AtthaPali Vol.50

112. 10. Renupujakattherapadanavannana suvannavannam sambuddhantiadikam ayasmato renupujakattherassa apadanam. Ayampi purimajinavaresu katadhikaro tattha tattha bhave vivattupanissayani punnani upacinanto vipassissa bhagavato kale kulagehe nibbatto vuddhimanvaya satthari pasanno vinnutam patto aggikkhandham viya vijjotamanam bhagavantam disva pasannamanaso nagapupphakesaram gahetva pujesi. Atha bhagava anumodanam akasi. [62-3] So tena punnena tato cuto devamanussesu samsaranto ubhayasampattiyo anubhavitva uppannuppannabhave sabbattha pujito imasmim buddhuppade kulagehe nibbatto vinnutam patto pubbavasanabalena satthari pasanno sasane pabbajitva ^1- nacirasseva araha hutva dibbacakkhuna attano pubbakammam disva somanassajato pubbacaritapadanam pakasento suvannavannam sambuddhantiadimaha. Tam hettha vuttatthameva. Sataramsimva bhanumanti satamatta satappamana ramsi pabha yassa suriyassa so sataramsi, gathabandhasukhattham sataramsiti vuttam, anekasatassa anekasatasahassaramsiti attho. Bhanu vuccati pabha, bhanu pabha yassa so bhanuma, bhanumasankhatam suriyam iva vipassim bhagavantam disva sakesaram nagapuppham gahetva abhiropayim pujesinti attho. Sesam uttanamevati. Renupujakattherapadanavannana nitthita. Ekadasamavaggavannana nitthita. ----------- @Footnote: ¹ cha.Ma. pabbajito.

The Pali Atthakatha in Roman Book 50 page 153-154. http://84000.org/tipitaka/atthapali/read_rm.php?B=50&A=3329&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=3329&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=112 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=3445 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=4247 The Pali Tipitaka in Roman Character :- http://84000.org/tipitaka/read/roman_read.php?B=32&A=4247 Contents of The Tipitaka Volume 32 http://84000.org/tipitaka/read/?index_32