Atthakatha Book 50 : PALI ROMAN
Apa.A.2 (visuddha.2)

                  132. 10. Padumapujakattherapadanavannana
     himavantassaviduretiadikam ayasmato padumapujakattherassa apadanam. Ayampi
purimabuddhesu katadhikaro tattha tattha bhave vivattupanissayani punnani upacinanto
padumuttarassa bhagavato kale brahmanakule nibbatto vinnutam patva sakasippe
nipphattim patva tattha saram apassanto buddhuppattito puretaram uppannatta
ovadanusasanim alabhitva gharavasam pahaya isipabbajjam pabbajitva himavantassa
avidure gotamakam nama pabbatam nissaya assamam karetva pancabhinnaattha-
samapattiyo nibbattetva jhanasukheneva vihasi. Tada padumuttaro bhagava buddho
hutva satte samsarato uddharanto tassanukampaya himavantam agamasi. Tapaso
bhagavantam disva pasannamanaso sakasisse samanetva tehi padumapupphani
aharapetva pujesi. So tena punnena devamanussesu samsaranto ubhayasampattiyo
anubhavitva imasmim buddhuppade savatthiyam kulagehe nibbatto saddho pasanno
pabbajitva nacirasseva araha ahosi.
     [97] So attano pubbakammam saritva somanassajato pubbacaritapadanam
pakasento himavantassaviduretiadimaha. Gotamo nama pabbatoti anekasam
yakkhadevatanam avasabhavena adhitthanavasena gotamassa bhavanatta gotamoti
pakato ahosi. Pavattati titthatiti pabbato. Nagarukkhehi sanchannoti ruhati
titthatiti rukkho. Atha va pathavim khananto uddham ruhatiti rukkho, nana
anekappakara campakakappuranagaagarucandanadayo rukkhati nanarukkha, tehi
nanarukkhehi sanchanno parikinno gotamo pabbatoti sambandho. Mahabhutaganalayoti
bhavanti jayanti uppajjanti vaddhanti cati bhuta, mahanta ca te bhuta cati
Mahabhuta, mahabhutanam gano samuhoti mahabhutagano, mahabhutaganassa alayo
patitthati mahabhutaganalayo.
     [98] Vemajjhamhi ca tassasiti tassa gotamassa pabbatassa
vemajjhe abbhantare assamo abhinimmito nipphadito katoti attho. Sesam
uttanamevati.
                   Padumapujakattherapadanavannana nitthita.
                      Terasamavaggavannana nitthita.
                           ----------


             The Pali Atthakatha in Roman Book 50 page 174-175.
http://84000.org/tipitaka/atthapali/read_rm.php?B=50&A=3775&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=50&A=3775&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=32&i=132
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=32&A=3882
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=32&A=4744
             The Pali Tipitaka in Roman Character :-
http://84000.org/tipitaka/read/roman_read.php?B=32&A=4744
             Contents of The Tipitaka Volume 32
http://84000.org/tipitaka/read/?index_32