AtthaPali Vol.30

58. 8. Pathamasucivimanavannana uccamidam manithunam vimananti sucivimanam. Tassa ka uppatti? bhagava rajagahe viharati veluvane. Tena samayena ayasmato sariputtassa civarakammam katabbam hoti. Attho ca hoti suciya. So rajagahe pindaya caranto kammarassa gehadvare atthasi. Tam disva kammaro aha "kena bhante attho"ti. Civarakammam katabbam atthi, suciya atthoti. Kammaro pasannamanaso katapariyosita dve suciyo datva "punapi bhante suciya atthe sati mama acikkheyyatha"ti vatva pancapatitthitena vandi. Thero tassa anumodanam katva pakkami. So aparabhage kalam katva tavatimsesu uppajji. Atha ayasma mahamoggallano devacarikam caranto tam devaputtam imahi gathahi pucchi:- [944] "uccamidam manithunam vimanam samantato dvadasa yojani Kutagara sattasata ulara veluriyathambha rucakatthata subha. [945] Tatthacchasi pivasi khadasi ca dibba ca vina pavadanti vaggum dibba rasa kamagunettha panca nariyo ca naccanti suvannachanna. [946] Kena te'tadiso vanno kena te idha mijjhati uppajjanti ca te bhoga ye keci manaso piya. [947] Pucchami tam deva mahanubhava manussabhuto kimakasi punnam kenasi evanjalitanubhavo vanno ca te sabbadisa pabhasati"ti. [948] So devaputto attamano moggallanena pucchito panham puttho viyakasi yassa kammassidam phalam. [949] "yam dadati na tam hoti yanceva dajja tanceva seyyo suci dinna sucimeva seyyo [950] Tena me'tadiso vanno tena me idha mijjhati uppajjanti ca me bhoga ye keci manaso piya. [951] Akkhami te bhikkhu mahanubhava manussabhuto yamakasi punnam Tenamhi evanjalitanubhavo vanno ca me sabbadisa pabhasati"ti. #[949] Tattha yam dadatiti yadisam deyyadhammam dadati. Na tam hotiti tassa tadisameva phalam na hoti, atha kho khettasampattiya ca cittasampattiya ca tato vipulataram ularatarameva phalam hoti. Tasma yanceva dajja tanceva seyyoti yam kincideva vijjamanam dajja dadeyya, tanceva tavadeva seyyo, yassa kassaci anavajjassa deyyadhammassa danameva seyyo, kasma? maya hi suci dinna, sucimeva seyyo, sucidanameva mayham seyyam jatam, yato ayamidisam sampatti laddhati adhippayo. Pathamasucivimanavannana ^1- nitthita. -----------------

The Pali Atthakatha in Roman Book 30 page 289-291. http://84000.org/tipitaka/atthapali/read_rm.php?B=30&A=6106&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=6106&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=58 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=2059 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=2059 The Pali Tipitaka in Roman Character :- http://84000.org/tipitaka/read/roman_read.php?B=26&A=2059 Contents of The Tipitaka Volume 26 http://84000.org/tipitaka/read/?index_26