AtthaPali Vol.50

45. 3. Kaligodhaputtabhaddiyattherapadanavannana padumuttarasambuddhantiadikam ayasmato bhaddiyassa kaligodhaputtattherassa apadanam. ^2- Ayampi purimabuddhesu katadhikaro tattha tattha bhave vivattupanissayani punnani upacinanto padumuttarassa bhagavato kale vibhavasampanne ekasmim kule @Footnote: ¹ angito (?). ² thera.A. 2/354-58. Nibbatto vuddhippatto puttadarehi vaddhito nagaravasino punnani karonte disva sayampi punnani katukamo buddhappamukham bhikkhusamgham nimantetva thulapatalikadianekani maharahani sayanani pannapetva tattha nisinne bhagavati sasamghe panitenaharena bhojetva mahadanam adasi. So evam yavatayukam punnani katva devamanussesu ubhayasampattiyo anubhavitva aparabhage imasmim buddhuppade kaligodhaya nama deviya putto hutva nibbatti. So vinnutam patto arohaparinahahatthapadarupasampattiya bhaddatta ca kaligodhaya deviya puttatta ca bhaddiyo kaligodhaputtoti pakato. Satthari pasiditva matapitaro aradhetva ^1- pabbajitva nacirasseva araha ahosi. [54] So araha hutva attano pubbakammam saritva somanassajato pubbacaritapadanam pakasento padumuttarasambuddhantiadimaha. Tam hettha vuttatthameva. Mettacittanti mijjati sinehati nandati sabbasatteti metta, mettaya sahagatam cittam mettacittam, tam yassa bhagavato atthiti mettacitto, tam mettacittam. Mahamuninti sakalabhikkhunam mahantatta mahamuni, tam padumuttaram sambuddhanti sambandho. Janata sabbati sabbo janakayo, ^2- sabbanagaravasinoti attho. Sabbalokagganayakanti sakalalokassa aggam settham nibbanassa nayanato papanato nayakam padumuttarasambuddham janata upeti samipam gacchatiti sambandho. [55] Sattukanca baddhakancati baddhasattuabaddhasattusankhatam amisam. Atha va bhattapupakhajjabhojjayaguadayo yava kalikatta amisam panabhojananca gahetva punnakkhette anuttare satthuno ^3- dadantiti sambandho. @Footnote: ¹ i. arocetva. @² sabbe janakaya (sabbattha). ³ Si. satthari. [58] Asanam buddhayuttakanti buddhayoggam buddharaham buddhanucchavikam sattaratanamayam asananti attho. Sesam nayanuyogena suvinneyyamevati. Kaligodhaputtabhaddiyattherapadanavannana nitthita. -----------

The Pali Atthakatha in Roman Book 50 page 81-83. http://84000.org/tipitaka/atthapali/read_rm.php?B=50&A=1811&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=1811&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=45 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=2224 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=2829 The Pali Tipitaka in Roman Character :- http://84000.org/tipitaka/read/roman_read.php?B=32&A=2829 Contents of The Tipitaka Volume 32 http://84000.org/tipitaka/read/?index_32