AtthaPali Vol.27

10. Somanassasuttavannana [37] Dasame sukhasomanassabahuloti ettha sukhanti kayikasukham, somanassanti cetasikam. Tasma yassa kayikam cetasikanca sukham abhinham pavattati, so sukhasomanassabahuloti vutto. Yoniti "catasso kho ima sariputta yoniyo"tiadisu ^1- @Footnote: ¹ Ma.mu. 12/152/113 Khandhakotthaso yoniti agato. "yoni hesa bhumija ^1- phalassa adhigamaya"tiadisu ^2- karanam. "na caham brahmanam brumi yonijam mattisambhavan"ti ^3- ca. "tamenam kammajavata nibbattitva ^4- uddhampadam adhosiram samparivattetva matu yonimukhe sampatipadenti"ti ca adisu passavamaggo. Idhapana karanam adhippetam. Assati anena. Araddhati patthapita pagganhita paripunnam sampadita va. Asavanam khayayati ettha asavantiti asava, cakkhutopi .pe. Manatopi savanti pavattantiti vuttam hoti. Dhammato yava gotrabhu, okasato yava bhavagga savantiti va asava, ete dhamme etam ca okasam anto karitva pavattantiti attho. Antokaranattho hi ayam akaro. Ciraparivasiyatthena madiradayo asava viyatipi asava. Lokehi ciraparivasika madiradayo asavati vuccanti. Yadi ca ciraparivasiyatthena asava, ete eva bhavitum arahanti. Vuttanhetam "purima bhikkhave koti na pannayati avijjaya, ito pubbe avijja nahosi"tiadi. ^5- Ayatam samsaradukkham savanti pavattantiti asava. Purimani cettha nibbacanani yattha kilesa asavati agata tattha yujjanti, pacchimam kammepi. Na kevalanca kammakilesa eva asava, apica kho nanappakara upaddavapi. Abhidhamme hi "cattaro asava kamasavo bhavasavo ditthasavo avijjasavo"ti ^6- kamaragadayo kilesa asavati agata. Suttepi "naham cunda ditthadhammikanamyeva asavanam samvaraya dhammam desemi"ti ^7- ettha vivadamulabhuta kilesa asavati agata. @Footnote: ¹ i. bhumija ² Ma.u. 14/226-228/192-194 @³ Ma.Ma. 13/457/449, khu.dha. 25/396/86, khu.su. 25/626/457 @⁴ Si.,i. ubbattetva ⁵ an.dasaka. 24/61/90 @⁶ abhi.san. 34/1102/258 ⁷ di.pa. 11/182/112 "yena devupapatyassa gandhabbo va vihangamo yakkhattam yena gaccheyya manussattanca abbaje te mayham asava khina viddhasta vinalikata"ti ^1- ettha tebhumakakammam avasesa ca akusala dhamma. "ditthadhammikanam asavanam samvaraya samparayikanam asavanam patighataya"ti ^2- ettha parupaghatavippatisaravadhabandhadayo ceva apayadukkhabhuta nanappakara upaddava ca. Te panete asava vinaye "ditthadhammikanam asavanam samvaraya, samparayikanam asavanam patighataya"ti ^2- dvedha agata. Salayatane "tayome avuso asava kamasavo bhavasavo avijjasavo"ti ^3- tidha agata. Tatha annesu suttantesu. Abhidhamme teyeva ditthasavena saddhim catudha agata. Nibbedhikapariyaye pana "atthi bhikkhave asava nirayagamaniya, atthi asava tiracchanayonigamaniya, atthi asava pettivisayagamaniya, atthi asava manussalokagamaniya, atthi asava devalokagamaniya"ti ^4- pancadha agata. Kammameva cettha asavati adhippetam. Chakkanipate "atthi bhikkhave asava samvara pahatabba"tiadina ^5- nayena chadha agata. Sabbasavapariyaye teyeva dassanapahatabbehi dhammehi saddhim sattadha agata. Idha pana abhidhammapariyayena cattaro asava adhippetati veditabba. Khayayati ettha pana "yo asavanam khayo vayo bhedo paribhedo aniccata antaradhanan"ti asavanam sarasabhedo asavanam khayoti vutto. "janato aham bhikkhave passato asavanam khayam vadami"ti ^6- ettha asavanam khinakaro natthibhavo accantam asamuppado asavakkhayoti vutto. @Footnote: ¹ an.catukka. 21/36/43-44 ² vi mahavi. 1/39/26 @³ sam.sala. 18/504/315 (sya) ⁴ an.chakka. 22/334/463-464 @⁵ an.chakka. 22/328/434 ⁶ Ma.mu. 12/15/10 "sekkhassa sikkhamanassa ujumagganusarino khayasmim pathamam nanam tato anna anantarati" ^1- ettha ariyamaggo asavakkhayoti vutto. "asavanam khaya samano hoti"ti ^2- ettha phalam. "paravajjanupassissa niccam ujjhanasannino asava tassa vaddhanti ara so asavakkhaya"ti ^3- ettha nibbanam. Idha pana phalam sandhaya "asavanam khayaya"ti vuttam, arahattaphalatthayati attho. Samvejaniyesu thanesuti samvegajanakesu jatiadisu samvegavatthusu. Jati jara byadhi maranam apayadukkham, atite vattamulakam dukkham, anagate vattamulakam dukkham, paccuppanne aharapariyetthimulakam dukkhanti imani hi samvegavatthuni samvejaniyatthanani nama. Apica "aditto lokasannivaso uyyutto payato kummaggappatipanno, upaniyati loko addhuvo, atano loko anabhissaro, assako loko, sabbam pahaya gamaniyam, uno loko atitto tanhadaso"tievamadini ^4- cettha samvejaniyatthananiti veditabbani. Samvejanenati jatiadisamvegavatthuni paticca uppannabhayasankhatena samvejanena. Atthato pana sahottappananam samvego nama. Samviggassati gabbhokkantikadivasena anekavidhehi jatiadidukkhehi samvegajatassa. "samvejitva"ti ca pathanti. Yoniso padhanenati upayapadhanena, sammavayamenati attho. So hi yatha akusala dhamma pahiyanti, kusala dhamma bhavanaparipurim gacchanti, evam padahanato uttamabhavasadhanato ca "padhanan"ti vuccati. Tattha samvegena bhavadisu kinci tanam lenam patisaranam apassanto tattha @Footnote: ¹ khu.iti. 25/62/279 ² Ma.mu. 12/438/386 @³ khu.dha. 25/253/60 ⁴ khu.pati. 31/117/130 Anoliyanto alaggamanaso tappatipakkhena ca vinivattitavisannito annadatthu nibbananinno hoti nibbanapono nibbanapabbharo. So kalyanamittasannissayena yonisomanasikarabahulo visuddhasayappayogo samathavipassanasu yuttappayutto sabbasmimpi sankharagate nibbindati virajjati, vipassanam ussukkapeti. Tattha yadidam yonisomanasikarabahulo visuddhasayappayogo samathavipassanasu yuttappayutto, tenassa dittheva dhamme sukhasomanassabahulata veditabba. Yam panayam samathe patitthito vipassanaya yuttappayutto sabbasmimpi sankharagate nibbindati virajjati, vipassanam ussukkapeti, tenassa yoni araddha asavanam khayayati veditabba. Gathasu samvijjethevati samvejeyya eva samvegam kareyya eva. "samvijjitvana"ti ca pathanti. Vuttanayena samviggo hutvati attho. Panditoti sappanno, tihetukapatisandhiti vuttam hoti. Pannaya samavekkhiyati samvegavatthuni ^1- samvijjanavasena pannaya samma avekkhiya. Atha va pannaya samma avekkhitvati. Sesam sabbattha uttanatthameva. Dasamasuttavannana nitthita. Iti paramatthadipaniya itivuttakatthakathaya dukanipate pathamavaggavannana nitthita. --------------- @Footnote: ¹ Si. samvegavatthuhi

The Pali Atthakatha in Roman Book 27 page 128-132. http://84000.org/tipitaka/atthapali/read_rm.php?B=27&A=2817&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=2817&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=215 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=5074 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5208 The Pali Tipitaka in Roman Character :- http://84000.org/tipitaka/read/roman_read.php?B=25&A=5208 Contents of The Tipitaka Volume 25 http://84000.org/tipitaka/read/?index_25