AtthaPali Vol.50

150. 8. Phalakadayakattherapadanavannana yanakaro pure asintiadikam ayasmato phalakadayakattherassa apadanam. Ayampi purimabuddhesu katadhikaro anekesu attabhavesu katapunnasambharo siddhatthassa bhagavato kale vaddhakikule nibbatto ratanattaye pasanno candanena alambanaphalakam katva bhagavato adasi. Bhagava tassanumodanam akasi. [37] So tena punnena devamanussesu samsaranto sabbattha kale cittasukhapinito ubhayasampattiyo anubhavitva imasmim buddhuppade kulagehe nibbatto vinnutam patto ^1- satthu dhammadesanam sutva sanjatappasado pabbajitva ghatento ^2- vayamanto nacirasseva saha patisambhidahi arahattam patva attano pubbakammam saritva somanassajato pubbacaritapadanam pakasento yanakaro pure asinti- adimaha. Tattha yanakaroti yanti etena icchiticchitatthananti yanam, tam karotiti yanakaro, pure buddhadassanasamaye aham yanakaro asim ahosinti attho. Candanam ^3- phalakam katvati candati parilaham vupasametiti candanam, atha va candanti sugandhavasanattham sariram vilimpanti etenati candanam, tam alambanaphalakam katva. Lokabandhunoti sakalalokassa bandhu natibhutoti lokabandhu, tassa lokabandhuno satthuno adasinti attho. Sesam suvinneyyamevati. Phalakadayakattherapadanavannana nitthita. ---------------

The Pali Atthakatha in Roman Book 50 page 192. http://84000.org/tipitaka/atthapali/read_rm.php?B=50&A=4157&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=4157&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=150 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=4191 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=5089 The Pali Tipitaka in Roman Character :- http://84000.org/tipitaka/read/roman_read.php?B=32&A=5089 Contents of The Tipitaka Volume 32 http://84000.org/tipitaka/read/?index_32