AtthaPali Vol.32

203. 6. Meghiyattheragathavannana anusasi mahaviroti ayasmato meghiyattherassa gatha. Ka uppatti? ayampi purimabuddhesu katadhikaro tattha tattha bhave kusalabijani ropento ito ekanavute kappe vipassissa bhagavato kale kulagehe nibbattitva vinnutam @Footnote: ¹ Si. upaparikkhitva ² Si. parikkhipitva @³ Si. thapitam sankalitam, sankhalitantipi patho ⁴ Ma. sankalitam ⁵ Si. labhasakkaradini @⁶ di.pati. 11/355/250 dasuttarasutta [thokam visadisam] Papuni. ^1- Tasmim ca samaye vipassi bhagava buddhakiccassa pariyosanamagamma ayusankharam ossajji. Tena pathavikampadisu uppannesu mahajano bhitatasito ahosi. Atha nam vessavano maharaja tamattham vibhavetva samassasesi. Tam sutva mahajano samvegappatto ahosi. Tatthayam kulaputto buddhanubhavam sutva satthari sanjatagarava- bahumano ularam pitisomanassam patisamvedesi. So tena punnakammena devamanussesu samsaranto imasmim buddhuppade kapilavatthusmim sakiyarajakule nibbatti, tassa meghiyoti namam ahosi. So vayappatto satthu santike pabbajitva bhagavantam upatthahanto bhagavati jalikayam viharante kimikalaya ^2- nadiya tire ramaniyam ambavanam disva tattha viharitukamo dve vare bhagavata varetva tatiyavaram vissajjito tattha gantva micchavitakkamakkhikahi khajjamano cittasamadhim alabhitva satthu santikam gantva tamattham arocesi. Athassa bhagava "aparipakkaya meghiya cetovimuttiya panca dhamma paripakaya samvattanti"tiadina ^3- ovadam adasi. So tasmim ovade thatva vipassanam vaddhetva arahattam papuni. Tena vuttam apadane ^4- :- "yada vipassi lokaggo ayusankharamossajji pathavi sampakampittha medani jalamekhala. Otatam vigatam mayham suvicittavatamsakam ^5- bhavanampi pakampittha buddhassa ayusankhaye. Taso mayham samuppanno bhavane sampakampite uppado nu kimatthaya aloko vipulo ahu. ^6- Vessavano idhagamma nibbapesi mahajanam panabhute bhayam natthi ekagga hotha samvuta. Aho buddho aho dhammo aho no satthu sampada @Footnote: ¹ Si. patto ² Si. kipillikaya ³ khu.udana. 25/31/141 meghiyasutta @⁴ khu.apa. 32/57/208 buddhasannakattherapadana ⁵ pali. suci cittam papancakam @⁶ Si. loko ca vipulo ahu Yasmim uppajjamanamhi pathavi sampakampati. Buddhanubhavam kittetva kappam saggamhi modaham avasesesu kappesu kusalam caritam maya. Ekanavutito kappe yam sannamalabhim tada duggatim nabhijanami buddhasannayidam phalam. Ito cuddasakappamhi raja asim patapava samito nama namena cakkavatti mahabbalo. Kilesa jhapita mayham .pe. Katam buddhassa sasanan"ti. Arahattam pana patva satthu sammukha ovadam labhitva "maya arahattam adhigatan"ti annam byakaronto:- [66] "anusasi mahaviro sabbadhammana paragu tassaham dhammam sutvana vihasim santike sato tisso vijja anuppatta katam buddhassa sasanan"ti gatham abhasi. Tattha anusasiti "aparipakkaya meghiya cetovimuttiya panca dhamma paripakaya samvattanti"tiadina ovadi anusitthim adasi. Mahaviroti mahavikkanto, viriya- paramiparipuriya caturangasamannagataviriyadhitthanena anannasadharanacatubbidhasammap- padhanasampattiya ca mahaviriyoti attho. ^1- Sabbadhammana paraguti sabbesanca neyyadhammanam param pariyantam nanagamanena gato adhigatoti sabbadhammana paragu, sabbannuti attho. Sabbesam va sankhatadhammanam parabhutam nibbanam sayambhunanena gato adhigatoti sabbadhammana paragu. ^1- Tassaham dhammam sutvanati tassa buddhassa @Footnote: ^1-1 Si. sabbadhammana paraguti sabbesam va sankhatadhammanam parabhutam nibbanam @ sayambhunanena gato, sabbesam neyyadhammanam param pariyantam nanagamanena @ gato adhigatoti sabbadhammana paragu, sabbannuti attho. Bhagavato samukkamsikam tam catusaccadhammam sunitva. Vihasim santiketi ambavane micchavitakkehi upadduto calika ^1- viharam gantva satthu samipeyeva ^2- vihasim. Satoti satima, samathavipassanabhavanaya appamattoti attho. Ahanti idam yatha "anusasi"ti ettha "man"ti, evam "vijja anuppatta, katam buddhassa sasanan"ti ettha "maya"ti parinametabbam. "katam buddhassa sasanan"ti ca imina yathavuttam vijjattayanup- pattimeva satthu ovadapatikaranabhavadassanena pariyayantarena pakaseti. Silak- khandhadiparipuranameva ^3- hi satthu sasanakarita. Meghiyattheragathavannana nitthita. ------------

The Pali Atthakatha in Roman Book 32 page 231-234. http://84000.org/tipitaka/atthapali/read_rm.php?B=32&A=5174&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=5174&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=203 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5358 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5590 The Pali Tipitaka in Roman Character :- http://84000.org/tipitaka/read/roman_read.php?B=26&A=5590 Contents of The Tipitaka Volume 26 http://84000.org/tipitaka/read/?index_26