AtthaPali Vol.38

Salukajatakam ma salukassa pihayiti idam sattha jetavane viharanto thulakumarikapalobhanam arabbha kathesi. Tam culanaradakassapajatake avibhavissati. Tam pana bhikkhum sattha saccam kira tvam bhikkhu ukkanthitoti pucchi. Evam bhanteti. Ko tam ukkanthapetiti. Thulakumarika bhanteti. Sattha esa te bhikkhu anatthakarika pubbepi tvam etissaya vivahakale agataparisaya uttaribhango ahositi vatva bhikkhuhi yacito atitam ahari. Atite baranasiyam brahmadatte rajjam karente bodhisatto mahalohitagono nama ahosi. Kanitthabhata panassa cullalohito nama. Ubhopi gamake ekasmim kule kammam karonti. Tassa kulassa eka vayappatta kumarika atthi. Tam annam kulam varesi. Atha nam kulam vivahakale uttaribhango bhavissatiti salukam nama sukaram yagubhattena patijaggi. So hetthamance sayati. Athekadivasam cullalohito bhataram aha bhatika mayam imasmim kule kammam karoma amhe nissaya imam kulam jivati atha capanime manussa amhakam tinapalalamattam denti imam pana sukaram yagubhattena posenti hetthamance sayapenti kim namesa etesam karissatiti. Mahalohito tata ma tvam etassa Yagubhattam patthayi etissaya kumarikaya vivahadivase etam pana uttaribhangam katukama idam pana sukaram yagubhattena ete mamsassa thulabhavakaranattham posenti katipahaccayena tam passissasi hetthamancato nikkhametvava vadhitva khandakhandikam chinditva agantukabhattam kariyamananti vatva purima dve gatha samutthapesi ma salukassa pihayi aturannani bhunjati appossukko bhusam khada etam dighayulakkhanam idani so idhagantva atithi yuttasevako atha dakkhasi salukam sayantam musalantaranti. Tatthayam sankhepattho tata tvam ma salukasukarabhavam patthayi ayanhi aturannani maranabhojanani bhunjati yani bhunjitva nacirasseva maranam papunissati tvam pana appossukko niralayo hutva attana laddham imam palalamissakam bhusam khada etam dighayubhavassa lakkhanam sanjanananimittam idani katipahasseva so vivahikapuriso mahatiya parisaya yuttatta yuttasevako idha atithi hutva agato bhavissati athetam salukam musalasadisena uttarotthena samannagatatta musalantaramaritam sayantam dakkhasiti. Tato katipahasseva vivahikesu agatesu salukam maretva uttaribhangam akamsu. Ubho gona tam tassa vipattim disva amhakam bhusameva varanti mantayimsu. Sattha abhisambuddho hutva tadatthajatakam tatiyam gathamaha Vikantam sukaram disva sayantam musalantaram jaraggava acintesum varamhakam bhusamivati. Tattha bhusamivati bhusameva amhakam varam uttamanti attho. Sattha imam dhammadesanam aharitva saccani pakasetva jatakam samodhanesi. Saccapariyosane so bhikkhu sotapattiphale patitthasi. Tada thulakumarika etarahi thulakumarikaeva. Saluko ukkanthito bhikkhu. Cullalohito anando. Mahalohito pana ahamevati. Salukajatakam chatthamam ---------

The Pali Atthakatha in Roman Book 38 page 181-183. http://84000.org/tipitaka/atthapali/read_rm.php?B=38&A=3771&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=3771&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=457 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2416 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2382 The Pali Tipitaka in Roman Character :- http://84000.org/tipitaka/read/roman_read.php?B=27&A=2382 Contents of The Tipitaka Volume 27 http://84000.org/tipitaka/read/?index_27