AtthaPali Vol.32

158. 1. Nigrodhattheragathavannana naham bhayassa bhayamiti ayasmato nigrodhattherassa gatha. Tasasa ^1- ka uppatti? ayam kira ito attharase kappasate brahmanamahasalakule nibbattitva ^2- vayappatto kamesu adinavam nekkhamme ca anisamsam disva gharabandhanam pahaya arannayatanam pavisitva annatarasmim ^3- salavane pannasalam katva tapasapabbajjam pabbajitva vanamulaphalaharo vasati. Tena samayena piyadassi nama sammasambuddho loke uppajjitva sadevakassa lokassa dhammamatavasena ^4- kilesasantapam nibbapento ekadivasam tapase anukampaya tam salavanam pavisitva nisiditva ^5- nirodhasamapattim samapanno. Tapaso vanamulaphalatthaya gacchanto bhagavantam disva pasannamanaso pupphitasaladandasakhayo gahetva sakhamandapam ^6- katva tam sabbatthakameva sala- pupphehi sanchadetva bhagavantam vanditva pitisomanassavaseneva ^7- aharatthayapi agantva namassamano atthasi. Sattha nirodhato vutthaya tassa anukampaya "bhikkhusamgho agacchatu"ti cintesi "bhikkhusamghepi cittam pasadessati"ti. Tavadeva bhikkhusamgho agato. So bhikkhusamghampi disva pasannamanaso vanditva anjalim paggayha atthasi. Sattha sitam ^8- patukaranapadesena tassa bhaginisampattim ^9- pakasento dhammam kathetva pakkami saddhim bhikkhusamghena. So tena punnakammena devamanussesuyeva samsaranto vivattupanissayam bahum kusalam upacinitva imasmim buddhuppade savatthiyam @Footnote: ¹ cha.Ma. ayam patho na dissati ² Si., Ma. nibbatto ³ ka. arannasmim @⁴ cha.Ma....vassena ⁵ cha.Ma. ayam patho na dissati ⁶ cha.Ma. salamandapam @⁷ Si. pitisomanasseneva ⁸ cha.Ma. sitassa ⁹ cha.Ma. bhavinim sampattim Brahmanamahasalakule nibbatti, nigrodhotissa namam ahosi. So jetavana- patiggahanadivase buddhanubhavadassanena sanjatapasado pabbajitva vipassanam arabhitva na cireneva ^1- chalabhinno ahosi. Tena vuttam apadane 2-:- "ajjhogahetva ^3- salavanam sukato assamo mama salapupphehi sanchanno vasami pavane ^4- tada. Piyadassi tu ^5- bhagava sayambhu aggapuggalo vivekakamo sambuddho salavanamupagami. Assama abhinikkhamma pavanam agamasaham mulaphalam ^6- gavesanto ahindami vane tada. Tatthaddasasim sambuddham piyadassim mahayasam ^7- sunisinnam samapannam virocantam mahavane. Catudande thapetvana buddhassa upari aham mandapam sukatam katva salapupphehi chadayim. Sattaham dharayitvana mandapam salachaditam tattha cittam pasadetva buddhasetthamavandaham. Bhagava tamhi samaye vutthahitva samadhito yugamattam pekkhamano nisidi purisuttamo. Savako varuno nama piyadassissa satthuno vasisatasahassehi upaganchi ^8- vinayakam. Piyadassi tu bhagava lokajettho narasabho bhikkhusamghe nisiditva sitam patukari jino. @Footnote: ¹ cha.Ma. na cirasseva ² khu.apa. 33/80/120 salamandapiyattherapadana (sya) @³ cha.Ma. ajjhogahetva ⁴ cha.Ma. vipine ⁵ cha.Ma. ca. evamuparipi @⁶ Si. phalaphalam ⁷ Si. mahamunim ⁸ cha.Ma. upagacchi Anuruddho upatthako piyadassissa satthuno ekamsam civaram katva apucchittha mahamunim. Ko nu kho bhagava hetu sitakammassa satthuno karane vijjamanamhi sattha patukare sitam. Sattaham pupphachadanam ^1- yo me dharesi manavo tassa kammam saritvana sitam patukarim aham. Anokasam ^2- na passami yantam ^3- punnam vipaccati ^4- devaloke manusse va okasova na sammati. Devaloke vasantassa punnakammasamangino yavata parisa ^5- tassa salacchanna bhavissati. Tattha dibbehi naccehi gitehi vaditehi ca ramissati sada santo punnakammasamahito. Yavata parisa tassa gandhagandhi ^6- bhavissati salassa pupphavasso ca pavassissati tavade. Tato cutoyam manujo manusam agamissati idhapi salacchadanam sabbakalam dharissati. Idha naccanca gitanca sammatalasamahitam parivaressanti mam niccam buddhapujayidam phalam. Uggacchante ca suriye salavassampavassati ^7- punnakammena samyuttam vassati ^8- sabbakalikam. Attharase kappasate okkakakulasambhavo gotamo nama namena sattha loke bhavissati. @Footnote: ¹ cha.Ma. salacchadanam ² Si. okasaham ³ cha.Ma. yattha ⁴ Ma. vipaccatha @⁵ Si., Ma. pharita ⁶ Si. gandhagandha ⁷ cha.Ma. pavassate ⁸ cha.Ma. vassate Tassa dhammesu dayado ^1- oraso dhammanimmito sabbasave parinnaya nibbayissatinasavo. Dhammam abhisamentassa salacchadanam ^2- bhavissati citake jhayamanassa chadanam tattha ^3- hessati. Vipakam kittayitvana ^4- piyadassi mahamuni parisaya dhammam desesi tappento dhammavutthiya. Timsakappani devesu devarajjamakarayim satthi ca sattakkhattunca cakkavatti ahosaham. Devaloka idhagantva labhami vipulam sukham idhapi salacchadanam mandapassa idam phalam. Ayam pacchimako mayham carimo vattate bhavo idhapi salacchadanam hessati sabbakalikam. Mahamunim tosayitva gotamam sakyapungavam pattomhi acalam thanam hitva jayaparajayam. Attharase kappasate yam buddhamabhipujayim ^5- duggatim nabhijanami buddhapujayidam phalam. Kilesa jhapita mayham bhava sabbe samuhata nagova bandhanam chetva viharami anasavo. Svagatam vata me asi mama buddhassa santike ^6- tisso vijja anuppatta katam buddhassa sasanam. Patisambhida catasso vimokkhapi ca atthime chalabhinna sacchikata katam buddhassa sasanan"ti. @Footnote: ¹ cha.Ma. dhamme sudayado ² cha.Ma. salacchannam ³ Si. tassa @⁴ Si. kathayitvana ⁵ Si. yam sambuddha...... ⁶ cha.Ma. buddhasetthassa santike Evam pana chalabhinno hutva phalasukhena vitinamento sasanassa niyyanikabhava- vibhavanattham ^1- annabyakaranavasena:- ^2- "naham bhayassa bhayami sattha no amatassa kovido yattha bhayam navatitthati tena maggena vajanti bhikkhavo"ti gatham abhasi. ^2- [21] Tattha bhayanti etasmati bhayam, jatijaradi. Bhayassati nissakke samivacanam, bhayato bhayitabbanimittam jatijaramaranadina hetuna naham bhayamiti attho. Tattha karanamaha "sattha no amatassa kovido"ti. Amhakam sattha amate kusalo veneyyanam amatadane cheko. ^3- Yattha bhayam navatitthatiti yasmim nibbane yathavuttam bhayam na titthati okasam na labhati. Tenati tato ^4- nibbanato. Vajantiti abhayatthanameva gacchanti. Nibbanam hi abhayatthanam nama. Kena pana vajantiti ^5- aha. "maggena vajanti bhikkhavo"ti, atthangikena ariyamaggena satthu ovadakaraka ^6- bhikkhu samsare bhayassa ikkhanakati ^7- attho. Yatthati vayam nimittam yassa ariyamaggassa adhigamahetu attanuvadadikam pancavisatividhampi bhayam navatitthati patittham na labhati, tena ariyamaggena vajanti abhayatthanam satthu sasane bhikkhu, tena maggena ahampi gato, tasma naham bhayassa bhayamiti thero annam byakasi. Nigrodhattheragathavannana nitthita. -------------- @Footnote: ¹ Si. niyyanikabhavadassanattham ^2-2 cha.Ma. "naham bhayassa bhayami"ti gatham abhasi @³ Si. kovido ⁴ Si. tatova ⁵ Si. abhayatthanam,tena pavajantiti @⁶ cha.Ma. ovadakarana, Ma....karana ⁷ Ma. bhayam ikkhanakoti

The Pali Atthakatha in Roman Book 32 page 113-117. http://84000.org/tipitaka/atthapali/read_rm.php?B=32&A=2551&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=2551&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=158 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5106 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5398 The Pali Tipitaka in Roman Character :- http://84000.org/tipitaka/read/roman_read.php?B=26&A=5398 Contents of The Tipitaka Volume 26 http://84000.org/tipitaka/read/?index_26