Atthakatha Book 16 : PALI ROMAN
An.A. (manoratha.3)

                            8. Vinayavagga
                       1. Pathamavinayadharasuttavannana
     [75] Atthamassa pathame apattim janatiti apattimyeva apattiti janati.
Sesapadesupi eseva nayo.
                       2. Dutiyavinayadharasuttavannana
     [76] Dutiye svagataniti suagatani suppagunani. Suvibhattaniti kotthasato
sutthu vibhattani. Suppavattiniti avajjitavajjitatthane sutthu pavattani dalham
pagunani. Suvinicchitaniti sutthu vinicchitani. Suttasoti vibhangato.
Anubyanjanasoti khandhakaparivarato.
@Footnote: 1 Si. lahusam, tikayam ca
                       3. Tatiyavinayadharasuttavannana
     [77] Tatiye vinaye kho pana thito hotiti vinayalakkhane patitthito hoti.
Asamhiroti na sakka hoti gahitaggahanam vissajjapetum.
                       9. Satthusasanasuttavannana
     [83] Navame ekoti adutiyo. Vupakatthoti kayena ganato, cittena kilesehi
vupakattho duribhuto. Appamattoti satiavippavase thito. Pahitattoti pesitatto.
Nibbidayati vatte ukkanthanatthaya. Viragayati ragadinam virajjanatthaya.
Nirodhayati appavattikaranatthaya. Vupasamayati kilesavupasamaya appavattiya.
Abhinnayati tilakkhanam aropetva abhijananatthaya. Sambodhayati maggasankhatassa
sambodhassa atthaya. Nibbanayati nibbanassa sacchikaranatthaya.
                      10. Adhikaranasamathasuttavannana
     [84] Dasame adhikaranani samenti vupasamentiti adhikaranasamatha.
Uppannuppannananti uppannanam uppannanam. Adhikaranananti vivadadhikaranam
anuvadadhikaranam apattadhikaranam kiccadhikarananti imesam catunnam. Samathaya vupasamayati
samathatthanceva vupasamanatthanca. Sammukhavinayo databbo .pe. Tinavittharakoti ime
satta samatha databba. Tesam vinicchayo vinayavannanato 1- gahetabbo. Apica dighanikaye
sangitisuttavannanayampi 2- vittharitoyeva, tatha majjhimanikaye samagamasutta-
vannanayati.
                         Vinayavaggo atthamo.
@Footnote: 1 cha.Ma. vinicchayo vinayasamvannanato  2 su.vi. 3/331/239,240-2


             The Pali Atthakatha in Roman Book 16 page 209-210.
http://84000.org/tipitaka/atthapali/read_rm.php?B=16&A=4684&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=16&A=4684&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=22&i=72
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=22&A=1993
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=22&A=2039
             The Pali Tipitaka in Roman Character :-
http://84000.org/tipitaka/read/roman_read.php?B=22&A=2039
             Contents of The Tipitaka Volume 22
http://84000.org/tipitaka/read/?index_22