilesakamasannissita khiddaratiyo paccanubhohi. Kasma ^4-? mahu pacchanutapini "yadattham ^5- brahmacariyam carami, tadeva nibbanam natthi, tenevetam nadhigatam, kamabhoga ca parihina, anattho vata mayhan"ti paccha vippatisarini ma ahositi adhippayo. Tam sutva theri "balo vatayam maro, yo mama paccakkhabhutam nibbanam patikkhipati. Kamesu ca mam pavareti, mama khinasavabhavam na janati, handa nam tam janapetva tajjessami"ti cintetva:- [58] "sattisulupama kama khandhasam adhikuttana yam tvam kamaratim brusi arati dani sa mama. ^6- [59] Sabbattha vihata nandi tamokkhandho padalito evam janahi papima nihato tvamasi antaka"ti imam gathadvayamaha. @Footnote: ¹ Ma. vicchinditukamo, cavetukamo sam.sa. 15/162/154 ² bhunjassu @sam.sa. 15/162/154 ³ Ma. vacavatthumattamevetam ⁴ Ma. kasma yasma @⁵ Ma. nissaranattham ⁶ arati mayha sa ahu sam.sa. 15/162/154 Tattha sattisulupama kamati kama nama yena adhitthita, tassa sattassa vinivijjhanato nissitasatti viya sulam viya ca ^1- datthabba. Khandhati upadanakkhandha. Asanti tesam. Adhikuttanati chindanadhitthana, accadanatthananti attho. Yato khandhe accadaya satta kamehi chejjabhejjam papunanti. Yam tvam kamaratim brusi, arati dani sa mamati papima tvam yam kamaratim ramitabbam sevitabbam katva vadasi, sa dani mama niratijatikatta ^2- milhasadisa, na taya mama koci attho atthiti. Tattha karanamaha "sabbattha vihata nandi"tiadina. Tattha evam janahiti "sabbaso pahinatanhavijja"ti mam janahi, tato eva balavidhamanavisayatikkamanehi antaka lamakacara mara tvam maya nihato badhito asi, na panaham taya badhitabbati attho. Evam theriya maro santajjito tatthevantaradhayi. Theripi phalasamapattisukhena andhavane divasabhagam vitinametva sayanhe vasanatthanameva gata. Selatherigathavannana nitthita. -----------------

The Pali Atthakatha in Roman Book 34 page 78-83. http://84000.org/tipitaka/atthapali/read_rm.php?B=34&A=1667&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=1667&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=436 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=9100 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9152 The Pali Tipitaka in Roman Character :- http://84000.org/tipitaka/read/roman_read.php?B=26&A=9152 Contents of The Tipitaka Volume 26 http://84000.org/tipitaka/read/?index_26