Atthakatha Book 15 : PALI ROMAN
An.A. (manoratha.2)

      Annepi gilana upatthatabbati itarepi dve gilana upatthapetabba.
Kimkarana? yopi hi nitthappattagilano, so anupatthiyamano "sace mam patijaggeyyum,
Phasukam me 1- bhaveyya. Na kho pana mam patijagganti"ti manopadosam katva apaye
nibbatteyya. Patijaggiyamanassa panassa evam hoti "bhikkhusamghena yam katabbam, tam
katam. Mayham pana kammavipako idiso"ti so bhikkhusamghe mettam paccupatthapetva
sagge nibbattissati. Yo pana appamattakena byadhina samannagato labhantopi
alabhantopi vutthatiyeva, tassa vinapi bhesajjena vupasamanabyadhi bhesajje kate
khippataram vupasammati. So tato buddhavacanam va ugganhitum sakkhissati, samanadhammam
va katum sakkhissati. Imina karanena "annepi gilana upatthatabba"ti vuttam.
      Neva okkamatiti neva pavisati. Niyamam kusalesu dhammesu sammattanti kusalesu
dhammesu magganiyamasankhatam sammattam. Imina padaparamo puggalo kathito. Dutiyavarena
ugghatitannu gahito sasane nalakattherasadiso buddhantare ekavare 2- paccekabuddhanam
santike ovadam labhitva patividdhapaccekabodhinanova. 3- Tatiyavarena
vipacitannu puggalo kathito, neyyo pana tannissitova hoti.
      Dhammadesana anunnatati masassa attha vare dhammakatha anunnata.
Annesampi dhammo desetabboti itaresampi dhammo kathetabbo. Kimkarana?
Padaparamassa hi imasmim attabhave dhammam pativijjhitum asakkontassapi anagate
paccayo bhavissati. Yo pana tathagatassa rupadassanam labhantopi alabhantopi dhammavinayanca
savanaya labhantopi alabhantopi dhammam abhisameti, so alabhanto tava abhisameti.
Labhanto pana khippameva abhisamessatiti imina karanena tesam dhammo desetabbo.
Tatiyassa pana punappunam desetabbova.
@Footnote: 1 Ma. phasukameva   2 cha.Ma.,i. ekavaram    3 cha.Ma.,i.....nano ca


             The Pali Atthakatha in Roman Book 15 page 100.
http://84000.org/tipitaka/atthapali/read_rm.php?B=15&A=2232&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=15&A=2232&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=20&i=461
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=20&A=3167
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=20&A=3122
             The Pali Tipitaka in Roman Character :-
http://84000.org/tipitaka/read/roman_read.php?B=20&A=3122
             Contents of The Tipitaka Volume 20
http://84000.org/tipitaka/read/?index_20