AtthaPali Vol.50

127. 5. Sammukhathavikattherapadanavannana jhayamane vipassimhitiadikam ayasmato sammukhathavikattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto vipassissa bhagavato kale brahmanakule nibbatto sattavassika- kaleyeva sakasippe nipphattim patto gharavasam santhapetva vasanto vipassimhi bodhisatte uppanne sabbabuddhanam lakkhanani vedattaye dissamanani tani rajappamukhassa janakayassa vipassibodhisattassa lakkhananca buddhabhavanca byakaritva jananam manasam nibbapesi, anekani ca thutivacanani nivedesi. So tena kusalakammena cha kamavacarasampattiyo anubhavitva manussesu ca cakkavattisampattiyo anubhavitva imasmim buddhuppade kulagehe nibbatto vinnutam patto saddhajato pabbajitva nacirasseva araha ahosi. Katakusalanamena sammukhathavikattheroti pakato. [41] So attano pubbakammam saritva somanassajato pubbacaritapadanam pakasento jhayamane vipassimhitiadimaha. Vipassimhi sammasambuddhe jhayamane uppajjamane matukucchito nikkhante aham patubhutam nimittam karanam budadhabhavassa hetum byakarim kathesim, anekani acchariyani pakatani akasinti attho. Sesam vuttanayanusarena suvinneyyamevati. Sammukhathavikattherapadanavannana nitthita. ------------

The Pali Atthakatha in Roman Book 50 page 169. http://84000.org/tipitaka/atthapali/read_rm.php?B=50&A=3664&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=3664&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=127 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=3764 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=4607 The Pali Tipitaka in Roman Character :- http://84000.org/tipitaka/read/roman_read.php?B=32&A=4607 Contents of The Tipitaka Volume 32 http://84000.org/tipitaka/read/?index_32