AtthaPali Vol.32

Kilesā jhāpitā mayhaṃ .pe. Kataṃ buddhassa sāsanan"ti. Arahattaṃ pana patavā satthāraṃ vandituṃ rājagahaṃ upagato tattha bhikkhūhi "kiṃ āvuso araññe appamatto vihāsī"ti puṭṭho attano appamādavihāranivedanena aññaṃ byākaronto:- ^1- "nīlāsugīvā sikhino morā kāraviyaṃ abhinadanti te sītavātakalitā suttaṃ jhānaṃ nibodhentī"ti gāthaṃ abhāsi. ^1- [22] Tattha nīlāsugīvāti nīlasugīvā, gāthāsukhatthañcettha ^2- dīgho kato, rājivantatāya sundarāya gīvāya samannāgatoti attho. Te yebhuyyena ca nīlavaṇṇatāya nīlā. Sobhaṇakaṇṭhatāya sugīvā. Sikhinoti matthake jātāya sikhāya sassirikabhāvena sikhino. Morāti mayūRā. Kāraviyanti ^3- kārambarukkhe. Kārambhiyanti vā ^4- tassa vanassa nāmaṃ. Tasmā kārambhiyanti kārambhanāmake ^5- vaneti attho. Abhinadantīti pāvussakāle meghagajjitaṃ sutvā kekāsaddaṃ karontā utusampadāsiddhena sarena haṃsādike abhibhavantā viya nadanti. Teti te moRā. Sītavātakalitāti ^6- sītena meghavātena sañjātakīḷitā madhuravassitaṃ vassantā. Suttanti bhattasammadavinodanatthaṃ sayitaṃ, kāyakilamathapaṭipassambhanāya vā anuññātavelāyaṃ supantaṃ. Jhānanti ^7- samathavipassanā- jhānehi jhāyanasīlaṃ bhāvanānuyuttaṃ. Nibodhentīti pabodhenti. "imepi nāma niddaṃ anupagantvā jāgarantā attanā kattabbaṃ karonti, kimaṅgaṃ panāhan"ti evaṃ sampajaññuppādanena sayanato vuṭṭhāpentīti adhippāyo. Cittakattheragāthāvaṇṇanā niṭṭhitā. @Footnote: ^1-1 cha.Ma. "nīlāsugīvā"ti gāthaṃ abhāsi ² cha.Ma....hettha ³ i. kāraṃviyaṃ, @cha.Ma. kārambhiyaṃ. evamuparipi ⁴ Sī. kāraṃviyanti kāraṃvarukkho, kāraṃvīti vā @⁵ Sī. kāraṃviyanti kāravināmake ⁶ cha.Ma. sītavātakīḷitāti ⁷ cha.Ma. jhāyanti

The Pali Atthakatha in Roman Book 32 page 119. http://84000.org/tipitaka/atthapali/read_rm.php?B=32&A=2688 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=2688 อ่านอรรถกถาแปลไทย :- http://84000.org/tipitaka/attha/attha.php?b=26&i=159 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5112 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5402 The Pali Tipitaka in Roman Character :- http://84000.org/tipitaka/read/roman_read.php?B=26&A=5402 Contents of The Tipitaka Volume 26 http://84000.org/tipitaka/read/?index_26