AtthaPali Vol.30

55. 5. Dvarapalakavimanavannana uccamidam manithunanti dvarapalakavimanam. Tassa ka uppatti? bhagava rajagahe viharati veluvane. Tena samayena rajagahe annataro upasako cattari niccabhattani samghassa deti, tassa pana geham pariyante thitam corabhayena yebhuyyena pihitadvarameva hoti. Bhikkhu gantva kadaci dvarassa pihitatta bhattam aladdhava patigacchanti. Upasako bhariyam aha "kim bhadde ayyanam sakkaccam bhikkha diyati"ti. Sa aha "ekesu divasesu ayya nagamimsu"ti. Kim karananti. Dvarassa pihitatta manneti. Tam sutva upasako samvegappatto hutva ekam purisam dvarapalam katva thapesi "tvam ajjato patthaya dvaram rakkhanto nisida, yatha ca ayya agamissanti, tatha te pavesetva pavitthanam nesam pattapatiggahanaasanapannapanadi sabbam yuttapayuttam janahi"ti. So "sadhu"ti sampaticchitva ^1- tatha karonto bhikkhunam santike dhammam sutva uppannasaddho kammaphalam saddahitva saranesu ca silesu ca patitthahi, sakkaccam bhikkhu upatthahi. Aparabhage niccabhattadayako upasako kalam katva yamesu nibbatti. Dvarapalo pana ^2- sakkaccam bhikkhunam upatthahitva parassa pariccage veyyavaccakaranena anumodanena ca tavatimsesu uppajji. Tassa dvadasayojanikam kanakavimanantiadi sabbam kakkatakavimane vuttanayeneva veditabbam. Pucchavissajjana- gatha evamagata:- [918] "uccamidam manithunam vimanam samantato dvadasa yojanani kutagara sattasata ulara veluriyathambha rucakatthata subha. @Footnote: ¹ cha.Ma. ayam patho dissati ² ka. dvarapalo ca [919] Tatthacchasi pivasi khadasi ca dibba ca vina pavadanti vaggum. Dibba rasa kamagunettha panca nariyo ca naccanti suvannachanna. [920] Kena te'tadiso vanno kena te idha mijjhati uppajjanti ca te bhoga ye keci manaso piya. [921] Pucchami tam deva mahanubhava manussabhuto kimakasi punnam. Kenasi evanjalitanubhavo vanno ca te sabbadisa pabhasati"ti. [922] So devaputto attamano moggallanena pucchito panham puttho viyakasi yassa kammassidam phalam. [923] "dibbam mamam vassasahassamayu vacabhigitam manasa pavattitam ettavata thassati punnakammo dibbehi kamehi samangibhuto. [924] Tena me'tadiso vanno .pe. Vanno ca me sabbadisa pabhasati"ti. #[923] Tattha dibbam mamam vassasahassamayuti yasmim devanikaye sayam uppanno, tesam tavatimsadevanam ayuppamanameva vadati. Tesam hi manussanam gananaya Vassasatam eko rattidivo, ^1- taya rattiya timsarattiko maso, tena masena dvadasamasiko samvaccharo, tena samvaccharena sahassasamvaccharani ayu, tam manussanam gananaya tisso vassakotiyo satthi ca vassasatasahassani honti. Vacabhigitanti vacaya abhigitam, "agacchantu ayya, idamasanam pannattam, idha nisidatha"tiadina, "kim ayyanam sarirassa arogyam, kim vasanatthanam phasukan"tiadina patisantharavasena ca vacaya kathitamattam. Manasa pavattitanti "ime ayya pesala brahmacarino dhammacarino samathacarinotiadina ^2- cittena pavattitam pasadamattam, na pana mama santakam kinci pariccattam atthiti dasseti. Ettavatati ettakena evam kathanamattena pasadanamattenapi. Thassati punnakammoti katapunno nama hutva devaloke thassati ciram pavattissati, titthanto ca dibbehi kamehi samangibhuto tasmim devanikaye devanam valanjananiyameneva dibbehi pancahi kamagunehi samangibhuto samannagato hutva indriyani paricarento viharatiti attho. Sesam vuttanayameva. Dvarapalakavimanavannana nitthita. -------------------

The Pali Atthakatha in Roman Book 30 page 283-285. http://84000.org/tipitaka/atthapali/read_rm.php?B=30&A=5971&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=5971&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=55 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=2016 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=2019 The Pali Tipitaka in Roman Character :- http://84000.org/tipitaka/read/roman_read.php?B=26&A=2019 Contents of The Tipitaka Volume 26 http://84000.org/tipitaka/read/?index_26