AtthaPali Vol.12

Atha ca anusetiti ^1- imina tebhumikavipake parittakiriyasu rupeti ettha appahinakotiya anusayo gahito. ^2- Anusetiti ettha appahinako. ^2- Arammanametam hotiti anusaye sati kammavinnanassa uppattiya avaritatta etam anusayajatam paccayova hoti. No ceva cetetitiadisu pathamapade tebhumikakusalakusalacetana nivatta, dutiyapade atthasu cittesu tanhaditthiyo, tatiyapade vuttappakaresu dhammesu yo appahinakotiya anusayito anusayo, so nivatto. Apicettha asammohattham ceteti pakappeti anuseti, ceteti na pakappeti anuseti, na ceteti na pakappeti anuseti, na ceteti na pakappeti na anusetiti idampi catukkam veditabbam. Tattha pathamanaye dhammaparicchedo dassito. Dutiyanaye cetetiti tebhumikakusalacetana ceva catasso ca akusalacetana gahita. Na pakappetiti atthasu cittesu tanhaditthiyo nivatta. Anusetiti tebhumikakusale upanissayakotiya, catusu akusalacetanasu sahajatikotiya ceva upanissayakotiya ca anusayo gahito. Tatiyanaye na cetetiti tebhumikakusalakusalam nivattam, na pakappetiti atthasu cittesu tanhaditthiyo nivatta, anusetiti sutte agatam varetva tebhumikakusalakusalavipakakiriyarupesu appahinakotiya upanissayo gahito. Catutthanayo purimasadisova. Tadappatitthiteti tasmim appatitthite. Avirulheti kammam jirapetva ^3- patisandhiakaddhanasamatthataya anibbattamule. Ettha pana kim kathitanti? arahattamaggassa kiccam, khinasavassa kiccakaranantipi nava lokuttaradhammatipi vattum vattati. Ettha ca vinnanassa ceva ayatim punabbhavassa ca antare eko sandhi, vedanatanhanamantare eko, bhavajatinamantare ekoti. Atthamam. @Footnote: ¹ cha.Ma.,i. atha ce anusetiti @^2-2 cha.Ma.,i. ime patha na dissanti ³ cha.Ma.,i. javapetva

The Pali Atthakatha in Roman Book 12 page 81. http://84000.org/tipitaka/atthapali/read_rm.php?B=12&A=1804&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=1804&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=16&i=145 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=1730 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=1596 The Pali Tipitaka in Roman Character :- http://84000.org/tipitaka/read/roman_read.php?B=16&A=1596 Contents of The Tipitaka Volume 16 http://84000.org/tipitaka/read/?index_16