AtthaPali Vol.38

kassapamandiyajatakam api kassapa mandiyati idam sattha jetavane viharanto ekam mahallakabhikkhum arabbha kathesi. Savatthiyam kira eko kulaputto kamesu adinavam disva satthu santike pabbajitva kammatthane anuyutto nacirasseva arahattam papuni. Tassa aparabhage mata kalamakasi. So matu Accayena pitaranca kanitthabhatikanca pabbajetva jetavane vasitva vassupanayikasamaye civarapaccayassa sulabhatam sutva ekam gamakavasam gantva tayopi tattha vassam upagantva vutthavassa jetavanameva agamimsu. Daharabhikkhu jetavanassasannatthane samanera theram vissametva aneyyasi aham puretaram gantva parivenam patijaggissamiti jetavanam pavisi. Mahallakatthero sanikam agacchati. Samanero punappunam sisena uppilento viya gaccha gaccha bhanteti tam balakkarena neti. Thero tvam mam avassam anesiti. Puna nivattitva kotito patthaya agacchati. Tesam evam annamannam kalaham karontananneva suriyo atthangato andhakaro jato. Itaropi parivenam sammajjitva udakam upatthapetva tesam agamanam apassanto ukkam gahetva paccuggantva te agacchante disva kim cirayitthati pucchi. Mahallako tam karanam kathesi. So te dvepi vissametva sanikam anesi. Tamdivasam buddhupatthanassa okasam na labhi. Atha nam dutiyadivase buddhupatthanam agantva vanditva nisinnam sattha kada agatositi pucchi. Hiyyo bhanteti. Hiyyo agantva ajja buddhupatthanam karositi. So ama bhanteti vatva tam karanam acikkhi. Sattha mahallakam garahitva na esa idaneva evarupam kammam karoti pubbepi akasi idani pana tena tvam kilamito pubbepi pandite kilamesiti vatva tena yacito atitam ahari. Atite baranasiyam brahmadatte rajjam karente bodhisatto kasikanigame brahmanakule nibbatti. Tassa vayappattassa mata kalamakasi. So matu sarirakiccam katva masaddhamasaccayena ghare vijjamanam dhanam danam datva pitaranca kanitthabhatikanca gahetva himavantappadese devadattiyam vakkalam gahetva isipabbajjam pabbajitva unchacariyaya mulaphalaphalehi yapento ramaniye vanasande vasi. Himavante pana vassakale acchinnadhare deve vassante na sakka hoti kandamulam khanitum phalaphalani ca pannani ca patanti. Tapasa yebhuyyena himavantato otaritva manussapathe vasanti. Tadapi bodhisatto pitaranca kanitthanca gahetva manussapathe vasitva puna himavante pupphitaphalite te ubho gahetva himavante attano assamapadam agacchanto assamassavidure suriye atthangate tumhe sanikam agaccheyyatha aham purato gantva assamapadam jaggissamiti vatva te ohaya gato. Khuddakatapaso pitara saddhim sanikam gacchanto tam katippadese sisena uppilento viya gaccha gacchati tam balakkarena neti. Mahallako tvam mam attano ruciya anesiti puna nivattitva kotito patthaya agacchati. Evam tesam kalaham karontananneva andhakaro ahosi. Bodhisattopi pannasalayam sammajjitva udakam upatthapetva ukkamadaya patipatham agacchanto te disva ettakam kalam kim karitthati aha. Khuddakatapaso pitara katakaranam kathesi. Bodhisatto ubhopi te Sanikam netva parikkharam patisametva pitaram nhapetva padadhovana- makkhanapitthisambahanani katva angarakapallam upatthapetva patippassaddhakilamatham pitaram upanisiditva tata tarunadaraka nama mattikabhajanasadisa muhutteneva bhijjanti sakim bhinnakalato patthaya puna na sakka honti ghatetum te akkosantapi paribhasantapi mahallakehi adhivasetabbati vatva pitaram ovadanto ima gathayo aha api kassapa mandiya yuva sapati hanti va sabbantam khamate dhiro pandito tam titikkhati sacepi santa vivadanti khippam sandhiyare puna bala pattava bhijjanti na te samathamajjhagu ete bhiyyo samayanti sandhi tesam na jirati yo cadhipannam janati yo ca janati desanam eso hi uttaritaro bharavaho dhuramdharo yo paresadhipannanam sayam sandhatumarahatiti. Tattha kassapati pitaram namenalapati. Mandiyati mandibhavena tarunataya. Yuva sapati hanti vati tarunadarako akkosatipi paharatipi. Dhiroti ^1- vigatapapo viriyoti vuccati. Pannaya samannagatotipi attho ^2-. Itaram pana imasseva vevacanam. Ubhayenapi sabbantam baladarakehi katam aparadham mahallakadhiro pandito sahati titikkhatiti dasseti. Sandhiyareti puna mittabhavena sandhiyanti @Footnote: ¹ dhiroti dhikkitapapo . ² dhi vuccati panna taya samannagatotipi attho. Ghatiyanti. Bala pattavati balaka pana mattikapattava bhijjanti. Na te samathamajjhaguti te balaka appamattakampi vivadam katva veravupasamanam na vindanti nadhigacchanti. Ete bhiyyoti ete dve jana bhinnapi puna samagacchanti. Sandhiti mittasandhi. Tesanti tesamyeva dvinnam na jirati. Yo cadhipannanti yo ca attano adhipannam atikkantam annasmim katadosam janati. Desananti yo ca tena attadosam janantenapi desitam accayadesanam patigganhitum janati. Yo paresadhipannananti yo paresam adhipannanam dosenabhibhutanam aparadhakarakanam. Sayam sandhatumarahatiti tesu akhamapentesupi ehi bhadramukha uddesam ganha atthakatham suna bhavanamanuyunja kasma paribahirositi evam sayam sandhatum arahati mittabhavam ghateti eso evarupo mettavihari uttaritaro mittabharassa mittadhuraya ca vahanato bharavahoti ca dhuramdharoti ca sankhyam gacchatiti. Evam bodhisatto pitu ovadam adasi. Sopi tato pabhuti danto ahosi sudanto. Sattha imam dhammadesanam aharitva jatakam samodhanesi tada pita tapaso mahallakatthero ahosi khuddakatapaso samanero pitu ovadadayako pana ahamevati. Kassapamandiyajatakam dutiyam ------------

The Pali Atthakatha in Roman Book 38 page 270-274. http://84000.org/tipitaka/atthapali/read_rm.php?B=38&A=5626&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=5626&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=546 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2776 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2740 The Pali Tipitaka in Roman Character :- http://84000.org/tipitaka/read/roman_read.php?B=27&A=2740 Contents of The Tipitaka Volume 27 http://84000.org/tipitaka/read/?index_27