Atthakatha Book 15 : PALI ROMAN
An.A. (manoratha.2)

     Aparapi ullangakolikannivasika 1- eka itthi puttakam payamana
"dighabhanakamahaabhayatthero nama ariyavamsapatipadam katheti"ti sutva pancayojanamaggam
gantva divakathikattherassa nisinnakaleyeva viharam pavisitva bhumiyam puttam
nipajjapetva divakathikattherassa thitakava dhammam assosi. Padabhanakampi
thitakava assosi, padabhanakatthere 2- utthite dighabhanakamahathero 3-
catupaccayasantosabhavanaramamahaariyavamsam arabhi. Sa thitakava pagganhati. Thero
tayo paccaye kathetva utthanakaram akasi. Sa upasika aha "ayya
`ariyavamsam kathessama"ti 4- siniddhabhojanam bhunjitva madhurapanakam pivitva
yatthimadhukateladibhesajjam katva kathetum yuttatthaneyeva utthahanti"ti. Thero "sadhu
bhagini"ti vatva upari bhavanaramam patthapesi. Arunuggamananca therassa "idamavoca"ti
vacananca upasikaya sotapattiphaluppatti ca ekakkhaneyeva ahosi.
     Aparapi kalumbaravasika 5- itthi ankena puttam adaya "dhammam sossami"ti
cittalapabbatam gantva ekam rukkham nissaya darakam nipajjapetva sayam thitakava
dhammam sunati. Rattibhagasamanantare eko dighajatiko tassa passantiyayeva samipe
nipannam darakam catuhi dathahi damsitva agamasi. Sa cintesi "sacaham `putto
me sappena dattho'ti vakkhami, dhammassa antarayo bhavissati. Anekakkhattum
kho pana me ayam vatte 6- vattantiya putto ahosi, dhammameva carissami"ti
tiyamarattim thitakava dhammam pagganhitva sotapattiphale patitthaya arune uggate
saccakiriyaya puttassa visam nimmathetva puttam gahetva gata. Evarupa puggala
dhammam sotukama nama honti.


             The Pali Atthakatha in Roman Book 15 page 152.
http://84000.org/tipitaka/atthapali/read_rm.php?B=15&A=3466&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=15&A=3466&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=20&i=481
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=20&A=3906
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=20&A=3963
             The Pali Tipitaka in Roman Character :-
http://84000.org/tipitaka/read/roman_read.php?B=20&A=3963
             Contents of The Tipitaka Volume 20
http://84000.org/tipitaka/read/?index_20