AtthaPali Vol.32

"kukkuḷā"tiādi vuttaṃ. Tassattho:- ahorattaṃ ādittaṃ viya hutvā ḍahanaṭṭhena kukkuḷanirayasadisattā kukkuḷā gihibhāvā anukampantiyā mayā ubbhato uddhato tāta sānu kukkuḷaṃ patituṃ icchasi patitukāmosīti. Taṃ sutvā sānusāmaṇero saṃvegajāto hutvā vipassanaṃ paṭṭhapetvā ^1- na cirasseva arahattaṃ pāpuṇi. Tena vuttaṃ apadāne ^2- :- "bhuñjantaṃ samaṇaṃ disvā vippasannamanāvilaṃ ghaṭenodakamādāya siddhatthassa adāsahaṃ. Nimmalehi kule svājja ^3- vimalo khīṇasaṃsayo bhave nibbattamānassa phalaṃ nibbattate subhaṃ. ^4- Catunavutito ^5- kappe udakaṃ yaṃ adāsahaṃ ^6- duggatiṃ nābhijānāmi dakadānassidaṃ phalaṃ. Ekasaṭṭhimhito kappe ekova vimalo ahu sattaratanasampanno cakkavattī mahabbalo. Kilesā jhāpitā mayhaṃ .pe. kataṃ buddhassa sāsanan"ti. Arahattaṃ pana patvā thero imissā gāthāya vasena "mayhaṃ vipassanārambho arahattappatti ca jātā"ti udānavasena tameva gāthaṃ paccudāhāsi. Sānuttheragāthāvaṇṇanā niṭṭhitā. ----------- @Footnote: ¹ Sī. vaḍḍhetvā ² khu. apa. 32/25/281 udakadāyakattherāpadāna @³ cha.Ma. nimmalo homahaṃ ajja, Sī., Ma. nimmalehi guṇehijja ⁴ pāli. mama ⁵ cha.Ma. @ catunnavutito ⁶ Ma. udakaṃ yamadāsahaṃ, i. udakaṃ yaṃ tadā ahaṃ, pāli. udakaṃ adadiṃ tadā

The Pali Atthakatha in Roman Book 32 page 178. http://84000.org/tipitaka/atthapali/read_rm.php?B=32&A=4002 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=4002 อ่านอรรถกถาแปลไทย :- http://84000.org/tipitaka/attha/attha.php?b=26&i=181 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5243 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5499 The Pali Tipitaka in Roman Character :- http://84000.org/tipitaka/read/roman_read.php?B=26&A=5499 Contents of The Tipitaka Volume 26 http://84000.org/tipitaka/read/?index_26