AtthaPali Vol.33

330. 8. Rahulattheragathavannana ubhayenatiadika ayasmato rahulattherassa gatha. Ka uppatti? ayampi purimabuddhesu katadhikaro tattha tattha bhave punnani upacinanto padumuttarassa bhagavato kale kulagehe nibbattitva vinnutam patto sattharam ekam bhikkhum sikkhakamanam aggatthane thapentam disva sayampi tam thanantaram patthetva senasanavisodhanavijjotanadikam ularam punnam katva panidhanamakasi. So tato cavitva devamanussesu samsaranto imasmim buddhuppade amhakam bodhisattam paticca yasodharaya deviya kucchimhi nibbattitva rahuloti laddhanamo mahata khattiyaparivarena ^3- vaddhi, tassa pabbajjavidhanam khandhake ^4- agatameva. So pabbajitva satthu santike anekehi @Footnote: ¹ i. abhajanam ayanti ovadassa adaneneva, Ma. attha janayanti ovadassa @adaneneva ² Si.,i. bhavananimittassa ³ Si.,i. khattiyapariharena @⁴ vinaYu.maha. 4/105/119 rahulavatthu Suttapadehi suladdhovado paripakkanano ^1- vipassanam ussukkapetva arahattam papuni. Tena vuttam apadane 2-:- "padumuttarassa bhagavato lokajetthassa tadino sattabhumimhi pasade adasam santharim ^3- aham. Khinasavasahassehi parikinno mahamuni upagami gandhakutim dipadindo ^4- narasabho. Virocayam ^5- gandhakutim devadevo narasabho bhikkhusamghe thito sattha ima gatha abhasatha. Yenayam jotita seyya adasova susanthato tamaham kittiyassami sunatha mama bhasato. Sonnamaya rupimaya atho veluriyamaya nibbattissanti pasada yekeci manaso piya. Catusatthikkhattum devindo devarajjam karissati sahassakkhattum cakkavatti bhavissati anantaRa. Ekavisatikappamhi vimalo nama khattiyo caturanto vijitavi cakkavatti bhavissati. Nagaram renuvati nama itthakahi sumapitam ayamato tini satam caturassasamayutam. Sudassano nama pasado visukammena mapito kutagaravarupeto sattaratanabhusito. Dasasaddavivittam tam vijjadharasamakulam sudassanamva nagaram devatanam bhavissati. Pabha niggacchate tassa uggacchanteva suriye virocessati tam niccam samanta atthayojanam. @Footnote: ¹ Si.,i. paripakke nane ² khu.apa.32/68/85 rahulattherapadana ³ Si. adasim santharam @⁴ cha.Ma. dvipadindo ⁵ cha.Ma. virocento Kappasatasahassamhi okkakakulasambhavo gotamo nama gottena sattha loke bhavissati. Tusitava ^1- cavitvana sukkamulena codito gotamassa bhagavato atrajo so bhavissati. Sacevaseyya agaram cakkavatti bhaveyya so atthanametam yam tadi agare ratimajjhaga. Nikkhamitva agaramha pabbajissati subbato rahulo nama namena araha so bhavissati. Kikiva andam rakkheyya camaririva ^2- valadhim nipako silasampanno mamam rakkhi mahamuni. Tassaham dhammamannaya vihasim sasane rato sabbasave parinnaya viharami anasavo. Kilesa jhapita mayham .pe. Katam buddhassa sasanan"ti. Arahattam pana patva attano patipattim paccavekkhitva annam byakaronto:- [295] "ubhayeneva sampanno rahulabhaddoti mam vidu yancamhi putto buddhassa yanca dhammesu cakkhuma. [296] Yanca me asava khina yanca natthi punabbhavo araha dakkhineyyomhi tevijjo amataddaso. [297] Kamandha jalasanchanna ^3- tanhachadanachadita pamattabandhuna baddha macchava kuminamukhe. ^4- @Footnote: ¹ cha.Ma. tusita so ² cha.Ma. camari viya ³ cha.Ma. jalapacchanna @⁴ khu.u. 25/64/206 dutiyasattasutta [298] Tam kamam ahamujjhitva chetva marassa bandhanam samulam tanhamabbuyha sitibhutosmi nibbuto"ti catasso gatha abhasi. Tattha ubhayeneva sampannoti jatisampada patipattisampadati ubhayasampattiyapi sampanno samannagato. Rahulabhaddoti mam viduti "rahulabhaddo"ti mam sabrahmacarino sanjananti. Tassa hi jatasasanam sutva bodhisattena "rahu jato, ^1- bandhanam jatan"ti vuttavacanam upadaya suddhodanamaharaja "rahulo"ti namam ganhi. Tattha adito pitara vuttapariyayameva gahetva aha "rahulabhaddoti mam vidu"ti. Bhaddoti ca pasamsavacanametam. Idani tam ubhayasampattim dassetum "yancamhi"tiadi vuttam. Tattha yanti yasma. Casaddo samuccayattho. Amhi putto buddhassati sammasambuddhassa orasa- putto amhi. Dhammesuti lokiyesu lokuttaresu ca dhammesu, catusaccadhammesuti attho. Cakkhamati maggapannacakkhuna cakkhuma ca amhiti yojetabbam. Puna aparaparehipi pariyayehi attani ubhayasampattim dassetum "yanca me asava khina"ti gathamaha. Tattha dakkhineyyoti dakkhinaraho. Amataddasoti nibbanassa dassavi. Sesam suvinneyyameva. Idani yaya vijjasampattiya ca vimuttisampattiya ca abhavena sattakayo kumine bandhamaccha viya samsare parivattati, tam ubhayasampattim attani dassetum "kamandha"ti gathadvayamaha. Tattha kamehi kamesu va andhati kamandha. "../../bdpicture/chando rago"tiadivibhagehi ^2- kilesakamehi rupadisu vatthukamesu anadinavadassitaya andhikata. Jalapacchannati sakalam bhavattayam ajjhottharitva thitena visattikajalena samantato @Footnote: ¹ Si.,i. rahulo jato ² khu.cula.30/95/27 ajitamanavakapanhaniddesa (sya) Channa paligunthita. Tanhachadanachaditati tatoeva tanhasankhatena chadanena chadita nivuta sabbaso patikujjhita. Pamattabandhuna baddha, macchava kuminamukheti kuminamukhe macchabandhanam macchapasibbakamukhe baddha maccha viya pamattabandhuna marena yena kamabandhanena baddha ime satta tato na nigacchanti antobandhanagatavahonti. Tam tatharupam kamam bandhanabhutam ujjhitva pubbabhagapatipattiya pahaya kilesa- marassa bandhanam chetva puna ariyamaggasatthena anavasesato samucchinditva tatoeva avijjasankhatena mulena samulam kamatanhadikam tanham abbuyha uddharitva sabba- kilesadarathaparilahabhavato sitibhuto saupadisesaya nibbanadhatuya nibbuto aham asmi homiti attho. Rahulattheragathavannana nitthita. ------------

The Pali Atthakatha in Roman Book 33 page 23-27. http://84000.org/tipitaka/atthapali/read_rm.php?B=33&A=513&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=513&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=330 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6269 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6380 The Pali Tipitaka in Roman Character :- http://84000.org/tipitaka/read/roman_read.php?B=26&A=6380 Contents of The Tipitaka Volume 26 http://84000.org/tipitaka/read/?index_26