AtthaPali Vol.52

3. Ayogharacariyavannana [24] Punaparam yada homi kasirajassa atrajo ayogharamhi samvaddho namenasi ^1- ayogharoti. #[24] Tatiye ayogharamhi samvaddhoti amanussaupaddavaparivajjanattham caturassasalavasena ^2- kate mahati sabbaayomaye gehe samvaddho. Namenasi ayogharoti ayoghare jatasamvaddhabhaveneva "ayogharakumaro"ti namena pakato ahosi. [25-26] Tada hi kasiranno aggamahesiya purimattabhave sapatti "tava jatam jatam pajam khadeyyan"ti patthanam patthapetva yakkhiniyoniyam nibbatta okasam labhitva tassa vijatakale dve vare putte khadi. Tatiyavare pana bodhisatto tassa kucchiyam patisandhim ganhi. Raja "deviya jatam jatam pajam eka yakkhini khadati, kim nu kho katabban"ti manussehi sammantetva "amanussa nama ayogharassa bhayanti, ayogharam katum vattati"ti vutte kammare anapetva thambhe adim katva ayomayeheva sabbagehasambharehi caturassasalam mahantam ayogharam nitthapetva paripakkagabbham devim tattha vasesi. Sa tattha dhannapunnalakkhanam puttam vijayi, "ayogharakumaro"tvevassa namam karimsu. Tam dhatinam datva mahantam arakkham samvidahitva raja devim antepuram anesi. Yakkhinipi udakavaram gantva vessavanassa udakam vahanti jivitakkhayam patta. Mahasatto ayoghareyeva vaddhitva vinnutam patto tattheva sabbasippani ugganhi. Raja puttam solasavassuddesikam viditva "rajjamassa dassami"ti amacce anapesi "puttam me anetha"ti. Te "sadhu deva"ti nagaram alankarapetva sabbalankaravibhusitam mangalavaranam adaya tattha gantva kumaram alankaritva @Footnote: ¹ pali. namenasim (sya) ² Si.,Ma. catusalavasena Hatthikkhandhe nisidapetva nagaram padakkhinam karetva ranno dassesum. Mahasatto rajanam vanditva atthasi. Raja tassa sarirasobham oloketva balavasinehena tam alingitva "ajjeva me puttam abhisincatha"ti amacce anapesi. Mahasatto pitaram vanditva "na mayham rajjena attho, aham pabbajissami, pabbajjam me anujanatha"ti aha. Tena vuttam:- #[25] "dukkhena jivito laddho sampile patiposito ajjeva putta patipajja kevalam vasudham ^1- imam. #[26] Saratthakam sanigamam sajanam vanditva khattiyam anjalim paggahetvana idam vacanamabravim. [27] Ye keci mahiya satta hinamukkatthamajjhima nirarakkha sake gehe vaddhanti sakanatihi. [28] Idam loke uttariyam sampile mama posanam ayogharamhi samvaddho appabhe candasuriye. [29] Putikunapasampunna muccitva matu kucchito tato ghoratare dukkhe puna pakkhittayoghare. [30] Yadiham tadisam patva dukkham paramadarunam rajjesu yadi rajjami papanam uttamo siyam. [31] Ukkanthitomhi kayena rajjenamhi anatthiko nibbutim pariyesissam yattha mam maccu na maddiye. [32] Evaham cintayitvana viravante mahajane nagova bandhanam chetva pavisim kananam vanam. @Footnote: ¹ pali. vasundhanam (sya) [33] Mata pita na me dessa napi me dessam mahayasam sabbannutam piyam mayham tasma rajjam pariccajin"ti. Tattha dukkhenati tata tava bhatika dve ekaya yakkhiniya khadita, tuyham pana tato amanussabhayato nivaranattham katena dukkhena mahata ayasena jivito laddho. Sampile patipositoti nanavidhaya amanussarakkhaya sambadhe ayoghare vijayanakalato patthaya yava solasavassuppattiya sambadhe samvaddhitoti attho. Ajjeva putta patipajja, kevalam vasudham imanti kancanamalalankatassa setacchattassa hettha ratanarasimhi thapetva tihi sankhehi abhisinciyamano imam kulasantakam kevalam sakalam samuddapariyantam tatoyeva saha ratthehiti saratthakam saha nigamehi mahagamehiti sanigamam aparimitena parivarajanena saddhim sajanam imam vasudham mahapathavim ajjeva putta patipajja, rajjam karehiti attho. Vanditva khattiyam. Anjalim paggahetvana, idam vacanamabravinti khattiyam kasirajanam mama pitaram vanditva tassa anjalim panametva idam vacanam abhasim. #[27] Ye keci mahiya sattati imissa mahapathaviya ye keci satta nama. Hinamukkatthamajjhimati lamaka ceva uttama ca, ubhinnam vemajjhe bhavatta majjhima ca. Sake geheti sabbe te sake gehe. Sakanatihiti sakehi natihi sammodamana vissattha anukkanthita yathavibhavam vaddhanti. #[28] Idam loke uttariyanti idam pana imasmim loke asadisam, mayham eva avenikam. Kim pana tam sampile mama posananti sambadhe mama samvaddhanam. Tatha hi ayogharamhi samvaddho, appabhe candasuriyeti candasuriyanam pabharahite ayoghare. Samvaddhomhiti samvaddho amhi. #[29] Putikunapasampunnati putigandhananappakarakunapasampunna guthanirayasadisa matu kucchito jivitasamsaye vattamane katham muccitva nikkhamitva. Tato ghoratareti Tatopi gabbhavasato darunatare, avissatthavasena dukkhe. Pakkhittayoghareti pakkhitto ayoghare, bandhanagare thapito viya ahosinti dasseti. #[30] Yadihanti ettha yaditi nipatamattam. Tadisanti yadisam pubbe vuttam, tadisam paramadarunam dukkham patva aham rajjesu yadi rajjami yadi ramissami, evam sante papanam lamakanam nihinapurisanam uttamo nihinatamo siyam. ^1- #[31] Ukkanthitomhi kayenati aparimuttagabbhavasadina putikayena ukkanthito nibbinno amhi. Rajjenamhi anatthikoti rajjenapi anatthiko amhi. Yakkhiniya hatthato muttopi hi naham ajaramaro, kim me rajjena, rajjam hi nama sabbesam anatthanam sannipatatthanam, tattha thitakalato patthaya dunnikkhamam hoti, tasma tam anupagantva nibbutim pariyesissam, yattha mam maccu na maddiyeti yattha thitam mam mahaseno maccuraja na maddiye na otthareyya na abhibhaveyya, tam nibbutim amatamahanibbanam pariyesissamiti. #[32] Evaham cintayitvanati evam imina vuttappakarena nanappakaram samsare adinavam paccavekkhanena nibbane anisamsadassanena ca yoniso cintetva. Viravante mahajaneti maya vippayogadukkhasahanena viravante paridevante matapituppamukhe mahante jane. Nagova bandhanam chetvati yatha nama mahabalo hatthinago dubbalataram rajjubandhanam sukheneva chindati, evameva natisangadibhedassa tasmim jane tanhabandhanassa chindanena bandhanam chetva kananasankhatam mahavanam pabbajjupagamanavasena pavisim. Osanagatha vuttattha eva. Tattha ca mahasatto attano pabbajjadhippayam janitva "tata kimkarana pabbajasi"ti ranna vutto "deva aham matukucchimhi dasa mase guthaniraye viya vasitva matu kucchito nikkhanto yakkhiniya bhayena solasavassani bandhanagare vasanto @Footnote: ¹ Si.,Ma. siya Bahi oloketumpi na labhim, ussadaniraye pakkhitto viya ahosim, yakkhinito muttopi ajaramaro na homi, maccu namesa na sakka kenaci jinitum, bhave ukkanthitomhi, yava me byadhijaramaranani nagacchanti, tavadeva pabbajitva dhammam carissami, alam me rajjena, anujanahi mam deva pabbajitun"ti vatva:- "yamekarattim pathamam gabbhe vasati manavo abbhutthitova so yati sa gaccham na nivattati"ti- ^1- adina catuvisatiya gathahi pitu dhammam desetva "maharaja tumhakam rajjam tumhakameva hotu, na mayham imina attho, tumhehi saddhim kathenteyeva byadhijaramaranani agaccheyyum, titthatha tumhe"ti vatva ayadamam chinditva mattahatthi viya kancanapanjaram bhinditva sihapotako viya kame pahaya matapitaro vanditva nikkhami. Athassa pita "ayam nama kumaro pabbajitukamo, kimangam panaham, mamapi rajjena attho natthi"ti rajjam pahaya tena saddhim eva nikkhami, tasmim nikkhamante devipi amaccapi brahmanagahapatikadayopiti sakalanagaravasino bhoge chaddetva nikkhamimsu. Samagamo maha ahosi, parisa dvadasayojanika jata, te adaya mahasatto himavantam pavisi. Sakko devaraja tassa nikkhantabhavam natva vissakammam pesetva dvadasayojanayamam sattayojanavittharam assamapadam karesi, sabbe ca pabbajitaparikkhare patiyadapesi. Idha mahasattassa pabbajja ca ovadadananca brahmalokaparayanata ca parisaya sammapatipatti ca sabba mahagovindacariyayam ^2- vuttanayeneva veditabba. Tada matapitaro maharajakulani ahesum, parisa buddhaparisa, ayogharapandito lokanatho. @Footnote: ¹ khu.ja. 27/363/375 ² khu.cariya. 33/37-9/586-7 Tassa sesaparaminiddharana anubhavavibhavana ca hettha vuttanayeneva veditabbati. Ayogharacariyavannana nitthita. ----------

The Pali Atthakatha in Roman Book 52 page 227-232. http://84000.org/tipitaka/atthapali/read_rm.php?B=52&A=5011&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=52&A=5011&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=33&i=231 เนื้อความพระไตรปิฎกฉบับหลวง :- http://84000.org/tipitaka/read/r.php?B=33&A=9214 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=33&A=11978 The Pali Tipitaka in Roman Character :- http://84000.org/tipitaka/read/roman_read.php?B=33&A=11978 Contents of The Tipitaka Volume 33 http://84000.org/tipitaka/read/?index_33