Atthakatha Book 16 : PALI ROMAN
An.A. (manoratha.3)

     Sesapadesu panettha ayamadhippayo:- brahmana tava mante labhitva
laddhapatittha nama honti, gahapatika yankinci sippam, itthi kuladayajjasamikam
puttam, cora yankinci avudhasattham, samana silaparipunna 1- laddhapatittha nama
honti. Tasma mantadhitthanatiadini vuttani.
     Brahmanananca "yannam yajissama"ti cittam abhinivisati, brahmaloke
patte pariyosanappatta nama honti. Tasma te yannabhinivesa brahmaloka-
pariyosanati vutta. Kammantakaranatthaya mano etesam abhinivisatiti kammantabhinivesa.
Kamme nitthite pariyosanappatta nama hontiti nitthitakammantapariyosana.
     Purisadhippayati purisesu pavattaajjhasaya. Alankaratthaya mano upavicarati
etissati alankarupavicaRa. Asapati 2- hutva ekikava ghare vaseyyanti evamassa
cittam abhinivisatiti asapatiabhinivesa. 3- Gharavasissariye laddhe pariyosanappatta
nama hontiti issariyapariyosana.
     Parabhandassa adane adhippayo etesanti adanadhippaya. Gahane
niliyanatthane etesam mano upavicaratiti gahanupavicaRa. Andhakaratthaya etesam
cittam abhinivisatiti andhakarabhinivesa.  adassanappatta pariyosanappatta hontiti
adassanapariyosana. Adhivasanakkhantiyam ca sucibhavasile ca adhippayo etesanti
khantisoraccadhippaya. Akincanabhave niggahanabhave cittam etesam abhinivisatiti
akincanabhinivesa. 4- Nibbanappatta pariyosanappatta hontiti nibbana-
pariyosana.
@Footnote: 1 Si. sile paripunna  2 cha.Ma. asapatti
@3 cha.Ma. asapattibhinivesa  4 cha.Ma. akincannabhinivesa


             The Pali Atthakatha in Roman Book 16 page 131.
http://84000.org/tipitaka/atthapali/read_rm.php?B=16&A=2953&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=16&A=2953&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=22&i=323
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=22&A=8580
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=22&A=8534
             The Pali Tipitaka in Roman Character :-
http://84000.org/tipitaka/read/roman_read.php?B=22&A=8534
             Contents of The Tipitaka Volume 22
http://84000.org/tipitaka/read/?index_22