AtthaPali Vol.32

"kukkula"tiadi vuttam. Tassattho:- ahorattam adittam viya hutva dahanatthena kukkulanirayasadisatta kukkula gihibhava anukampantiya maya ubbhato uddhato tata sanu kukkulam patitum icchasi patitukamositi. Tam sutva sanusamanero samvegajato hutva vipassanam patthapetva ^1- na cirasseva arahattam papuni. Tena vuttam apadane ^2- :- "bhunjantam samanam disva vippasannamanavilam ghatenodakamadaya siddhatthassa adasaham. Nimmalehi kule svajja ^3- vimalo khinasamsayo bhave nibbattamanassa phalam nibbattate subham. ^4- Catunavutito ^5- kappe udakam yam adasaham ^6- duggatim nabhijanami dakadanassidam phalam. Ekasatthimhito kappe ekova vimalo ahu sattaratanasampanno cakkavatti mahabbalo. Kilesa jhapita mayham .pe. katam buddhassa sasanan"ti. Arahattam pana patva thero imissa gathaya vasena "mayham vipassanarambho arahattappatti ca jata"ti udanavasena tameva gatham paccudahasi. Sanuttheragathavannana nitthita. ----------- @Footnote: ¹ Si. vaddhetva ² khu. apa. 32/25/281 udakadayakattherapadana @³ cha.Ma. nimmalo homaham ajja, Si., Ma. nimmalehi gunehijja ⁴ pali. mama ⁵ cha.Ma. @ catunnavutito ⁶ Ma. udakam yamadasaham, i. udakam yam tada aham, pali. udakam adadim tada

The Pali Atthakatha in Roman Book 32 page 178. http://84000.org/tipitaka/atthapali/read_rm.php?B=32&A=4002&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=4002&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=181 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5243 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5499 The Pali Tipitaka in Roman Character :- http://84000.org/tipitaka/read/roman_read.php?B=26&A=5499 Contents of The Tipitaka Volume 26 http://84000.org/tipitaka/read/?index_26