Atthakatha Book 16 : PALI ROMAN
An.A. (manoratha.3)

                        11. Kodhanasuttavannana
      [64] Ekadasame sapattakantati sapattanam verinam kanta piya tehi
icchitapatthita. Sapattakaranati sapattanam verinam atthakarana. Kodhaparetoti kodhanugato.
Pacuratthatayati bahuatthataya bahuhitataya. Anatthampiti avaddhimpi. Attho me
gahitoti vaddhi me gahita.
@Footnote: 1 Si. vacanam panassa, cha.Ma. vacanam
     Atho attham gahetvanati atho vaddhim gahetva. Anattham patipajjatiti
anattho me gahitoti sallakkheti. Vadham katvanati panatipatakammam katva.
Kodhasammadasammattoti kodhamadena matto. Adinnagahitaparamatthoti attho. Ayasakyanti
ayasabhavam, ayaso niyaso hotiti attho. Antarato jatanti abbhantare uppannam.
Attham na janatiti vaddhiattham na janati. Dhammam na passatiti samathavipassanadhammam
na passati. Andhatamanti andhabhavakaram tamam bahalatamam. 1- Sahateti abhibhavati.
     Dummankuyanti dummankubhavam nittejatam dubbannamukhatam. Yato patayatiti yada
nibbattati. Na vaco hoti garavoti vacanassapi garubhavo na hoti. Na dipam
hoti kincananti kaci patittha nama na hoti. Tapanayaniti tapajanakani. Dhammehiti
samathavipassanadhammehi. Arakati dure. Brahmananti khinasavabrahmanam. Yaya matu
bhatoti yaya matara bhato posito. Panadadim santinti jivitadayikam samanam.
Hanti kuddho puthuttananti kuddho puggalo puthunanakaranehi attanam hanti.
Nanarupesu mucchitoti nanarammanesu adhimucchito hutva. Rajjuya bajjha
miyyantiti rajjuya bandhitva maranti. Pabbatamapi kandareti pabbatakandarepi
patitva maranti.
     Bhutahaccaniti 2- hatavaddhini. Itayanti iti ayam. Tam damena samucchindeti tam
kodham damena chindeyya. Katarena damenati? pannaviriyena ditthiyati vipassanapannaya
ceva vipassanasampayuttena kayikacetasikaviriyena ca maggasammaditthiya ca. Tatheva
dhamme sikkhethati yatha akusalam samucchindeyya, samathavipassanadhammepi tatheva
sikkheyya. Ma no dummankuyam ahuti ma amhakam dummankubhavo ahositi imamattham
patthayamana. Anayasati anupayasa. Anussukati katthaci ussukkam anapanna.
Sesam sabbattha uttanamevati.
                        Abyakatavaggo chattho.
@Footnote: 1 Si. andhabhavakaraghanamahatamam  2 cha.Ma. bhunahaccaniti


             The Pali Atthakatha in Roman Book 16 page 196-197.
http://84000.org/tipitaka/atthapali/read_rm.php?B=16&A=4386&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=16&A=4386&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=22&i=61
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=22&A=1833
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=22&A=1903
             The Pali Tipitaka in Roman Character :-
http://84000.org/tipitaka/read/roman_read.php?B=22&A=1903
             Contents of The Tipitaka Volume 22
http://84000.org/tipitaka/read/?index_22