AtthaPali Vol.12

Hayamanaya patipatti hayati, patipattiya hayamanaya adhigamo hayati. Pariyattiya purayamanaya pariyattidhara puggala patipattim purenti, patipattipuraka adhigamam purenti. Iti navacando viya ^1- pariyattiyadisu vaddhamanasu mayham sasanam vaddhatiyevati dasseti. Idani yehi dhammehi saddhammassa antaradhananceva thiti ca hoti, te dassento panca khotiadimaha. Tattha okkamaniyati avakkamaniya, hetthagamaniyati attho. Satthari agaravatiadisu agaravati garavarahita. Appatissati appatissaya anicavuttika. Tattha yo cetiyanganam arohanto chattam dhareti, upahanam dhareti, annato oloketva katham kathento gacchati, ayam satthari agaravo nama. Yo dhammassavanakale sanghutthe daharasamanerehi parivarito nisidati, annani va navakammadini karoti, dhammassavanagge nisinno niddayati, vikkhitto va annam kathento nisidati, ayam dhamme agaravo nama. Yo therupatthanam gantva avanditva nisidati, hatthapallatthikam va dussapallatthikam karoti, annam va pana patthapadakukkuccam karoti, vuddhanam santike anajjhittho katheti, ayam samghe agaravo nama. Tisso pana sikkha apurentova sikkhaya agaravo nama hoti. Attha samapattiyo anibbattento tasam va pana nibbattanatthaya payogam akaronto samadhismim agaravo nama. Sukkapakkho vuttavipallaseneva veditabboti. Terasamam. Kassapasamyuttavannana nitthita. -------------- @Footnote: ¹ Ma. addhacanando viya

The Pali Atthakatha in Roman Book 12 page 227. http://84000.org/tipitaka/atthapali/read_rm.php?B=12&A=5071&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=5071&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=16&i=531 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=5846 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=5317 The Pali Tipitaka in Roman Character :- http://84000.org/tipitaka/read/roman_read.php?B=16&A=5317 Contents of The Tipitaka Volume 16 http://84000.org/tipitaka/read/?index_16