AtthaPali Vol.37

7 Mittamittajatakam na nam umhayate disvati idam sattha savatthiyam viharanto annataram bhikkhum arabbha kathesi. Annataro bhikkhu maya gahite mayham upajjhayo na kujjhissatiti upajjhayena thapitam vissasena ekam vatthakhandam gahetva upahanatthavikam katva paccha upajjhayam apucchi. Atha nam upajjhayo kimkarana ganhiti vatva maya gahite na kujjhissatiti tumhakam vissasenati vutte ko maya saddhim tuyham vissaso namati vatva kuddho utthahitva pahari. Tassa sa kiriya bhikkhusu pakata jata. Athekadivasam bhikkhu dhammasabhayam katham samutthapesum avuso asuko kira daharo bhikkhu upajjhayassa vissasena vatthakhandam gahetva upahanatthavikam akasi, atha nam upajjhayo ko maya saddhim tuyham vissaso Namati vatva kuddho utthahitva pahariti. Sattha agantva kaya nuttha bhikkhave etarahi kathaya sannisinnati pucchitva imaya namati vutte na bhikkhave idaneva esa bhikkhu attano saddhiviharikena saddhim avissasiko, pubbepi avissasiko yevati vatva atitam ahari. Atite baranasiyam brahmadatte rajjam karente bodhisatto kasikaratthe brahmanakule nibbattitva vayappatto isipabbajjam pabbajitva abhinna ca samapattiyo ca nibattetva ganasattha hutva himavantappadese vasam kappesi . Tasmim isigane eko tapaso bodhisattassa vacanam akatva ekam matamatikam hatthipotakam patijaggi. Atha nam so vuddhippatto maretva arannam pavisi. Tassa sarirakiccam katva isigano bodhisattam parivaretva bhante kena nu kho karanena mittabhavo va amittabhavo va sakka janitunti pucchi. Bodhisatto imina ca imina ca karanenati acikkhanto ima gatha avoca na nam umhayate disva na ca nam patinandati cakkhuni cassa na dadati patilomanca vattati, ete bhavanti akara amittasmim patitthita yehi amittam janeyya disva sutva ca panditoti. Tattha na nam umhayate disvati yo hi yassa amitto hoti, so tam disva na umhayate hasati sitam na karoti pahatthakaram na dasseti. Na ca nam patinandatiti tassa vacanam sutvapi tam puggalam Na patinandati sadhu subhasitanti nabbhanumodati. Cakkhuni cassa na dadatiti cakkhuna cakkhum ahacca patimukho hutva na oloketi annato va cakkhuni harati. Patilomanca vattatiti tassa kayakammam vacikammampi na roceti patilomagaham ganhati paccanikagaham. Akarati karanani. Yehi amittanti yehi karanehi, tani karanani disva ca sutva ca pandito puggalo ayam me amittoti janeyya. Tato viparitehi pana mittabhavo janitabboti. Evam bodhisatto mittamittabhavakaranani acikkhitva brahmavihare bhavetva brahmalokupago ahosi. Sattha imam dhammadesanam aharitva jatakam samodhanesi. Tada hatthiposakatapaso saddhivihariko ahosi, hatthi upajjhayo, isigana buddhaparisa, ganasattha pana ahamevati. Mittamittajatakam sattamam. ------------------

The Pali Atthakatha in Roman Book 37 page 173-175. http://84000.org/tipitaka/atthapali/read_rm.php?B=37&A=3431&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=3431&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=243 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1455 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1436 The Pali Tipitaka in Roman Character :- http://84000.org/tipitaka/read/roman_read.php?B=27&A=1436 Contents of The Tipitaka Volume 27 http://84000.org/tipitaka/read/?index_27