AtthaPali Vol.37

10 Kandagalakajatakam ambho ko namayam rukkhoti idam sattha veluvane viharanto sugatalayam arabbha kathesi. Tada hi sattha devadatto sugatalayam akasiti sutva na bhikkhave idaneva devadatto mayham anukaronto vinasam patto pubbepi papuni yevati vatva atitam ahari. Atite baranasiyam brahmadatte rajjam karente bodhisatto himavantappadese rukkhakottakasakunayoniyam nibbatti. Khadiravane gocaram ganhi. Khadiravaniyotissa namam ahosi. Tasseko kandagalako nama sahayo ahosi. So patalibhaddakavane gocaram ganhati. So ekadivasam khadiravaniyassa santikam agamasi. Khadiravaniyo sahayo me agatoti kandagalakam gahetva khadiravanam pavisitva khadirakhandham tundena paharitva rukkhato panake niharitva adasi. Kandagalako dinnadinne madhurapuve viya chinditva khadi. Tassa khadantasseva mano uppajji ayampi rukkhakottakayoniyam nibbatto ahampi, kim Me etena dinnagocarena, sayameva khadiravane gocaram ganhissamiti. So khadiravaniyam aha samma ma tvam dukkham anubhavi, ahameva khadiravane gocaram ganhissamiti. Atha nam so aha tvam samma simbalipatali- bhaddakadivane nissare gocaragahanena samvaddhito, khadira nama jatasara thaddha, ma te etam ruccatiti. Kandagalako kindanaham na rukkhakottakayoniyam nibbattoti tasseva vacanam anadayitva vegena gantva khadirarukkham tundena pahari. Tavadevassa tundam bhijji, akkhini nikkhamanakarappattani jatani, sisam phalitam. So rukkhagge patitthatum asakkonto bhumiyam patitva pathamam gathamaha ambho ko namayam rukkho sinnapatto sakantako, yattha ekappaharena uttamangam visatitanti. Tattha ambho ko namayam rukkhoti bho khadiravaniya ko nama ayam rukkhoti. Ko nama sotipi patho. Sinnapattoti sukhumapatto. Yattha ekappaharenati yasmim rukkhe ekeneva paharena. Uttamangam visatitanti sisam bhinnam, na kevalanca sisam, tundampi bhinnam. So vedanappattataya khadirarukkham kinnu kho namesoti janitum asakkonto vedanappatto hutva imaya gathaya vippalapi. Tassa tam vacanam sutva khadiravaniyo dutiyam gathamaha acari vatayam vitudam vanani katthangarukkhesu asarakesu, Athasada khadiram jatasaram yatthabbhida garulo uttamanganti. Tattha acari vatayanti acari vata ayam. Vitudam vananiti nissarani simbalipatalibhaddakavanadini vitudanto vijjhanto. Katthangarukkhesuti vanakatthakotthasesu. Asarakesuti nissaresu patalibhaddakasimbaliadisu. Athasada khadiram jatasaranti atha kho potakakalato patthaya jatasaram khadiram asadam sampapuni. Yatthabbhida garulo uttamanganti yatthabbhidati yasmim khadire abhindi padalayi. Garuloti sakuno, ^1- sabbasakunanam hetam sagaravasampatissavacanam ^2-. Iti nam khadiravaniyo bho kandagalaka yattha tvam uttamangam abhindi, khadiro namesa sararukkhoti aha. So tattheva jivitakkhayam papuni. Sattha imam dhammadesanam aharitva jatakam samodhanesi. Tada kandagalako devadatto ahosi, khadiravaniyo pana ahamevati. Kandagalakajatakam dasamam. Natamdalhavaggo chattho. @Footnote: ¹ sakunesutipi . ² sagaravasappatissavacanantipi. @Footnote: @*** hanranir m+mikhramula ***

The Pali Atthakatha in Roman Book 37 page 215-218. http://84000.org/tipitaka/atthapali/read_rm.php?B=37&A=4257&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=4257&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=269 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1572 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1558 The Pali Tipitaka in Roman Character :- http://84000.org/tipitaka/read/roman_read.php?B=27&A=1558 Contents of The Tipitaka Volume 27 http://84000.org/tipitaka/read/?index_27