AtthaPali Vol.32

167. 10. Uttiyattheragathavannana abadhe me samuppanneti ayasmato uttiyattherassa gatha. Ka uppatti? so kira purimabuddhesu katadhikaro tattha tattha bhave vivattupanissayam punnam ^2- upacinanto ito catunavute kappe siddhatthassa bhagavato kale candabhagaya nadiya maharupo ^3- susumaro hutva nibbatto. So param gantum nadiya tiram ^4- upagatam bhagavantam disva pasannacitto param netukamo tirasamipe nipajji. Bhagava tassa anukampaya pitthiyam pade thapesi. So hattho udaggo pitivegena digunussaho hutva sotam chindanto sighena javena bhagavantam paratiram ^5- nesi. Bhagava tassa cittappasadam oloketva "ayam ito cuto devaloke nibbattitva ^6- tato patthaya sugatisuyeva samsaranto ito catunavute kappe amatam papunissati"ti byakaritva pakkami. @Footnote: ¹ pali. sire katvanahantada, Ma. sire katvana anjalim ² Si. bahum punnam @³ Si. maharahade ⁴ Ma. tire ^5. Si. param tiram ⁶ Si. nibbattissati So tatha sugatisuyeva paribbhamanto ^1- imasmim buddhuppade savatthiyam annatarassa brahmanassa putto hutva nibbatti uttiyo nama namena. So vayappatto "amatam pariyesissami"ti paribbajako hutva vicaranto ekadivasam bhagavantam upasankamitva ^2- dhammam sutva ^3- sasane pabbajitvapi siladinam avisodhitatta visesam nibbattetum asakkonto anne bhikkhu visesam nibbattetva annam byakaronte disva sattharam upasankamitva sankhepeneva ^4- ovadam yaci. Satthapi tassa "tasmatiha tvam uttiya adimeva visodhehi"tiadina ^5- sankhepeneva ovadam adasi. So tassa ovade thatva vipassanam arabhi. Tassa araddhavipassanassa abadho uppajji. Uppanne pana abadhe sanjatasamvego viriyarambhavatthum katva vipassanaya kammam karonto vipassanam ussukkapetva arahattam papuni. Tena vuttam apadane ^6- :- "candabhaganaditire sumsumaro aham tada sabhojanapasutaham ^7- naditittham ^8- agacchaham. Siddhattho tamhi samaye sayambhu aggapuggalo nadim taritukamo so naditittham upagami. Upagate ca sambuddhe ahampi tatthupagamim upagantvana sambuddham imam vacam udirayim. Abhiruha mahavira taressami aham tuvam pettikam visayam mayham anukampa mahamuni. Mama uggajjanam ^9- sutva abhiruhi mahamuni hattho hatthena cittena taresim lokanayakam. Nadiya parime tire siddhattho lokanayako @Footnote: ¹ Si. samsaranto ² Si. disva upasankamitva ³ Si. sutva patiladdhasaddho @⁴ Ma. sankhepena ⁵ sam.maha. 19/369/125 bhikkhusutta ⁶ khu.apa. 32/169/113 @ uttiyattherapadana ⁷ cha.Ma. sagocarapasutoham ⁸ Ma. naditiram ⁹ Si. mama tam gajjanam Assasesi mamam tattha amatam papunissati. Tamha kaya cavitvana devalokam agacchaham dibbasukham anubhavim accharahi purakkhato. Sattakkhattunca devindo devarajjamakasaham tinikkhattum cakkavatti mahiya issaro ahum. Vivekamanuyuttoham nipako ca susamvuto dharemi antimam deham sammasambuddhasasane. Catunnavutito kappe taresim yam narasabham duggatim nabhijanami taranaya idam phalam. Kilesa jhapita mayham .pe. Katam buddhassa sasanan"ti. Arahattam pana patva attano samma patipattiya paripunnakaravibhavanamukhena annam byakaronto:- ^1- "abadhe me samuppanne satime upapajjatha abadho me samuppanno kalo mama nappamajjitun"ti gatham abhasi. ^1- [30] Tattha abadhe me samuppanneti sarirassa abadhanato "abadho"ti laddhaname visabhagadhatukkhobhahetuke roge mayham sanjate. Sati me upapajjathati ^2- "uppanno kho me abadho, thanam kho panetam vijjati, yadidam abadho vaddheyya. Yava panayam abadho na vaddhati, handaham viriyam arabhami `appattassa pattiya anadhigatassa adhigamaya asacchikatassa sacchikariyaya"ti viriyarambhavatthubhuta sati tasseva abadhassa vasena dukkhaya vedanaya piliyamanassa mayham udapadi. Tenaha @Footnote: ^1-1 cha.Ma. "abadhe me samuppanne"ti gatham abhasi ² cha.Ma. udapajjathati "abadho me samuppanno, kalo me nappamajjitun"ti. Evam uppannam hi satim ankusam katva ayam thero arahattam pattoti. Uttiyattheragathavannana nitthita. Paramatthadipaniya theragathasamvannanaya tatiyavaggavannana nitthita. ------------

The Pali Atthakatha in Roman Book 32 page 136-139. http://84000.org/tipitaka/atthapali/read_rm.php?B=32&A=3077&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=3077&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=167 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5149 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5429 The Pali Tipitaka in Roman Character :- http://84000.org/tipitaka/read/roman_read.php?B=26&A=5429 Contents of The Tipitaka Volume 26 http://84000.org/tipitaka/read/?index_26