AtthaPali Vol.50

149. 7. Maggadayakattherapadanavannana uttaritvana nadikantiadikam ayasmato maggadayakattherassa apadanam. Ayampi purimajinavaresu katadhikaro anekesu bhavesu nibbanadhigamatthaya punnani upacinanto siddhatthassa bhagavato kale lokasammate kule nibbatto vuddhimanvaya gharavasam vasanto ekadivasam bhagavantam ekam nadim uttaritva vanantaram gacchantam disva pasannamanaso "idani maya bhagavato maggam samam katum vattati"ti cintetva kudalanca pitakanca adaya bhagavato gamanamaggam samam katva valukam okiritva bhagavato pade vanditva "bhante imina maggalankarakaranena nibbattanibbattatthane pujaniyo bhaveyyam, nibbananca papuneyyan"ti patthanam akasi. Bhagava "yathapatthanam ^1- samijjhatu"ti anumodanam katva pakkami. [32-3] So tena punnena devamanussesu samsaranto sabbattha pujito ahosi. Imasmim pana buddhuppade pakate ekasmim kule nibbatto satthari pasanno pabbajitva vipassanam vaddhetva nacirasseva arahattam patva attano pubbakammam paccakkhato natva somanassajato pubbacaritapadanam pakasento uttaritvana nadikantiadimaha. Tattha nadati saddam karoti gacchatiti nadi, nadiyeva nadika, tam nadikam uttaritva atikkamitvati attho. Kudalapitakamadayati ku vuccati pathavi, tam vidalane padalane chindane alanti kudalam, pitakam vuccati pamsuvalikadivahakam, talapannavettalatadihi katabhajanam, kudalanca pitakanca kudalapitakam, tam adaya gahetvati attho. Sesam uttanatthamevati. Maggadayakattherapadanavannana nitthita. ----------------- @Footnote: ¹ cha.Ma. yathadhippayam.

The Pali Atthakatha in Roman Book 50 page 191. http://84000.org/tipitaka/atthapali/read_rm.php?B=50&A=4135&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=4135&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=149 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=4178 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=5075 The Pali Tipitaka in Roman Character :- http://84000.org/tipitaka/read/roman_read.php?B=32&A=5075 Contents of The Tipitaka Volume 32 http://84000.org/tipitaka/read/?index_32