|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
147. 10. Punnamasattheragathavannana
vihari apekkhanti ayasmato punnamasattherassa gatha. Ka uppatti?
so kira vipassissa bhagavato kale cakkavakayoniyam nibbatto bhagavantam gacchantam
disva 7- pasannamanaso attano mukhatundakena salapuppham gahetva pujam akasi.
@Footnote: 1 cha.Ma. dumantitam 2 Si. mama cintitam gaditam kathitam cintetva vimamsitam
@3 cha.Ma. samvibhattesuti 4 Ma. suddhisu dhammesu va 5 cha.Ma. pavaram,
@ tam maggaphalanibbanadhammam, Si....maggaphaladhammam
@6 Si. attham paccakkhato, cha.Ma. attapaccakkhato 7 Ma. bhagavantam disva
So tena punnakammena devamanussesu samsaranto ito sattarase kappe atthakkhattum
cakkavattiraja ahosi, imasmim pana kappe kassapassa bhagavato sasane osakkamane
kutumbikakule nibbattitva pabbajitva samanadhammam katva tato cuto devamanussesu
samsaranto imasmim buddhuppade savatthinagare samiddhissa nama 1- brahmanassa
putto hutva nibbatti. Tassa jatadivase tasmim gehe sabba rittakumbhiyo
suvannamasanam punna ahesum. Tenassa punnamasoti namam akamsu. So vayappatto
brahmanavijjasu nipphattim patva vivahakammam katva ekam puttam labhitva
upanissayasampannataya gharavasam jigucchanto bhagavantam upasankamitva dhammam sutva
patiladdhasaddho pabbajitva laddhupasampado sabbakiccasampanno 2- catusaccakammatthane 3-
yuttappayutto vipassanam ussukkapetva arahattam papuni. Tena vuttam
apadane 4-:-
"sindhuya nadiya tire cakkavako aham tada
suddhasevalabhakkhoham papesu ca susannato. 5-
Addasam virajam buddham gacchantam anilanjase
tundena salam paggayha vipassissabhiropayim.
Yassa saddha tathagate acala suppatitthita
tena cittappasadena duggatim so na gacchati.
Svagatam vata me asi buddhasetthassa santike
vihangamena santena subijam ropitam maya.
Ekanavutito kappe yam pupphamabhiropayim 6-
duggatim nabhijanami buddhapujayidam 7- phalam.
@Footnote: 1 Ma. samiddhinamassa 2 cha.Ma. pubbakiccasampanno 3 Si. tacapancakakammatthane
@4 khu.apa. 32/13/162 paccagamaniyattherapadana 5 Si., Ma. panesu ca susannato
@6 Si. yam pupphamabhipujayim 7 Si. pupphapujayidam
Sucarudassana nama atthete ekanamaka
kappe sattarase asum cakkavatti mahabbala.
Kilesa jhapita mayham .pe. Katam buddhassa sasanan"ti.
Athassa puranadutiyika tam palobhetukama alankatapatiyatta puttena saddhim
upagantava piyalapabhavadikehi 1- bhavavirane kammam nama katum arabhi. Thero
tassa karanam disva attano katthacipi alaggabhavam pakasento:-
2- "vihari apekkham idha va huram va
yo vedagu samito 3- yatatto
sabbesu dhammesu anupalitto
lokassa janna udayabbayanca"ti
gatham abhasi. 2-
[10] Tattha vihariti visesato hari 4- apahari apanesi. Apekkhanti tanham.
Idhati imasmim loke attabhave va. Huranti parasmim 5- anagate attabhave va.
Idhati va ajjhattikesu ayatanesu. Huranti bahiresu. Vasaddo samuccayattho
"apada va dvipada va"tiadisu 6- viya. Yoti attanameva param viya dasseti.
Vedaguti vedena gato maggananena nibbanam gato adhigato, cattari va saccani
parinnapahanasacchikiriyabhavanabhisamayavasena abhisamecca 7- thito. Yatattoti maggasamvarena
samyatasabhavo, sammavayamena va samyatasabhavo. Sabbesu dhammesu anupalittoti sabbesu
dhammesu arammanesu 8- tanhaditthilepavasena na upalitto, tena
@Footnote: 1 Ma. vilasabhavadikehi 2-2 cha.Ma. "vihari apekkhan"ti gatham abhasi 3 ka. santusito
@4 Ma. viharinti visesato harim 5 cha.Ma. aparasmim 6 khu.iti. 25/90/308,
@an.catukka. 21/34/39 aggappasadasutta, an.pancaka. 22/32/37 cundisutta (sya)
@7 Ma. abhisamecca abhisamaye ca 8 cha.Ma. sabbesu arammanesu dhammesu
Labhadilokadhamme samatikkamam dasseti. Lokassati upadanakkhandhapancakassa. Tam hi
lujjanapalujjanatthena loko. Jannati janitva. Udayabbayancati uppadanceva vayanca,
etena yathavuttagunanam pubbabhagapatipadam dasseti. Ayam panettha attho:- yo sakalassa
khandhadilokassa samapannasaya akarehi udayabbayam janitva vedagu yatatto katthaci
anupalitto, so sabbattha apekkham vineyya 1- santussito tadisanam vippakaranam
na kinci mannati, 2- tasma tvam andhabale yathagatamaggeneva gacchati. Atha
sa itthi "ayam samano mayi putte ca nirapekkho, na sakka imam palobhetun"ti 3-
pakkami.
Punnamasattheragathavannana nitthita.
Paramatthadipaniya theragathasamvannanaya
pathamavaggavannana nitthita.
-----------
@Footnote: 1 Ma. vinaye 2 Ma. kinti mannati 3 Ma. pasadetunti
The Pali Atthakatha in Roman Book 32 page 78-81.
http://84000.org/tipitaka/atthapali/read_rm.php?B=32&A=1782&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=32&A=1782&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=26&i=147
เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=5032
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=5338
The Pali Tipitaka in Roman Character :-
http://84000.org/tipitaka/read/roman_read.php?B=26&A=5338
Contents of The Tipitaka Volume 26
http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]