Atthakatha Book 12 : PALI ROMAN
Sam.A. (sarattha.2)

                           7. Rahulasamyutta
                            1. Pathamavagga
                       1-8. Cakkhusuttadivannana
    [188-195] Rahulasamyuttassa pathame ekoti catusu iriyapathesu ekavihari.
Vupakatthoti vivekattho nissaddo. Appamattoti satiya avippavase thito. 1- Atapiti
viriyasampanno. Pahitatto vihareyyanti visesadhigamatthaya pesitatto hutva
vihareyyam. Aniccanti hutva abhavakarena aniccam. Athava uppadavayavantataya
tavakalikataya viparinamakotiya niccapatikkhepatoti imehipi karanehi
aniccam. Dukkhanti catuhi karanehi dukkham dukkhamanatthena dukkhavatthukatthena
satatapatipilanatthena 2- sukhapatikkhepenati. Kallanti yuttam. Etam mamati tanhagaho.
Esohamasmiti managgaho. Eso me attati ditthigaho. Tanhagaho cettha
atthasatatanhaviparitavasena, managgaho navavidhamanavasena, ditthigaho dvasatthiditthivasena
veditabbo. Nibbindam virajjatiti ettha viragavasena cattaro magga kathita, viraga
vimuccatiti ettha vimuttivasena cattari samannaphalani.
    Ettha ca pancasu dvaresu pasadava gahita, manoti imina tebhumakasamannaharacittam.
3- Dutiye pancasu dvaresu arammanameva. Tatiye pancasu dvaresu
pasadavatthukacittameva manovinnanena tebhumakasamannaharacittam gahitam. Evam sabbattha
nayo netabbo. Chatthe tebhumakadhamma. Atthame pana tanhati tasmim tasmim dvare
javanappatta labbhati. Pathamadini.
@Footnote: 1 cha.Ma. avippavasanto, i. avippavasento   2 cha.Ma.,i. sattasampilanatthena
@3 cha.Ma...... sammasanacaracittam, i..... varacittam, evamuparipi


             The Pali Atthakatha in Roman Book 12 page 236.
http://84000.org/tipitaka/atthapali/read_rm.php?B=12&A=5239&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=12&A=5239&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=16&i=599
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=16&A=6419
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=16&A=5763
             The Pali Tipitaka in Roman Character :-
http://84000.org/tipitaka/read/roman_read.php?B=16&A=5763
             Contents of The Tipitaka Volume 16
http://84000.org/tipitaka/read/?index_16