AtthaPali Vol.38

daddarajatakam imani mam daddara tapayantiti idam sattha jetavane viharanto ekam kodhanam arabbha kathesi. Vatthu hettha kathitameva. Tada hi dhammasabhayam tassa kodhanabhavakathaya samutthitaya sattha agantva kayanuttha bhikkhave etarahi kathaya sannisinnati pucchitva imaya namati vutte tam bhikkhum pakkosapetva saccam kira tvam bhikkhu kodhanoti pucchitva ama bhanteti Vutte na bhikkhave idaneva pubbepesa kodhanoyeva kodhanabhavena panassa poranakapandita parisuddhanagarajabhave thitapi tini vassani guthabharitaya ukkarabhumiyam vasimsuti vatva atitam ahari. Atite baranasiyam brahmadatte rajjam karente bodhisatto himavantappadese daddarapabbatapade daddaranagabhavanam nama atthi tattha rajjam karentassa daddararanno ^1- putto mahadaddaro nama ahosi. Kanitthabhata panassa culladaddaro nama. So kodhano pharuso nagamanavake akkosanto paharanto vicarati. Nagaraja tassa pharusabhavam natva tam nagabhavanato niharapetum anapesi. Mahadaddaro pana pitaram khamapetva nivaresi. Dutiyampi raja tassa kujjhi. Dutiyampi khamapesi. Tatiyavare pana tvam mam imam anacaram niharapentam varesi gacchatha dvepi tumhe imamha nagabhavana nikkhamitva baranasiyam ukkarabhumiyam tini vassani vasathati nagabhavana nikkaddhapesi. Te tattha gantva vasimsu. Atha te ukkarabhumiyam udakapariyante gocaram pariyesamane gamadaraka disva paharanta leddudandadayo khipanti. Ke ime puthulasisa sucinanguttha udakamandukabhakkhati ^2- adini vatva akkosanti. Culladaddaro candapharusataya tesam tam avamanam asahanto bhatika ime daraka amhe paribhavanti asivisabhavam no na jananti aham etesam avamanam sahitum na sakkomi nasavatena ne naseyyamiti bhatara @Footnote: ¹ suradaddararanno . ² udakadeddubha. Saddhim sallapanto pathamam gathamaha imani mam daddara tapayanti vacaduruttani manussaloke mandukabhakkha udakantasevi asivisam mam avisa sapantiti. Tattha tapayantiti dukkhapenti. Mandukabhakkha udakantaseviti mandukabhakkhati ca udakantaseviti ca vadanta ete avisa gamadaraka mam asivisam samanam sapanti akkosantiti. Tassa vacanam sutva mahadaddaro sesagatha abhasi saka rattha pabbajito annam janapadam gato mahantam kottham kayiratha duruttanam nidhetave yattha posam na jananti jatiya vinayena va na tattha manam kayiratha vasam annatake jane videsavasam vasato jatavedasamenapi khamitabbam sapannena api dasassa tajjitanti. Tattha duruttanam nidhetaveti yatha dhannanam nidhanatthaya mahantam kottham katva puretva kicce uppanne dhannam balanjenti evameva videsam gato antohadaye pandito poso duruttanam nidhanatthaya mahantam kottham kayiratha tattha tani duruttani nidahitva puna attano pahonakakale kattabbam karissati. Jatiya vinayena vati ayam khattiyo ayam brahmanoti va silava bahussuto Gunasampannoti va evam yattha jatiya vinayena va na janantiti attho. Mananti evarupam mam lamakavoharena voharanti na sakkaronti na garukarontiti manam na kareyya. Vasam annatake janeti attano jatigottani ajanantassa janassa santike vasanto. Vasatoti vasata. Ayameva va patho. Evante tattha tini vassani vasimsu. Atha ne pita pakkosapesi. Te tato patthaya nihatamana jata. Sattha imam dhammadesanam aharitva saccani pakasesi. Saccapariyosane kodhano bhikkhu anagamiphale patitthahi. Tada culladaddaro kodhano bhikkhu ahosi. Mahadaddaro pana ahamevati. Daddarajatakam catuttham -------

The Pali Atthakatha in Roman Book 38 page 243-246. http://84000.org/tipitaka/atthapali/read_rm.php?B=38&A=5059&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=5059&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=514 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2659 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2623 The Pali Tipitaka in Roman Character :- http://84000.org/tipitaka/read/roman_read.php?B=27&A=2623 Contents of The Tipitaka Volume 27 http://84000.org/tipitaka/read/?index_27