AtthaPali Vol.32

184. 7. Ujjayattheragathavannana namo te buddha viratthuti ayasmato ujjayattherassa gatha. Ka uppatti? ayampi purimabuddhesu katadhikaro tattha tattha bhave punnani karonto ito @Footnote: ¹ Si. uddisati ² Ma. pabbajjam upagato @³ potthakesu vipassanalakkhanatoti patho dissati ⁴ Si. lokuttaradhammadivasena Dvanavute kappe tissam bhagavantam passitva pasannamanaso kanikarapupphehi pujam akasi. So tena punnakammena devaloke nibbattitva aparaparam punnani katva devamanussesu samsaranto imasmim buddhuppade rajagahe annatarassa sotthiya- ^1- brahmanassa putto hutva nibbatti, ujjayotissa namam ahosi. So vayappatto tinnam vedanam paragu hutva tattha saram apassanto upanissayasampattiya codiyamano veluvanam gantva satthu santike dhammam sutva patiladdhasaddho pabbajitva cariyanukulam kammatthanam gahetva aranne viharanto vipassanam vaddhetva na cirasseva arahattam papuni. Tena vuttam apadane ^2- :- "kanikaram pupphitam disva ocinitvanaham tada tissassa abhiropesim oghatinnassa tadino. Dvenavute ito kappe yam pupphamabhiropayim duggatim nabhijanami buddhapujayidam phalam. Pancatimse ito kappe arunapaniti ^3- vissuto sattaratanasampanno cakkavatti mahabbalo. Kilesa jhapita mayham .pe. katam buddhassa sasanan"ti. Arahattam pana patva satthu santikam gantva vanditva ekamantam nisiditva bhagavato thomanakarena annam byakaronto:- ^4- "namo te buddha viratthu vippamuttosi sabbadhi tuyhapadane viharam viharami anasavo"ti gatham abhasi. ^4- @Footnote: ¹ cha.Ma. sottiYu... ² khu.apa. 32/1/278 kanikarapupphiyattherapadana @³ Si. arunabaloti ^4-4 cha.Ma. "namo te buddha viratthu"ti gatham abhasi [47] Tattha namoti panamakittanam. Teti panamakiriyaya sampadanakittanam, tuyhanti attho. Buddha virati ca bhagavato alapanam. Bhagava hi yatha abhinneyyadi- bhedassa atthassa abhinneyyadibhedena sayambhunanena anavasesato buddhatta "buddho"ti vuccati. Evam pancannampi maranam abhippamaddanavasena padahantena mahata viriyena samannagatatta "viro"ti vuccati. Atthuti hotu, tassa "namo"ti imina sambandho. Vippamuttosi sabbadhiti sabbehi kilesehi sabbasmim ca sankharagate vippamutto visamyutto asi bhavasi, na taya kinci avippamuttam nama atthi, yatoham tuyhapadane viharam, viharami anasavoti tuyham tava apadane ovade gatamagge patipatticariyaya viharam yathasatti yathabalam patipajjanto kamasavadinam catunnampi asavanam suppahinatta anasavo viharami, tadisassa namo te buddha viratthuti. Ujjayattheragathavannana nitthita. --------------

The Pali Atthakatha in Roman Book 32 page 183-185. http://84000.org/tipitaka/atthapali/read_rm.php?B=32&A=4127&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=4127&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=184 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5257 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5511 The Pali Tipitaka in Roman Character :- http://84000.org/tipitaka/read/roman_read.php?B=26&A=5511 Contents of The Tipitaka Volume 26 http://84000.org/tipitaka/read/?index_26