|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
sayhajatakam
sasamuddaparisasanti idam sattha jetavane viharanto ukkanthitabhikkhum
arabbha kathesi.
So hi savatthiyam pindaya caranto ekam abhirupam alankataitthim
disva ukkanthito sasane nabhirami. Atha nam bhikkhu
bhagavato dassesum. So bhagavata saccam kira tvam bhikkhu ukkanthitoti
puttho saccanti vatva ko tam ukkanthapesiti vutte tamattham
arocesi. Sattha kasma tvam evarupe niyyanike sasane
pabbajitva ukkanthasi pubbe pandita purohitatthanam labhantapi
tam patikkhipitva pabbajimsuti vatva atitam ahari.
Atite baranasiyam brahmadatte rajjam karente bodhisatto
purohitassa brahmaniya kucchismim patisandhim gahetva ranno puttena
saddhim ekadivasam vijayi. Raja atthi nukho me koci puttena
Saddhim ekadivase jatoti amacce pucchi. Atthi maharaja
purohitassa puttoti. Raja tam anapetva dhatinam datva
puttena saddhim ekatova patijaggapesi. Ubhinnampi abharanani
ceva panabhojanadini ca ekasadisaneva ahesum. Te vayappatta
ekatova takkasilayam gantva sabbasippani ugganhitva agamimsu.
Raja puttassa uparajjam adasi. Mahayaso ahosi. Tato
patthaya bodhisatto rajaputtena saddhim ekatova khadati pivati
sayati. Annamannam vissaso thiro ahosi. Aparabhage
rajaputto pitu accayena rajje patitthaya mahasampattim anubhavi.
Bodhisatto cintesi mayham sahayo rajjam anusasati sallakkhitakkhaneyeva
kho pana mayham purohitatthanam dassati kim me gharavasena
pabbajitva vivekamanubruhissamiti. So matapitaro vanditva
pabbajjam anujanapetva mahasampattim chaddetva ekakova
nikkhamitva himavantam pavisitva manorame bhumibhage pannasalam mapetva
isipabbajjam pabbajitva abhinna ca samapattiyo ca nibbattetva
jhanakilam kilanto vihasi. Tada raja tam anussaritva mayham
sahayo na pannayati kuhim soti pucchi. Amacca tassa
pabbajitabhavam arocetva ramaniye kira vanasande vasatiti ahamsu.
Raja tassa vasanokasam pucchitva sayham nama amaccam gaccha
sahayam me gahetva ehi purohitatthanamassa dassamiti aha.
So sadhuti sampaticchitva baranasito nikkhamma anupubbena
Paccantagamam patva tattha khandhavaram thapetva vanacarakehi saddhim bodhisattassa
vasanokasam gantva bodhisattam pannasaladvare suvannapatimam
viya nisinnam disva vanditva ekamantam nisiditva katapatisantharo
bhante raja te purohitatthanam datukamo agamanam icchatiti aha.
Bodhisatto titthatu purohitatthanam aham sakalakasikosalajambudiparajjam
cakkavattisirimeva va labhantopi na icchissami 1- na hi
pandita sakim jahite kilese puna ganhanti sakim jahitam hi
nutthakhelasadisanti vatva ima gatha abhasi
sasamuddaparisasam 2- mahim sagarakundalam
na icche saha nindaya evam sayha vijanahi
dhiratthu tam yasalabham dhanalabhanca brahmana
ya vutti vinipatena adhammacaranena va
api ce pattamadaya anagaro paribbaje
saeva jivika seyyo ya cadhammena esana
api ce pattamadaya anagaro paribbaje
annam ahimsayam loke api rajjena tam varanti.
Tattha sasamuddaparisasanti parisaso vuccati parivaro
samuddam parivaretva thitena cakkavalapabbatena saddhim samuddasankhatena
parivarena saddhimpiti attho. Sagarakundalanti sagaramajjhe dipavasena
thitatta tassa kundalabhutanti attho. Nindayati
@Footnote: 1 gacchissami . 2 sasamuddapariyayam.
Jhanasukhasampannam pabbajjam chaddetva issariyam ganhiti imaya nindaya.
Sayhati tam namenalapati. Vijanahiti dhammam janahi. Ya
vutti vinipatenati ya mahicchavasena 1- laddha yasalabhadhanalabhavutti
jhanasukhato attavinipatasankhatena vinipatena ito gantva
issariyamadamattassa adhammacaranena va hoti tam vuttim dhiratthu.
Pattamadayati bhikkhabhajanam gahetva. Anagaroti aham
agaravirahito parakulesu careyyam. Saeva jivikati saeva me jivika
seyyo pavaratara. Ya cadhammenati ya ca adhammena esana.
Idam vuttam hoti ya adhammena esana tato esava jivika
sundaratarati. Ahimsayanti avihethento. Api rajjenati evam param
avihethetva kapalahatthassa mama jivitakappanam rajjenapi varam uttamanti.
Iti so punappunam yacantampi tam patikkhipi. Sayhopi tassa
manam alabhitva tam vanditva gantva tassa anagamanabhavam ranno
arocesi.
Sattha imam dhammadesanam aharitva saccani pakasetva jatakam
samodhanesi. Saccapariyosane ukkanthitabhikkhu sotapattiphale
patitthahi. Aparepi bahu sotapattiphaladini sacchikarimsu. Tada raja
anando ahosi. Sayho sariputto. Purohitaputto pana ahamevati.
Sayhajatakam dasamam
kalingavaggo 2- pathamo
@Footnote: 1 purohitatthanavasena . 2 vivaravaggo.
The Pali Atthakatha in Roman Book 38 page 263-266.
http://84000.org/tipitaka/atthapali/read_rm.php?B=38&A=5474&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=38&A=5474&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=27&i=538
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=2741
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=2707
The Pali Tipitaka in Roman Character :-
http://84000.org/tipitaka/read/roman_read.php?B=27&A=2707
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]