AtthaPali Vol.11

Suvannakatacchum gahetva bhattagge brahmane parivisamana tehi saddhim ekapantiyam nisinnassa tassa brahmanassa bhattam upasamharanti dunnikkhitte darubhande pakkhali. Pakkhalanaghatanaya dukkha vedana uppajji. Tasmim samaye dasabalam sari. Satisampannataya pana payasacatim ^1- achaddetva sanikam otaretva bhumiyam santhapetva pancannam brahmanasatanam majjhe sirasi anjalim thapetva yena veluvanam, tenanjalimpanametva imam udanam udanesi. Tasmim ca samaye tesu brahmanesu keci bhutta ^2- honti, keci bhunjamana, keci hatthe otaritamatta, kesanci bhojanam purato thapitamattam hoti. Te tam saddam sutvava sinerumattena muggarena sise pahata viya kannesu sulena viddha viya dukkhadomanassam patisamvedayamana "imina annaladdhikena mayam gharam pavesita"ti kujjhitva hatthe pindam chaddetva mukhena gahitam nutthahitva ^3- dhanum disva kaka viya brahmanam akkosamana disavidisa pakkamimsu. Brahmano evam bhijjitva gacchante brahmane disva brahmanim sisato patthaya oloketva "idameva bhayam sampassamana mayam hiyyo patthaya bhotim yacanta na labhimha"ti nanappakarehi brahmanim akkositva etam "evameva pana"tiadivacanam avoca. Upasankamiti "samano gotamo gamanigamaratthapujito, na sakka gantva yam va tam va vatva santajjetum, ekameva nam panham pucchissami"ti gacchantova "kimsu ghatva"ti ^4- gatham abhisankharitva "sace `asukassa nama vadham rocemi'ti vakkhati, atha nam `ye tuyham na ruccanti, te maretukamosi, lokavadhaya uppanno, kim tuyham samanabhavena'ti nigganhissami. Sace `na kassaci vadham rocemi'ti vakkhati, atha nam `tuvam ragadinampi vadham na icchasi, kasma samano hutva ahindasi"ti nigganhissami. Iti imam ubhatokotikam panham samano gotamo neva gilitum na uggilitum sakkhissati"ti cintetva upasankami. Sammoditi attano panditataya kuddhabhavam adassetva madhurakatham kathento sammodi. Panho devatasamyutte kathito. Sesampi hettha vittharitamevati. Pathamam. @Footnote: ¹ payasapatim ² Si. bhuttavino @³ cha.Ma. nitthubhitva, Si. nutthubhitva, i. nutathumbhitva ⁴ cha.Ma. chetvati

The Pali Atthakatha in Roman Book 11 page 216. http://84000.org/tipitaka/atthapali/read_rm.php?B=11&A=5605&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=5605&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=626 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=5136 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=4575 The Pali Tipitaka in Roman Character :- http://84000.org/tipitaka/read/roman_read.php?B=15&A=4575 Contents of The Tipitaka Volume 15 http://84000.org/tipitaka/read/?index_15