AtthaPali Vol.40

3 Dhammadevaputtajatakam. Yasokaro punnakarohamasmiti idam sattha jetavane viharanto devadattassa pathavippavesanam arabbha kathesi. Tada hi bhikkhu dhammasabhayam katham samutthapesum avuso devadatto tathagatena saddhim pativirujjhitva pathavim pavitthoti. Sattha agantva kayanuttha bhikkhave etarahi kathaya sannisinnati pucchitva imayanamati vutte na idani tavesa bhikkhave mama jinacakke ca paharam datva pathavim pavittho pubbepi dhammacakke paharam datva pathavim pavittho aviciparayano jatoti vatva atitam ahari atite baranasiyam brahmadatte rajjam karente bodhisatto kamavacaradevaloke dhammonama devaputto hutva nibbatti. Devadatto adhammonama. Tesu dhammo dibbalankarapatimandito dibbarathavaramaruyha accharaganaparivuto manussesu sayamasam bhunjitva attano attano gharadvaresu sukhakathaya nisinnesu punnamuposathadivase gamanigamajanapadarajadhanisu akase thatva panatipatadihi dasahi akusalakammapathehi viramitva matupatthanadhammam pitupatthanadhammam tividhasucaritadhammameva puretha evam saggaparayana hutva mahantam yasam anubhavissathati manusse dasa kusalakammapathe samadapento jambudipam padakkhinam karoti. Adhammo pana devaputto panam hanathati adina nayena dasa akusalakammapathe samadapento jambudipam vamam Karoti. Atha tesam akase ratha sammukha ahesum. Atha tesam parisa tumhe kassa tumhe kassati pucchitva mayam dhammassati mayam dhammassati vatva magga ukkamitva dvidha jata. Dhammopi adhammam amantetva samma tvam adhammo aham dhammo maggo mayham anucchaviko tava ratham ukkametva mayham maggam dehiti pathamam gathamaha yasokaro punnakarohamasmi sadatthuto samanabrahmananam maggaraho devamanussapujito dhammo aham dehi adhamma magganti. Tattha yasokaroti aham devamanussanam yasadayako dutiyapadepi eseva nayo. Sadatthutoti sada thuto niccappasattho. Tatoparo aha adhammayanam dalhamaruhitva asantasanto balavahamasmi sa kissa hetumhi tavajjadajjam maggam aham dhamma adinnapubbam. Dhammo have paturahosi pubbe paccha adhammo udapadi loke jettho ca settho ca sanantano ca uyyahi jetthassa kanittha magga. Na yacanaya napi patirupa na arahati teham dadeyya maggam yuddhanca no hotu ubhinnamajja yuddhasmi yo jiyati tassa maggo. Sabba disa anusatohamasmi mahabbalo amitayaso atulyo gunehi sabbehi upetarupo dhammo adhamma tvam katham vijessasi. Lohena ve hannati jatarupam na jatarupena hananti loham sace adhammo hannati dhammamajja ayo suvannam viya dassaneyyam. Sace tuvam yuddhabalo adhamma na tuyha vuddha ca guru ca atthi magganca te damhi piyappiyena vacaduruttanipi te khamamiti. Ima cha gatha tesamyeva vacanapativacanavasena kathita. Tattha sa kissa hetumhi tavajjadajjanti so hi aham adhammo adhammayanam ratham aruyha abhito balava kimkarana ajja bho dhamma kassaci adinnapubbam maggam tuyham dammiti. Pubbeti pathamakappikakale imasmim loke dasakusalakammapathadhammo ca pubbeva paturahosi paccha Adhammo. Jettho cati pubbe nibbattabhavena aham jettho ca settho ca poranako ca tvam pana kanittho tasma magga uyyahiti vadati. Napi patirupati aham te neva yacanaya na patirupavacanena na maggarahataya maggam dadeyyam. Anusatoti ahancatasso disa catasso anudisati sabba disa attano gunena patthato pannato pakato. Lohenati ayamutthikena. Hannatiti hanissati. Yuddhabalo adhammati sace tvam yuddhabalosi. Vuddha ca guru cati yadi tuyham ime vuddha ime guru panditati evam natthi. Piyappiyenati piyenapi appiyenapi dadanto piyena piyam te maggam dadamiti attho. Bodhisattena pana imaya gathaya kathitakkhaneyeva adhammo rathe thatum asakkonto avamsiro pathaviyam patitva pathaviya vivare dinne gantva avicimhiyeva nibbatti. Etamattham viditva bhagava abhisambuddho hutva sesagatha abhasi idanca sutva vacanam adhammo avamsiro patito uddhapado yuddhatthiko na labhami yuddham ettavata hoti hato adhammo. Khantibalo yuddhabalam vijetva hantva adhammam nihanitva bhumya Payasi citto abhiruyha sandanam maggeneva atibalo saccanikkamo. Matapita samanabrahmana ca asammanita yassa sake agare idheva nikkhippa sariradeham kayassa bheda nirayam vajanti te yatha adhammo patito avamsiro. Matapita samanabrahmana ca susammanita yassa sake agare idheva nikkhippa sariradeham kayassa bheda sugatim vajanti te yathapi dhammo abhiruyha sandananti. Tattha yuddhatthiko ceti ayam tassa vilapo. So kira vilapantoyeva patitva pathavim pavittho. Ettavatati bhikkhave yavata pathavim pavittho ettavata adhammo hatonama hoti. Khantibaloti bhikkhave evam adhammo pathavim pavittho adhivasanakhantibalo yuddhabalam vijetva vadhitva bhumiyam nihanitva patetva cittajatataya niyacitto attano ratham aruyha maggeneva saccanikkamo tathaparakkamo devaputto payasi. Asammanitati asakkata. Sariradehanti imasmimyeva loke sarirasankhatam deham nikkhipitva. Nirayam vajantiti yassa papapuggalassa ete ca sakkararaha geheva asakkata tatharupa Yatha adhammo patito avamsiro evam avamsira nirayam vajantiti attho. Sugatim vajantiti yassa panete sakkata tadisa pandita yathapi dhammo sandanam abhiruyha devalokam gato evam sugatim vajantiti. Sattha imam dhammadesanam aharitva na bhikkhave idaneva pubbepi devadatto maya saddhim pativirujjhitva pathavim pavitthoti vatva jatakam samodhanesi tada adhammo devadatto ahosi parisapissa devadattassa parisa dhammo pana ahameva parisa pana buddhaparisayevati. Dhammadevaputtajatakam tatiyam. ------------------

The Pali Atthakatha in Roman Book 40 page 16-21. http://84000.org/tipitaka/atthapali/read_rm.php?B=40&A=307&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=40&A=307&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=1515 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=6111 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=6274 The Pali Tipitaka in Roman Character :- http://84000.org/tipitaka/read/roman_read.php?B=27&A=6274 Contents of The Tipitaka Volume 27 http://84000.org/tipitaka/read/?index_27