Atthakatha Book 15 : PALI ROMAN
An.A. (manoratha.2)

Tam sarikkhakameva. Ditthadhammavedaniyanti tasmim kammeyeva ditthadhamme vipaccitabbam
vipakavaram labhantam ditthadhammavedaniyam hoti. Nanupi khayatiti dutiye va 1-
attabhave anupi na khayati, anumattampi dutiye attabhave vipakam na detiti attho.
Bahudevati bahukam pana vipakameva dassetiti 2- adhippayo. Abhavitakayotiadihi
kaye bhavanarahito vattagami puthujjano dassito. Parittoti parittaguno. Appatumoti
atumo 3- vuccati attabhavo, tasmim mahantepi gunaparittataya appatumoyeva.
Appadukkhavihariti appakena vipakena 4- dukkhavihari. Bhavitakayotiadihi khinasavo
dassito. So hi kayanupassanasankhataya kayabhavanaya bhavitakayo nama. Kayassa va
vaddhitatta bhavitakayo. Bhavitasiloti vaddhitasilo. Sesapadadvayepi eseva nayo.
Pancadvarabhavanaya va bhavitakayo. Etena indriyasamvarasilam vuttam, bhavitasiloti
imina sesani tini silani. Aparittoti aparittaguno. 5- Mahattati 6- attabhave
parittepi gunamahantataya mahatta. Appamanavihariti khinasavavasena ca namametam. 7-
So hi pamanakaranam ragadinam abhavena appamanavihari nama.
     Paritteti khuddake. Udakamallaketi 8- udakasaravake. 9- Orabbhikoti
urabbhasamiko. Urabbhaghatakoti sunakaro. Japetum vati dhanajaniya japetum.
Jhapetuntipi patho, ayamevattho. Yathapaccayam va katunti yatha icchati, tatha katum.
Urabbhadhananti elakaagghanakamulam. So panassa sace icchati, deti. No ce icchati,
givayam gahetva nikkaddhapeti. Sesam vuttanayeneva veditabbam. Imasmim pana sutte
vattavivattam kathitanti.
@Footnote: 1 cha.Ma.,i. ayam saddo na dissati    2 cha.Ma.,i. vipakam kimeva dassatiti
@3 cha.Ma. atuma   4 cha.Ma.,i. appakenapi papena    5 cha.Ma.,i. na parittaguno
@6 cha.Ma. mahatto...evamuparipi   7 cha.Ma.,i. khinasavassetam namameva
@8 Ma. udakakapallaketi    9 cha.Ma.,i. udakasarave


             The Pali Atthakatha in Roman Book 15 page 253.
http://84000.org/tipitaka/atthapali/read_rm.php?B=15&A=5869&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=15&A=5869&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=20&i=540
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=20&A=6566
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=20&A=6762
             The Pali Tipitaka in Roman Character :-
http://84000.org/tipitaka/read/roman_read.php?B=20&A=6762
             Contents of The Tipitaka Volume 20
http://84000.org/tipitaka/read/?index_20