AtthaPali Vol.50

11. Bhikkhadayivagga 103. 1. Bhikkhadayakattherapadanavannana suvannavannam sambuddhantiadikam ayasmato bhikkhadayakattherassa apadanam. Ayampi purimajinavaresu katadhikaro tattha tattha bhave vivattupanissayani punnani upacinanto siddhatthassa bhagavato kale ekasmim kulagehe nibbatto vuddhimanvaya vibhavasampanno saddhajato viharato nikkhamitva pindaya carantam siddhattham bhagavantam disva pasannamanaso aharam adasi. Bhagava tam patiggahetva anumodanam vatva pakkami. So teneva kusalena yavatayukam thatva ayupariyosane devaloke nibbatto tattha cha kamavacarasampattiyo anubhavitva manussesu ca manussasampattim anubhavitva imasmim buddhuppade kulagehe nibbatto vuddhimanvaya saddhajato pabbajitva nacirasseva araha ahosi. [1] So aparabhage attano pubbakammam anussaritva somanassajato pubbacaritapadanam pakasento suvannavannam sambuddhantiadimaha. Tam sabbam hettha vuttanayameva. Pavara abhinikkhantanti pakarena varitabbam patthetabbanti pavaram, rammabhutato vivekabhutato sakaviharato abhi visesena nikkhantanti attho. Vana nibbanamagatanti vanam vuccati tanha, tato nikkhantatta nibbanam, vananamam tanham padhanam katva sabbakilese pahaya nibbanam, pattanti attho. [2] Katacchubhikkham datvanati karatalena gahetabba dabbi katacchu, bhikkhiyati ayaciyatiti bhikkha, abhi visesena khaditabba bhakkhitabbati va bhikkha, katacchuna gahetabba bhikkha katacchubhikkha, dabbiya bhattam datvati attho. Sesam sabbattha uttanatthamevati. Bhikkhadayakattherapadanavannana nitthita. --------------

The Pali Atthakatha in Roman Book 50 page 146. http://84000.org/tipitaka/atthapali/read_rm.php?B=50&A=3154&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=3154&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=103 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=3301 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=4081 The Pali Tipitaka in Roman Character :- http://84000.org/tipitaka/read/roman_read.php?B=32&A=4081 Contents of The Tipitaka Volume 32 http://84000.org/tipitaka/read/?index_32