AtthaPali Vol.50

392. 10. Pubbakammapilotikabuddhapadanavannana ^1- [64] Dasamapadane anotattasarasanneti pabbatakutehi paticchannatta candimasuriyanam santapehi otattam unham udakam ettha natthiti anotatto. Saranti gacchanti pabhavanti sandanti etasma mahanadiyoti saro. Sihamukhadihi nikkhanta mahanadiyo tikkhattum tikkhattum padakkhinam katva nikkhantanikkhantadisa- bhagena saranti gacchantiti attho. Anotatto ca so saro cati anotattasaro. Tassa asannam samipatthananti anotattasarasannam, tasmim anotattasarasanne, samipeti attho. Ramaniyeti devadanavagandhabbakinnaroragabuddhapaccekabuddhadihi ramitabbam alliyitabbanti ramaniyam, tasmim ramaniye. Silataleti ekagghanapabbata- silataleti attho. Nanaratanapajjoteti padumaragaveluriyadinanaanekahi ratanehi pajjote pakarena jotamane. Nanagandhavanantareti nanappakarehi candanagarukappuratamalatilakasokanagapunnagaketakadihi anekehi sugandhapupphehi gahanibhutavanantare silataleti sambandho. [65] Gunamahantataya sankhyamahantataya ca mahata bhikkhusamghena, pareto parivuto lokanayako lokattayasamisammasambuddho tattha silasane nisinno attano pupphani kammani byakari visesena pakatamakasiti attho. Sesamettha @Footnote: ¹ paliyam pubbakammapiloti nama buddhapadananti dissati. Hettha buddhapadane ^1- vuttatta uttanatthatta ca suvinneyyameva. Buddhapadane antogadhampi idhapadane kusalakusalam kammasamsucakatta vaggasangahavasena dhammasangahakatthera sangayimsuti. Pubbakammapilotikabuddhapadanavannana nitthita. Ekunacattalisamavaggavannana nitthita. ---------- @Footnote: ¹ khu.apa. 32/1-663/1-77.

The Pali Atthakatha in Roman Book 50 page 247-248. http://84000.org/tipitaka/atthapali/read_rm.php?B=50&A=5280&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=5280&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=392 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=7849 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=9210 The Pali Tipitaka in Roman Character :- http://84000.org/tipitaka/read/roman_read.php?B=32&A=9210 Contents of The Tipitaka Volume 32 http://84000.org/tipitaka/read/?index_32